☆KA TÂNA RUAT☆ - 4 By Dingdi Pachuau
Hlim rilru tak hian Pi Mawiteite gate-ah chuan ka lût a, kawta Arlo lo chhaihtu Naom-i chuan min lo hmuin min lo ko vat a," Au Ruatpui, lo kal ve rih rawh, Arlo hian infiam a châk sia, min dîl reng a," a rawn ti lauh lauh a, a ball ken lai chu a vawm a, Arlo chuan chhar tumin a ûm zui nghâl zat a.
"Nangmah zâwk khân infiampui i châk zâwk a nih ka ring tlat," nui chung hian ka ti a, min rawn en a, nui hai pah hian," A ni tak tak alawm, a țap a țap a. En la hei, ka infiampui chuan a țah tawh miah loh hi, nuam a ti asin," a ti leh a, ball seh vû chunga Arlo rawn tlãn hnai chu kovin ball chu a lâksak a, a hmaa a vawmna ngaiah bawk chuan a vawm phei leh a.
Car thãwm a awm avàng chuan chu lam chu kan en dùn vat a, a pa car a ni tih hriat tak hian," Âpa a lo haw!" a ti hliai a, Arlo pawh a ngaihven zui tawh lo; mahse, ani pawh chuan a pu lo haw chu a lo làwm ve duh a ni ang, a ball seh chu leiah dahin a pu car lam pan chuan mei vai lauh lauh pahin a tlãn phei ve nghâl a.
An inah hian ka kal ngun ve viau tawh a nia, pu ber nèn hian vawi hnih thum bâk kan la inhmu lo, ni leh lo, vawi hnih thum bâk ka la hmu lo tiin a sawi theih zâwk ang chu. Eng hna nge a thawh chiah ka hre lo nain eng dept emaw berah chuan hotu ve deuh tak a ni chuan ka ring ringawt a, a rawn haw hma vak ngai si lo va, inhmuhna hun hi a awm lo ve êm a ni; mahse, vawiin chu a rawn haw hma tlat a nih hi. E, chuan, a hming ka la sawi lo, Lalrinmuana Renthlei a ni a, an in kawngka lu chunga hming intâr ațangin ka hre ve tawh a; mahse, an koh dàn erawh ka hre lo.
A pa lo thleng nèn chuan Naom-i chu an inlàwm a, Arlo pawh mei vai vut vutin an bul chêtah a lo kal kual ve sek bawk. In chhûnga luh mai ka tum deuh a; mahse, mawi lo deuhin ka hre leh si. Pa ber lah chuan min rawn hmu ve hman tawh tho bawk si a, hma lama kut suiha dingin an chezia chu ka lo thlîr ta tawp mai.
A fanu kai chuan a rawn kal phei a," Ruatpuii chu, inhmuh a khât hlê mai," a rawn ti a, lài ru tak hian," Nia..." ka ti ringawt. Naom-i chuan," Âpa, Au Ruatpuii hi a fel sia, min zirtîr hah thei bawk sia, ei tùr min rawn leisak hi ka pe ve ang aw?" a ti siam siam a, a pa chuan," Aw le, short break-ah in eiho dâwn nia, a tui viau ang," a lo ti ve a, an hnungah ka zui lût ve nghâl a.
Vawiin tlai chu ka rin loh lutukin break laiin Joel-a'n min be ve mial mai. A pa chhang rawn lei haw kha kan eiho a, Naom-i a țawng leh malh malh a, Joel-a chuan," U Ruatpui, tui i tih zâwng a ni em?" a ti ve khiah a, ka en vat nghe nghe, mak tih vàngin. Min lo en ve lêm lo va," Tui ka ti khawp mai, ka lei ka lem tel lo chauh a ni, a tui lutuk a," ka ti a, ka nui pah bawk. Naom-i chuan," Tui tih vàngin lei a lem tel theih a mi?" a rawn ti vat a, chek hlakin Joel-a chuan," Mãwl leh ta!! Puitlingin an tih chuan a theih a ni mai," a lo ti nghut a, a melh rum leh hlê tawh. An unau hi inngeih lo viauin lang mah se ka nuih hi an tiza țhìn, pakhat titiin a țawng barh barh reng a, pakhat lahin engtin emaw a lo khak fuk zêl bawk a, khua hi a har hman lo ti ila a dik ber ang. Ka ngaihtuah mai mai a, chaw an ei laite hian an nu leh pate hian remna thu an chhâk chhuak deuh reng hian a nia ka rin ni, buaina tenau hi a chhuak ngun țhìn ngawtin ka ring.
