☆KA TÂNA RUAT☆ - 16 By Dingdi Pachuau
Ka duh leh tum loh deuhin Chhana ka hmu chho ta zauh zauh a, U Mama dàwra ka han kal châng hian a lo tlãn lai a ni remchâng thei lutuk a, hmuh loh der tum țhìn mah ila hmun leh hmuna min koh tawh hi chuan beng ngawng lo ta chu kan inbe leh ngê ngê țhìn; mahse, thil eng emaw lam hawi zâwngin min be ngai lo va, hmêl hriat satliah inbia ang mai kan ni.
Tunah chuan Naom-i pawh a rawn kal ngai tawh lo, an exam a hnai tawh a, lehkha a zir ngun ve viau tawhin ka ring. Min rawn biak chânga ka zawh erawh hi chuan," Ka zir tam viau lo, ka rilruah a lût thei hlawl lo a ni. Zàna ka zir châng phei hi chuan Ânu kha ka ngaihtuah chhuak țhìn a," a ti a, a chângin," Ka lo lêng leh châk tawh e! Nonoi kha ka awm leh châk tawh a," a ti bawk a, lo lèn a châk hi chu ka ring khawp, hetah chuan a free a, nuam a ti ve thei êm asin.
U Mama pawh kumin ngeia nupui nei tùrin ka nu nèn kan sawi hot-pui nasa a, ani erawh chuan," A hmanhmawhthlâk vak hlei nem, fîmkhur a ngai a, hmanhmawh rum ruma thil tihchi a ni lo," a lo ti deuh tlat a, ka nu chuan," A dik lutuk! Dik lo pakhat mah a awm lo; mahse, puitling i ni tawh a, i kum pawh a tlêm viau tawh lo, ka hrisèl țhat lai hian nupui neiin fate han nei la, ka pawmin ka paw ve thei ang a, chu chu a thlâkhlelhawm ve a ni," a ti dap dap thung a, dik ti tak hian ka lo bu nghat nghat a.
"Ngaihzâwng i neih ka hre ngai lo va, a rûkin i lo nei țhìn em tih phei zawng ka hre hauh lo, ani hi i duh ve viauin ka hria a, ani lahin heti mai kan ni chung hian a duh der ve viau bawk chein ka hria a. Ka lo inrawlhna tùr phei chu a ni lo maithei; mahse, ka fapa i ni a, ani'n a lo hnial lêm lo che a nih chuan inneih lam hi ngaihtuah thuai a țha chu ka ti a ni," ka nu vêk chuan a ti leh dap dap a. U Mama chu a ngawi deuh reng a, thil ngaihtuah chhuak thutin ka nu hnênah chuan," Nu, kan nawr mah mah deuhin ka hre ta, heti zâwng hian ka ngaihtuah leh ta daih mai, U Mama thawh chhuah ringin kan khawsa a, kei lah nau pawm, a pa pawh hnam dang, hriat chian loh, thawh chhuah nei bawk si lo ka nia, keini nufa hrawn ngai ta nèn, mi hian keini nufa vàng hian kan in hi rawn làwi luh nân chuan an awt lutuk kher lo maithei a ni," ka ti ve leh ta thung a, nichin lawk khân ka ngaihtuah chhuak ve chiah a ni. U Mama leh ka nu tawp hi chu mi pângngai chuan an hrawn peih mai ang; mahse, keini nufa hi, zahna thlentu leh harsatna thlentu kan ni thei tih hi ka ngaihtuah chhuak ta tlat a ni.
U Mama chuan min rawn en vatin," Thil țangkai lo ngaihtuah suh, khatiang lam kha sawi chhuak tawh miah suh," a ti nghat a, ka nu pawh chuan," Mi hi a pâwnga takin an sual lo, a dàwrtute'n kan dàwr dàn a dik phawt chuan. Chuan, thil hi ngaihtuah vak vak loh tùr, hma lam hun tùr hi tu mahin kan hre lo va, a chhan chu kan la tawn tùr a nih miau avàngin, a țha lo lama lo suangtuah vak vak phei hi chu chìn loh tawp tùr, a țha lo, a țangkai lo, țangkai lo leh țha lo takin hlim lohna min thlen thei a, rilru muanna a ti chhe vek thei bawk a ni," tiin, a chàwl deuh dat a," Ka țawngțainaah ka thlen ziah che u a, in tân bâng lovin ka țawngțai țhìn che u a ni. In hma lam hun tùrte, in nun chhoh dàn tùr, in nupui in pasal tùrte thleng thlengin ka thlen vek zêl. Manuni pawh hi mi sual a ni lo tawp ang, kan dinhmun hre sa vekin a nia Mama pawh a duh ni," a tih zawm leh a.