Chhana'n min hruaiin min thlah hman lo va, kein ka haw leh hnak hnak a. Damdawi dàwr lian vak lo ka kal pelh lai chuan ka hminga min ko ri ka hriat avàng chuan ding deuhin ri lo chhuahna lam chu ka hawi a, dàwr ațanga U Duha, kan kawmthlang tlangvâl lo chhuak chu ka hmu zui nghâl a.
"Helaiah te ka hmuh daih che ni! Khawnge i kal a?" a tih chuan," A, naupang tuition class ka pe lawk a, eng nge i tih zâwk? I haw tawh dâwn em?" ka ti ve vat a, kan kal dùn zui nghâl a. "Ngúra damlo ka kan lawk e ka tia, ka haw dâwn chiah a nih hi," a tih chuan," A nih tak chu, eng nge a lo an a?" tiin ka zâwt ve luam a, ani chuan," A zia tawh reng mai, damdawi in ațanga a chhuah hnuah ka la kan leh miah lo va, hun remchâng insiam hi a har ve țhìn a," a lo ti ve mai a. Kawng tluan chuan kan titi dùn bawrh bawrh a, chhûngkaw chanchin kan inzâwt ve bawk. Kan in hi a inhnaih lutuk lo va, kan inlènpawh vak lo bawk, biak erawh kan inbe zauh zauh tho. Kawng a kual reuh lutuk a, inhnaih deuh anga lang si hian kan inhlat ka ti mai.
Zànah Chhana a rawn lêng lo va, message pawh min rawn thawn hek lo, a buai leh a nih ka ring a, call êm chu ka duh lo, message erawh ka thawn tho. A hmuh hun hunah lo hmu mai rawh se, a buai laia lo call ve sek kha chu, thil pawimawh tak hrilh tùr ka nei pawh a ni si lo va.
Keini pahnih inngaizâwng hi message thlum tak tak inthawn kûr dup leh induat hliau hliau ang chi hi kan ni lo va, kei phei hi chuan ka ti ngai lo tawp a ni mai. Amah zâwk hian message min rawn thawn peihin a tih tùrte hi min rawn hrilh țhìn zâwk a, kei pawhin a châng chuan ka hrilh ve tho, a zawng zawng chuan ka hrilh lêm lo, a nin ka hlauh bâkah ho ka ti leh tlat țhìn a, a hriat tùr chin, a pawimawh chin nia ka hriat erawh ka hrilh ve tho. Zàn mut dâwn leh zîng thawh dâwna in-wish-na tih vêl hi chu kan inzui tirh kha chuan a rawn ti ve țhìn ngei mai a; mahse, zîng hi a tho hma vak ngai lo nèn, tûkțhuan ei dâwnah leh office ka thlen hnuahte a 'morning wish' phei chu ka hmu hman țâwk. Tunah hi chuan kan lo inzui rei ve ta deuh bawk a, a peih châng leh hman châng chauhin min rawn thawn tawh; mahse, ka vui ngai lo, min duh ve ngawt pawh hi ka lãwm êm êm a, tunah phei chuan a nupui ni tùrin min sâwm tawh a nia, rilru hi a nuam veng veng ka ti tawp mai.
Hmãn zàna a sawi khân min lo duh ve tak takin neih hial pawh min lo duh a ni tih ka hria a, ka lãwm a, hnial thei ni pawhin ka inhre lo; mahse, a rûk tak chuan hma ka la ti a, kum khat tal min nghâk leh rih tùrin ka ngèn nghe nghe a ni. Ka dinhmun ka sawi a, ani pawhin min hre thiam ve tho; mahse, kan inneih hnuah pawh ka hna chu ka thawh zawm duh chuan ka thawk thei tho ang tiin a sawi a, ani pawhin min neih chuan a nu dàwr chu siam len deuha kan nupa inchàwm nân hman chhoh a tum thu a sawi ve bawk. Dik taka sawi chuan ka nu leh U Mama pasal han neihsan daih chu ka la inzuam chiah lo deuh a, lehkha ka zir theih nân hrehawm pawisa lovin hna an thawk a, min chãwm țàng țáng a, hlawh chhe tê ka nei ve țan chauh a, pasal han neihsan daih chu hma ka la ti ve deuh hlek chu a ni; mahse, lo hnial ta ila Chhana anga min duhtu leh ka tâna țha si hi ka hmu leh tawhin ka ring lo. Min duh a, keiin ka duh bawk a, ka nu leh U Mama lahin min duhpui ve tho bawk a, an chhûngkaw khawsak dinhmun ni se ani aia thlan tùr hi chu ka hmu zo tawh kher lo ang.
Vawiin chu Peka a rawn meng bui lehzual tlatin ka hria a, ka homework pêk pawh a rawn ti lo. A chhan ka zâwt a, ngawi renga dingin dawhkàn a melh chhuk ràn a, thinrim awka ni lo awka dam tak hian homework a tih loh chhan chu ka záwt nawn leh a, "Miss, min hrem mai rawh," a ti leh ta sap a.
"Hrem che u hi ka duh lo, in lama in lo tih ve ngei hi ka duh chu a ni, homework-ah ka pe leh che ang a, i lo ti tawh ang tiraw?" ka ti a, ani erawh chu a ngawi reng a. Naupang luhlul rual a ni tih chu ka hre tho a; mahse, a lo tih tùr thu a sawi mai lo chuan thil dang min ngaihtuahtîr ta daih a," A nih, tunah khân i ti thei ang tiraw?" ka ti a, zàwi tê hian," Yes, Miss," a ti sap a, ka țhuttîr ta a.
Tih tùr ka pêk chu an ti sap sap a, min rawn entîr bawk a, Peka lam ka va en chuan a lo ti ve mawlh mawlh tih ka va hmu a, a thiam tùrah ka ngai deuh a nia, ka rin ai chuan min rawn hmuhtîr har, a thiam chiah lo em maw ni ka ti deuh hlek. A bul hnaiah ka va kal a, a lo la chawk zo lo deuh hlek chauh tih ka va hmu a, a tih dàn a thiam tih ka hria a, ka bu nghat nghat a. An thiam chian lehzual nân tiin in lama tih tùr ka pe leh a, lo ti țheuh tùr chuan ka hrilh leh hlawm bawk.
Chawlh laiin ka phone a ri a, ka han en chuan Chhana a lo ni. Office ațanga chhuakin," Hello?" ka han ti a, ani erawh chuan min rawn chhâng lovin a ngawi hmuk mai. Ka 'hello' nawn leh a; mahse, chuti chung pawh chuan a la ngawi tho, signal a chhia ti dâwn ila a chhe si lo, a thaw ri hawk pawh ka hre reng.
"Hello?? Chhana, i hre thei em? I țawng ka hre thei lo, i signal a chhia a ni lo maw?" ka ti a, ka phone chu ka en leh ringawt a, dik lohna a awm bawk si lo. Ka off a, keiman ka han ti nawn a; mahse, a tlang thei lo zui nghâl daih. Ka tih nawn leh pawh chuan a theih chuang loh, eng nge maw a awmzia ni? Nakinah remchângah ka ti leh mai a ni ang chu. Ani hi, a phone a chhe thut em maw ni zâwk le?
Tlaiah haw kawngah ka ti leh chhin hrim hrim a, a tlang ta hlauh mai. Vawi thum a ring hnu chuan min rawn chhâng ve ta a," Hello?" a rawn ti bung nghut a, a mood a fuh vak lo a nih hmèl.
"Aw, chawlh laia min rawn biak khân i țawng ka hre thei lo va, eng nge i tih? I buai em?" ka ti a, ani chuan," Buai lo," a rawn ti leh nghut mai. Lungawi lohna chu a nei chiang alawm, eng tak chu ni ang maw? Inneih a duh thu a chhûngte a hrilh ang a, an thu a inhmu chiah lo ang a, a lungawi lo a ni maithei a ni.
"Nizànah i rawn lêng lo va, i message ka hmu bawk si lo nèn, i reh lutuk a," ka han ti a, a mood chhe zet chu hai dera tih hlim ka tum ve a ni; mahse," Nimin tlaia i kalpui kha tu nge? Min lo kawp reng a ni maw? Tu nge i duh zâwk chu sawi mai rawh," a rawn tih leh nghut nghut tâkah chuan a mood chhiat chhan ka hre ta chiah. U Duha nèna kan haw dùn kha min lo hmu a ni chiang, a lo thîk leh tawh tihna a nia, ka nui hawk mai.
"Kawmthlang tlangvâl U Duha a nih kha, kan haw tlâng mai a nia," ka ti phawt a, zàwi deuh zâwk hian," Ka duh ber che, mi dang duh ka nei lo," ka ti zui leh sap a, ka bula mite leh ka kal pelhte'n ka thil sawi kha an hriat loh hrâm ka beisei.
"I thil sawi ka hre thei lo," a rawn ti ve thung a, a hre reng àwm sia, han sawi nawn leh chu ka hreh ve deuh a," Zaninah rawn lêng la, ka hrilh ang che," ka ti a, ani lah chuan," Ka hman lohzia i hriat kha, tunah sawi mai la," a rawn ti leh a.
"A, zànah lo kal zawk mai rawh, i lo kal loh chuan i hre duh loah ka ngai ang, rei pawh a ngai nâng," ka ti ve leh thung a, a rûm nghut a," Tunah ka rawn kal zâwk ang," a rawn ti ve leh thung bawk.