Zàna Nonoi ka mutpui laiin Naom-i'n min rawn bia a," I buai em?" a rawn ti sar sar a, ka buai loh thu ka hrilh chuan," I buai lai a nih ka hlau deuh a maw le. Ih englo a nia, naktûk khian kan exam țan tawh dâwn a, English kan ti dâwn a, ka lo hrilh ve hrim hrim che a nih chu. Ka huphurh lo nain min lo țawngțaipui la ka tia, subject dang ka tih hunah hrim hrim pawh," a rawn ti leh a, kei chuan," Aw le, lutuk! Ka lo hre reng dâwn nia. I zir țha ang tih ka hria a, țha deuhin i chhâng ang tih pawh ka hria, i hriat hnu mah ni se i exam hunah hmanhmawh miah lovin fîmkhur takin zawhna chhiar la, chumi hnuah i chhâng chauh dâwn nia," tiin fuihna thu tlêm ka hrilh a.
"Ânu min tihre chhuak zawk mai, khatiang khân min hrilh țhìn a," a rawn ti zuai raih a, ka inthiam lo ru angreng khawp mai. A rilru ka ti down vek ang tih ka hlau, a nu a hriat chhuah chuan a zirlaiah a rilru pe thei lovin a nu chu a ngaihtuah rauh rauh reng ang a, a exam-na thlengin a nghawng phah ang tih ka hlau, a nu a nia, ngaihtuah chu a ngaihtuah lo thei lo ang; mahse, rilru nat nân leh amah ngaih hun atân tûn hun hi hmang lo hrâm se ka duhpui, naktûk maiah exam tùr a nei si a.
Mahse, a ngawih vang vang hnua," Exam zo tawh ila ka ti e, ka exam zawh hnu lawk khi ka birthday a ni dâwn a, Âpain min lawmsak dâwn a, a nuam dâwn lutuk!" a rawn tih chuan a awki a dang leh daih tawh, nichina a aw zuai raih ang kha hriat tùr a awm leh tawh lo, phùrna hlîr a ni leh tawh zâwk.
"A nih chu, țha takin lehkha i zir ang a, țha takin i exam bawk ang a, topper nih dâwn nèn, birthday hlimawm takin i hmang zui ang a, nuam hlîr mai a ni dâwn a nih chu!" tiin ka han sawi phùrpui ve bawk a, ani pawh chuan," Topper chu ka ni pha meuh lo maithei; mahse, Mathematics-ah erawh tu mahin min tlukin ka ring lo, mark ka hmuh sàn ber chuan eng nge min pêk ang?" phûr tak hian a rawn ti leh sar sar a, kei pawh chuan," E, i duh duh a ni mai," tiin ka chhâng ve vat a.
A tûk lamah chuan a rûkin ka ngaihven ve reng a, chawhmaah an exam ang a, chawhnu erawh an ãwl ang. Dâr zât ka en sek a, dâr 12 a pelh hnuah ka phone a; mahse, min chhâng thei lo. A hnu deuhah amah zâwkin min rawn bia a," Exam hma khân ka phone ka silent daih a, ka en veleh missed call ka hmu a, ka exam chungchâng min zâwt a nih chuan ka chhâng țha e, ka chhâng vek," a rawn ti làng láng a.