A rawn thleng chu a la rawn tûm nasa mai; mahse, kei ka thinrim duh tlat lo va, a thil sawi rêng rêng chu ngaihven takin țha takin ka chhâng a, amah ka duhzia leh amah ni lo mipa dang duh ka neih lohzia ka hrilh keuh keuh bawk. Ani pawh a tûm rei thei ta bîk lo, tuition class pe tùra kan kal chhuah hmain rei táwk min fâwp a, ka âwmbâwr a țhãm salh bawk a," Phubá a nih kha, tikhân ka lung a awi ve țan chauh," a la ti sup zui, ka nuin min rawn pháwk teuhzia mai chu a, ka thin a phu nasa teh e.
Min thlah a; mahse, min hawsan zui ta daih. A buai ve a, ka hre thiam êm êm a ni. Han lungawi lo ve țhìnin mipa dang han thîk țhìn mah se ka rinawm lohsan ngai lo va, amah chauh ka duh a ni tih a hre chiang ve tho tih ka hria.
Peka'n homework a rawn ti leh ta lo. A tih loh chhan ka zâwt leh a," Min hrem mai rawh," a tih leh mai ka rin nèn," Miss, homework tihna hun ka nei lo a ni, i duh duh dànin min ti mai rawh," a ti ta záwk a, mit khap lovin ka en tlawk tlawk ringawt.
Ka hrem lo va, engtin mah ka ti lo; mahse, hun remchângah ka ko hrang ta a, ka thawhpuite leh naupang dang min hmuh theihna hmunah erawh a ni lo. Ka bulah a ding zum zât a, a kut pahnih hnung lamah a suih a, a kûn deuh tlat bawk.
"Peka, thil min hrilh duh i nei em? Engati nge homework tihna hun i neih loh?" tiin ka zâwt a, a ngawi ràn phawt a, min chhâng dáwn lo emaw ka tih hnuah," Ânu a dam lo va," a ti sap a, a ngawi zui nghâl leh daih.
"A va zia lo ve!! Engtik ațangin nge a dam loh a?" ka ti a, ani chuan," A rei tawh," a lo ti leh mai a. "A nih, a dam lo na viau em?" ka ti leh thuai a," Aw, nizànah pawh khân a luak reng a," a ti leh a, a mittui a tla tih a pheikhawk chhîpa tui far koh ka hmuh chuan a ti chiang viau mai, ka khawngaih reuh mang e.
"A zia lo hlê mai, damdawite a ei em? Chaw a ei thei em?" ka ti leh zêl a; mahse, naupang mai a la ni a, chutiang zawng zawng chu a hre vek kher lo ang, a rilru a hrehawm dâwn tehlul nèn, zawhna ka zâwt țeuh ringawt a.
Haw kawngah kan school naupangte chanchin ka hriat lohzia ka ngaihtuah vang vang a, Peka pawh khân harsatna a lo tâwk reng a ni si a, engtin nge ka tih ang? Țanpui dàn tùr ka hre chhuak thei mai lo, an inah ka va tlawh ang a, a nat dànte ka va hre chiang mai dâwn em ni ang? Nau pahnih lai a la neih thute kha a sawi reuh kha a nia, amah upa ber a nih vàngin a naute enkawl ngai, a nu damlo enkawl ngai bawk si tân chuan lehkha zir chu a har ve khawp ang le.
Vawiin chu Joel-ate unau pawh an buaipuiawm lo va, Naom-i phei chuan tih dik loh pakhat mah a nei lo. Joel-a erawhin pahnih chu a ti dik lo va; mahse, a chawk nawn leh a, a chawk dik leh tho. Pi Mawitei a rawn lang miah lo va, thingpui pawh min rawn pe lo, a buai deuh a ni ngei ang.
Haw tùra ka chhuak chu Gate pâwnah Pi Mawitei leh tlangvâl pakhat inbe mêk chu ka va hmu zui nghâl a, ka hawi sawn nain ka en nawn leh ngat. Pi Mawitei chhiat loh lehpekzia chu, chhe lo hi chu ka ti thlâwt a ni, tunah tak te hian a chhe lo ka ti zual, a hmêl leh pianah hian sawisèl tùr ka hre hlawl lo a ni. A lian vak bîk lo ti dâwn ila kei aiin a lian daih a, hei ai hian lian ta se, a inhmeh lo ang ka ti leh bawk si, a tâwk chiah tih hian a sawi fiah ber ang. An pa pawh hian a duh hleuh hleuh ngawtin ka ring, an nupa hian an inhmeh ngawt mai.