"A țhat hlauh chu, i thiam ka ring rêng a, nang hi chu ka ngaihtuah lo che; mahse, ka țawngțaipui zêl tho che," ka tih chuan," Har ka tih loh chhan leh ka chhàn thiam vek chhan kha min țawngțaipui vàng a ni ngei ang. Ka lãwm e aw. Chuan, À-u pawh a exam ve dâwn tho a, lo țawngțaipui ve tho la tiraw? Ka chungah sual zeuh zeuh mah se min duat ve țhìn tho bawk a," a rawn ti leh a. Ni e, an unau khân an inngam a, an inhau a, pakhat a țawng bawrh bawrha a nèlawm viau lai khân Joel-a kha chu a țawng țha duh lo va, ka zirtîr dun hun lai pawh khân pakhat a țawng duh êm avàng leh a thil min zawh țhìn vàng khân Joel-a khân a khak leh fawk țhìn a nih kha; mahse, unau an nih vàng a nia, unau chu ni lo se khatiang khân an inti ngam teuh lo ang. An inhre chiang a, an inhmangaih loh vàng a ni lo, unau mipa leh hmeichhia, inchhangbung an nih vàng mai a ni.
*******
Naom-i a exam zo a, kan inah a rawn lawr leh ta zauh zauh. A rilru hi a lianin a luhlul ve bawk a, nu a lo nei tawh lo lehzêl bawk nèn, a pa pawh hian a duhna lam a sawisèlsak duh lo tih a hriat mai a; mahse, Naom-i rawn lèn hma hian min rawn be hmasa phawt țhìn, Naom-i thil min sawi hmuh vàng khân dik tak chuan Pu Rintea hi ka zah ru thar tlat tawh a, ani bulah hian a fanu hian a sawi ve ang em tihte ka ngaihtuah a, a lo sawi ve hlauh phei chuan a zahthlâk zual dâwn sia, eng angin nge min ngaih ang tih phei chu ka ngaihtuah duh lo záwk. Mi min hmuh dàn ka hria a, ka fanu vànga min en dàn ka hria, min en dàn tùr hre sa lo erawh ka ni lo va, vui thei ka ni lo; mahse, harsa hi chu ka ti ru ve țhìn tho.
Naom-i birthday kan làwm a, min phût tlat avàngin kan nufain kan kal ve a, in pawh an chei mawi khawp mai. A cousin-te nèna an buatsaih a ni a, laina pawh an lo ngah narawh e, living room-ah an khat vek thei mai. An changkãngin an awmthei hlawm bawk a, keini nufa tân pawh a inthlahrunawm ru duh viau a ni; mahse, birthday neitunu berin min dah pawimawh ve tlat a, a nawm dàn erawh a dang deuh.
Kan haw tùr chu Naom-i'n," Âpa, tu berin nge Au Ruatpuiite thlah dâwn? Mi dang ruala i hàwtîr loh ka duh a nia, À-uin thlah mai se," a tih chuan," A ngai lo, U Mama ka bia alawm, a lo thleng thuai mai ang," ka lo ti vat a. Naom-i erawh chuan," À-u ka'n ko ang e," a ti a, a kal zui ta vat a. An rawn lang dùn thuai a, ka hnial nain an ti lui ve tlat sia, dik tak chuan U Mama kha ka la be hauh lo va, biak erawh chu ka tum tho kha a nia; mahse, a ngai leh ta lo chu a nih hi.
Joel-a chu a lo la ngawichawi reng a, ka biak loh chuan min be lo; mahse, motor ațanga kan chhuk dâwnah erawh chuan," Nangmahni vàngin Naom-i a hlim phah țhìn a, a làwmawm e," a ti ve teh tlat a! Ka biak loha min biakna hmasa ber a ni a, mak ka ti viau lo thei lo a ni.
Chhani'n," I u Mama bialnu kha nimin khân kan vêngah ka hmu a, dàwr pakhatah. Fel viau mah se ka hmuh dàn a dang deuh tlat a nih chu," a rawn tih chuan," A va mak dáwn ve! Engtin nge i hmuh a?" ka ti a, ani lah chuan," A keah, ni leh lo, a pheikhawkah a ni zâwk ang chu, naupangin a rahsak palh a, a au deuh tuar a, a rah luihsak pawh a ni tawp si lo. A melh rum nasa maw le, melh ruma tlûk tawp theih ni se chuan kha naupang kha a tlu chiang ngawt ang! Mahse, a hnuah erawh mak lutukin zaidam takin ngaihdam a dîl a, a au tuar vàng khân; mahse, ka hmu chiang sia, a hlauhawm ka ti," a rawn ti leh a, ka lo nuih mai thung a.