*NANGMAH INEN FIAH VE ȚHÌN RAWH, A CHÂNG CHUAN I LO TOXIC VIAU VE THEI A NIA, A CHÂNG CHUAN SUAL RU VIAUIN, I BULA AWM ATÂNA I DUH MIAH LOH ANG MI I LO NI VE THEI BAWK, HARSATNA BUL I NI VE THEI TIHNA A NIH CHU*
Hlim rilru tak hian Pi Mawiteite gate-ah chuan ka lût a, kawta Arlo lo chhaihtu Naom-i chuan min lo hmuin min lo ko vat a," Au Ruatpui, lo kal ve rih rawh, Arlo hian infiam a châk sia, min dîl reng a," a rawn ti lauh lauh a, a ball ken lai chu a vawm a, Arlo chuan chhar tumin a ûm zui nghâl zat a.
"Nangmah zâwk khân infiampui i châk zâwk a nih ka ring tlat," nui chung hian ka ti a, min rawn en a, nui hai pah hian," A ni tak tak alawm, a țap a țap a. En la hei, ka infiampui chuan a țah tawh miah loh hi, nuam a ti asin," a ti leh a, ball seh vû chunga Arlo rawn tlãn hnai chu kovin ball chu a lâksak a, a hmaa a vawmna ngaiah bawk chuan a vawm phei leh a.
Car thãwm a awm avàng chuan chu lam chu kan en dùn vat a, a pa car a ni tih hriat tak hian," Âpa a lo haw!" a ti hliai a, Arlo pawh a ngaihven zui tawh lo; mahse, ani pawh chuan a pu lo haw chu a lo làwm ve duh a ni ang, a ball seh chu leiah dahin a pu car lam pan chuan mei vai lauh lauh pahin a tlãn phei ve nghâl a.
An inah hian ka kal ngun ve viau tawh a nia, pu ber nèn hian vawi hnih thum bâk kan la inhmu lo, ni leh lo, vawi hnih thum bâk ka la hmu lo tiin a sawi theih zâwk ang chu. Eng hna nge a thawh chiah ka hre lo nain eng dept emaw berah chuan hotu ve deuh tak a ni chuan ka ring ringawt a, a rawn haw hma vak ngai si lo va, inhmuhna hun hi a awm lo ve êm a ni; mahse, vawiin chu a rawn haw hma tlat a nih hi. E, chuan, a hming ka la sawi lo, Lalrinmuana Renthlei a ni a, an in kawngka lu chunga hming intâr ațangin ka hre ve tawh a; mahse, an koh dàn erawh ka hre lo.
A pa lo thleng nèn chuan Naom-i chu an inlàwm a, Arlo pawh mei vai vut vutin an bul chêtah a lo kal kual ve sek bawk. In chhûnga luh mai ka tum deuh a; mahse, mawi lo deuhin ka hre leh si. Pa ber lah chuan min rawn hmu ve hman tawh tho bawk si a, hma lama kut suiha dingin an chezia chu ka lo thlîr ta tawp mai.
A fanu kai chuan a rawn kal phei a," Ruatpuii chu, inhmuh a khât hlê mai," a rawn ti a, lài ru tak hian," Nia..." ka ti ringawt. Naom-i chuan," Âpa, Au Ruatpuii hi a fel sia, min zirtîr hah thei bawk sia, ei tùr min rawn leisak hi ka pe ve ang aw?" a ti siam siam a, a pa chuan," Aw le, short break-ah in eiho dâwn nia, a tui viau ang," a lo ti ve a, an hnungah ka zui lût ve nghâl a.
Vawiin tlai chu ka rin loh lutukin break laiin Joel-a'n min be ve mial mai. A pa chhang rawn lei haw kha kan eiho a, Naom-i a țawng leh malh malh a, Joel-a chuan," U Ruatpui, tui i tih zâwng a ni em?" a ti ve khiah a, ka en vat nghe nghe, mak tih vàngin. Min lo en ve lêm lo va," Tui ka ti khawp mai, ka lei ka lem tel lo chauh a ni, a tui lutuk a," ka ti a, ka nui pah bawk. Naom-i chuan," Tui tih vàngin lei a lem tel theih a mi?" a rawn ti vat a, chek hlakin Joel-a chuan," Mãwl leh ta!! Puitlingin an tih chuan a theih a ni mai," a lo ti nghut a, a melh rum leh hlê tawh. An unau hi inngeih lo viauin lang mah se ka nuih hi an tiza țhìn, pakhat titiin a țawng barh barh reng a, pakhat lahin engtin emaw a lo khak fuk zêl bawk a, khua hi a har hman lo ti ila a dik ber ang. Ka ngaihtuah mai mai a, chaw an ei laite hian an nu leh pate hian remna thu an chhâk chhuak deuh reng hian a nia ka rin ni, buaina tenau hi a chhuak ngun țhìn ngawtin ka ring.
Chhana'n min hruaiin min thlah hman lo va, kein ka haw leh hnak hnak a. Damdawi dàwr lian vak lo ka kal pelh lai chuan ka hminga min ko ri ka hriat avàng chuan ding deuhin ri lo chhuahna lam chu ka hawi a, dàwr ațanga U Duha, kan kawmthlang tlangvâl lo chhuak chu ka hmu zui nghâl a.
"Helaiah te ka hmuh daih che ni! Khawnge i kal a?" a tih chuan," A, naupang tuition class ka pe lawk a, eng nge i tih zâwk? I haw tawh dâwn em?" ka ti ve vat a, kan kal dùn zui nghâl a. "Ngúra damlo ka kan lawk e ka tia, ka haw dâwn chiah a nih hi," a tih chuan," A nih tak chu, eng nge a lo an a?" tiin ka zâwt ve luam a, ani chuan," A zia tawh reng mai, damdawi in ațanga a chhuah hnuah ka la kan leh miah lo va, hun remchâng insiam hi a har ve țhìn a," a lo ti ve mai a. Kawng tluan chuan kan titi dùn bawrh bawrh a, chhûngkaw chanchin kan inzâwt ve bawk. Kan in hi a inhnaih lutuk lo va, kan inlènpawh vak lo bawk, biak erawh kan inbe zauh zauh tho. Kawng a kual reuh lutuk a, inhnaih deuh anga lang si hian kan inhlat ka ti mai.
Zànah Chhana a rawn lêng lo va, message pawh min rawn thawn hek lo, a buai leh a nih ka ring a, call êm chu ka duh lo, message erawh ka thawn tho. A hmuh hun hunah lo hmu mai rawh se, a buai laia lo call ve sek kha chu, thil pawimawh tak hrilh tùr ka nei pawh a ni si lo va.
Keini pahnih inngaizâwng hi message thlum tak tak inthawn kûr dup leh induat hliau hliau ang chi hi kan ni lo va, kei phei hi chuan ka ti ngai lo tawp a ni mai. Amah zâwk hian message min rawn thawn peihin a tih tùrte hi min rawn hrilh țhìn zâwk a, kei pawhin a châng chuan ka hrilh ve tho, a zawng zawng chuan ka hrilh lêm lo, a nin ka hlauh bâkah ho ka ti leh tlat țhìn a, a hriat tùr chin, a pawimawh chin nia ka hriat erawh ka hrilh ve tho. Zàn mut dâwn leh zîng thawh dâwna in-wish-na tih vêl hi chu kan inzui tirh kha chuan a rawn ti ve țhìn ngei mai a; mahse, zîng hi a tho hma vak ngai lo nèn, tûkțhuan ei dâwnah leh office ka thlen hnuahte a 'morning wish' phei chu ka hmu hman țâwk. Tunah hi chuan kan lo inzui rei ve ta deuh bawk a, a peih châng leh hman châng chauhin min rawn thawn tawh; mahse, ka vui ngai lo, min duh ve ngawt pawh hi ka lãwm êm êm a, tunah phei chuan a nupui ni tùrin min sâwm tawh a nia, rilru hi a nuam veng veng ka ti tawp mai.
Hmãn zàna a sawi khân min lo duh ve tak takin neih hial pawh min lo duh a ni tih ka hria a, ka lãwm a, hnial thei ni pawhin ka inhre lo; mahse, a rûk tak chuan hma ka la ti a, kum khat tal min nghâk leh rih tùrin ka ngèn nghe nghe a ni. Ka dinhmun ka sawi a, ani pawhin min hre thiam ve tho; mahse, kan inneih hnuah pawh ka hna chu ka thawh zawm duh chuan ka thawk thei tho ang tiin a sawi a, ani pawhin min neih chuan a nu dàwr chu siam len deuha kan nupa inchàwm nân hman chhoh a tum thu a sawi ve bawk. Dik taka sawi chuan ka nu leh U Mama pasal han neihsan daih chu ka la inzuam chiah lo deuh a, lehkha ka zir theih nân hrehawm pawisa lovin hna an thawk a, min chãwm țàng țáng a, hlawh chhe tê ka nei ve țan chauh a, pasal han neihsan daih chu hma ka la ti ve deuh hlek chu a ni; mahse, lo hnial ta ila Chhana anga min duhtu leh ka tâna țha si hi ka hmu leh tawhin ka ring lo. Min duh a, keiin ka duh bawk a, ka nu leh U Mama lahin min duhpui ve tho bawk a, an chhûngkaw khawsak dinhmun ni se ani aia thlan tùr hi chu ka hmu zo tawh kher lo ang.
Vawiin chu Peka a rawn meng bui lehzual tlatin ka hria a, ka homework pêk pawh a rawn ti lo. A chhan ka zâwt a, ngawi renga dingin dawhkàn a melh chhuk ràn a, thinrim awka ni lo awka dam tak hian homework a tih loh chhan chu ka záwt nawn leh a, "Miss, min hrem mai rawh," a ti leh ta sap a.
"Hrem che u hi ka duh lo, in lama in lo tih ve ngei hi ka duh chu a ni, homework-ah ka pe leh che ang a, i lo ti tawh ang tiraw?" ka ti a, ani erawh chu a ngawi reng a. Naupang luhlul rual a ni tih chu ka hre tho a; mahse, a lo tih tùr thu a sawi mai lo chuan thil dang min ngaihtuahtîr ta daih a," A nih, tunah khân i ti thei ang tiraw?" ka ti a, zàwi tê hian," Yes, Miss," a ti sap a, ka țhuttîr ta a.
Tih tùr ka pêk chu an ti sap sap a, min rawn entîr bawk a, Peka lam ka va en chuan a lo ti ve mawlh mawlh tih ka va hmu a, a thiam tùrah ka ngai deuh a nia, ka rin ai chuan min rawn hmuhtîr har, a thiam chiah lo em maw ni ka ti deuh hlek. A bul hnaiah ka va kal a, a lo la chawk zo lo deuh hlek chauh tih ka va hmu a, a tih dàn a thiam tih ka hria a, ka bu nghat nghat a. An thiam chian lehzual nân tiin in lama tih tùr ka pe leh a, lo ti țheuh tùr chuan ka hrilh leh hlawm bawk.
Chawlh laiin ka phone a ri a, ka han en chuan Chhana a lo ni. Office ațanga chhuakin," Hello?" ka han ti a, ani erawh chuan min rawn chhâng lovin a ngawi hmuk mai. Ka 'hello' nawn leh a; mahse, chuti chung pawh chuan a la ngawi tho, signal a chhia ti dâwn ila a chhe si lo, a thaw ri hawk pawh ka hre reng.
"Hello?? Chhana, i hre thei em? I țawng ka hre thei lo, i signal a chhia a ni lo maw?" ka ti a, ka phone chu ka en leh ringawt a, dik lohna a awm bawk si lo. Ka off a, keiman ka han ti nawn a; mahse, a tlang thei lo zui nghâl daih. Ka tih nawn leh pawh chuan a theih chuang loh, eng nge maw a awmzia ni? Nakinah remchângah ka ti leh mai a ni ang chu. Ani hi, a phone a chhe thut em maw ni zâwk le?
Tlaiah haw kawngah ka ti leh chhin hrim hrim a, a tlang ta hlauh mai. Vawi thum a ring hnu chuan min rawn chhâng ve ta a," Hello?" a rawn ti bung nghut a, a mood a fuh vak lo a nih hmèl.
"Aw, chawlh laia min rawn biak khân i țawng ka hre thei lo va, eng nge i tih? I buai em?" ka ti a, ani chuan," Buai lo," a rawn ti leh nghut mai. Lungawi lohna chu a nei chiang alawm, eng tak chu ni ang maw? Inneih a duh thu a chhûngte a hrilh ang a, an thu a inhmu chiah lo ang a, a lungawi lo a ni maithei a ni.
"Nizànah i rawn lêng lo va, i message ka hmu bawk si lo nèn, i reh lutuk a," ka han ti a, a mood chhe zet chu hai dera tih hlim ka tum ve a ni; mahse," Nimin tlaia i kalpui kha tu nge? Min lo kawp reng a ni maw? Tu nge i duh zâwk chu sawi mai rawh," a rawn tih leh nghut nghut tâkah chuan a mood chhiat chhan ka hre ta chiah. U Duha nèna kan haw dùn kha min lo hmu a ni chiang, a lo thîk leh tawh tihna a nia, ka nui hawk mai.
"Kawmthlang tlangvâl U Duha a nih kha, kan haw tlâng mai a nia," ka ti phawt a, zàwi deuh zâwk hian," Ka duh ber che, mi dang duh ka nei lo," ka ti zui leh sap a, ka bula mite leh ka kal pelhte'n ka thil sawi kha an hriat loh hrâm ka beisei.
"I thil sawi ka hre thei lo," a rawn ti ve thung a, a hre reng àwm sia, han sawi nawn leh chu ka hreh ve deuh a," Zaninah rawn lêng la, ka hrilh ang che," ka ti a, ani lah chuan," Ka hman lohzia i hriat kha, tunah sawi mai la," a rawn ti leh a.
"A, zànah lo kal zawk mai rawh, i lo kal loh chuan i hre duh loah ka ngai ang, rei pawh a ngai nâng," ka ti ve leh thung a, a rûm nghut a," Tunah ka rawn kal zâwk ang," a rawn ti ve leh thung bawk.
A rawn thleng chu a la rawn tûm nasa mai; mahse, kei ka thinrim duh tlat lo va, a thil sawi rêng rêng chu ngaihven takin țha takin ka chhâng a, amah ka duhzia leh amah ni lo mipa dang duh ka neih lohzia ka hrilh keuh keuh bawk. Ani pawh a tûm rei thei ta bîk lo, tuition class pe tùra kan kal chhuah hmain rei táwk min fâwp a, ka âwmbâwr a țhãm salh bawk a," Phubá a nih kha, tikhân ka lung a awi ve țan chauh," a la ti sup zui, ka nuin min rawn pháwk teuhzia mai chu a, ka thin a phu nasa teh e.
Min thlah a; mahse, min hawsan zui ta daih. A buai ve a, ka hre thiam êm êm a ni. Han lungawi lo ve țhìnin mipa dang han thîk țhìn mah se ka rinawm lohsan ngai lo va, amah chauh ka duh a ni tih a hre chiang ve tho tih ka hria.
Peka'n homework a rawn ti leh ta lo. A tih loh chhan ka zâwt leh a," Min hrem mai rawh," a tih leh mai ka rin nèn," Miss, homework tihna hun ka nei lo a ni, i duh duh dànin min ti mai rawh," a ti ta záwk a, mit khap lovin ka en tlawk tlawk ringawt.
Ka hrem lo va, engtin mah ka ti lo; mahse, hun remchângah ka ko hrang ta a, ka thawhpuite leh naupang dang min hmuh theihna hmunah erawh a ni lo. Ka bulah a ding zum zât a, a kut pahnih hnung lamah a suih a, a kûn deuh tlat bawk.
"Peka, thil min hrilh duh i nei em? Engati nge homework tihna hun i neih loh?" tiin ka zâwt a, a ngawi ràn phawt a, min chhâng dáwn lo emaw ka tih hnuah," Ânu a dam lo va," a ti sap a, a ngawi zui nghâl leh daih.
"A va zia lo ve!! Engtik ațangin nge a dam loh a?" ka ti a, ani chuan," A rei tawh," a lo ti leh mai a. "A nih, a dam lo na viau em?" ka ti leh thuai a," Aw, nizànah pawh khân a luak reng a," a ti leh a, a mittui a tla tih a pheikhawk chhîpa tui far koh ka hmuh chuan a ti chiang viau mai, ka khawngaih reuh mang e.
"A zia lo hlê mai, damdawite a ei em? Chaw a ei thei em?" ka ti leh zêl a; mahse, naupang mai a la ni a, chutiang zawng zawng chu a hre vek kher lo ang, a rilru a hrehawm dâwn tehlul nèn, zawhna ka zâwt țeuh ringawt a.
Haw kawngah kan school naupangte chanchin ka hriat lohzia ka ngaihtuah vang vang a, Peka pawh khân harsatna a lo tâwk reng a ni si a, engtin nge ka tih ang? Țanpui dàn tùr ka hre chhuak thei mai lo, an inah ka va tlawh ang a, a nat dànte ka va hre chiang mai dâwn em ni ang? Nau pahnih lai a la neih thute kha a sawi reuh kha a nia, amah upa ber a nih vàngin a naute enkawl ngai, a nu damlo enkawl ngai bawk si tân chuan lehkha zir chu a har ve khawp ang le.
Vawiin chu Joel-ate unau pawh an buaipuiawm lo va, Naom-i phei chuan tih dik loh pakhat mah a nei lo. Joel-a erawhin pahnih chu a ti dik lo va; mahse, a chawk nawn leh a, a chawk dik leh tho. Pi Mawitei a rawn lang miah lo va, thingpui pawh min rawn pe lo, a buai deuh a ni ngei ang.
Haw tùra ka chhuak chu Gate pâwnah Pi Mawitei leh tlangvâl pakhat inbe mêk chu ka va hmu zui nghâl a, ka hawi sawn nain ka en nawn leh ngat. Pi Mawitei chhiat loh lehpekzia chu, chhe lo hi chu ka ti thlâwt a ni, tunah tak te hian a chhe lo ka ti zual, a hmêl leh pianah hian sawisèl tùr ka hre hlawl lo a ni. A lian vak bîk lo ti dâwn ila kei aiin a lian daih a, hei ai hian lian ta se, a inhmeh lo ang ka ti leh bawk si, a tâwk chiah tih hian a sawi fiah ber ang. An pa pawh hian a duh hleuh hleuh ngawtin ka ring, an nupa hian an inhmeh ngawt mai.
*NANGMAH INEN FIAH VE ȚHÌN RAWH, A CHÂNG CHUAN I LO TOXIC VIAU VE THEI A NIA, A CHÂNG CHUAN SUAL RU VIAUIN, I BULA AWM ATÂNA I DUH MIAH LOH ANG MI I LO NI VE THEI BAWK, HARSATNA BUL I NI VE THEI TIHNA A NIH CHU*
Comments
Post a Comment