"Chu, ngaihdam a dìl leh tho chu maw, rawn sawisêl kher lo la. Dik taka sawi chuan kan bula kan chhûngkaw member anga awm ve tùr anga i ngaihtuah hian i thîk a nih ka ring ta, sawi țha ve mai la i thîk chuan?" nui pah hian ka ti a, ani erawh chu a rawn țeu nasa mai!
"A teuh lo lutuk! U Mama ka lo star rûk reuh reuhna pawh a reh hmak! A bialnu ve kha ka lo rin ang a ni lo lutuk a, niminah ka hre chauh lehnghâl!" a rawn tih leh chuan," U Mama i star maw?" ka lo ti vat a, ani chuan," Star ve deuh reuh țhìn e, hei, a cool țhìn ka tia, ka sawi chhuak ta mai a nih hi aw, nupui a nei țêp tawh tho a ka tia, engah mah ka ngai tawh lo," a rawn ti leh a.
"I va sawi har tak! Inkawp ula țha tùr hi a nia," ka tih leh chuan a nui hak a," A teuh lo e! Ani nupui neih mai hmabâk a nia, sawi pawh sawi rîk chi miah loh! Thil thleng ngai lo tùr a nih vàngin ka sawi chhuak mai mai a nih kha, a them pawhin sawi ri tawh suh ang che, tûn bâk hi chu. I sawi vaih chuan e..." tiin min rawn vau zui nghâl a.
Ni khat chu Nonoi ka bual zo chu a pang a lum deuha hriain ka pua a, damdawi kawl sa chu ka nei nual tho a, khawsik enna ber a thlauh chhiat avàngin a thar ka han lei zawk mai teh ang ti rilruin ka insiam a, chutih lai tak chuan Chhana a rawn lút ve leh rãwih mai. Hun lo thei mai bawk si.
Min hmuh rual chuan," Khawiah emaw chhuah i tum deuh em ni?" a rawn ti a, Nonoi ka pua a, bag ka ak bawk si a, a àwm ve tho mai. Ka thil tum chu ka sawi ve mai bawk a, ani chuan," Ka lo hruai ang che u, vawiin chu ka lo hre láwk a nih ka ring, car ka hawl chhuah ni a lo ni tlat a," a lo ti thuai a, keiin ka lo hnial ve thung.
Mahse, ka hnial zo leh ta lo, min hruai a, thil lei ngai min leipui vek a, Nonoi pawh entîrin a khawsik leh sik loh ka test-tîr a, a thisen pawh ka lâktîr zui nghâl, mahse, eng mah phei chu an man lêm lo, damdawi min chawh a, dàn ngaiin kâr khat hnuah eng a an theih loh chuan kal nawn leh tùrin min ti a, kan haw leh a ni mai.
Engkima min buaipui ve vek avàng leh min hruai avàng chuan làwm thu sawi nân thingpui tui taka lumsakin pawisa pawh pêk ka tum a; mahse, pawisa kher chu a lo duh lo nasa, pêk luih theih pawh a ni lo. "Ințanpui theih hun lai a nia, țanpui thei chea ka awm kha ka lãwm zâwk," a ti tlat a," Nonoi kha ngaihtuah țha rawh, a khawngaihthlâk reuh êm mai," a ti leh a, pawisa chu a la duh lo hrim hrim, kei pawhin pêk luih țàwng țáwng chu ka tum lui ta bîk lo.
Pu Rintea'n," Naom-i'n Nonoi dam loh thu a sawi a, eng nge a an deuh tawh?" tia phone-a min rawn zawh chuan," A zia tawh e, a khawsik pawh a awm tawh lo," ka ti vat a, ani chuan," A zia hlauh chu. Naupang an han damloh hi chuan tih theih hi a vâng si a, tawrhpuia tawrhsak theih an ni bawk si lo, rilru a hrehawm duh êm mai," a rawn ti ve duah a. Chutah," Tlaiah ka rawn pêng ve zawk ang e, eng nge mamawhte a nei ang em?" a rawn ti leh a, rang zet hian," Aih, nei lo ve, nei lo, a ngai teuh lo mai!" tiin ka chhâng nawk nawk a, ka chhâng rang mah mah chu a ni. Rawn kal lo se ka ti, hmuh nuam tih lohna ka nei tlat tawh ka tih kha, ka hua tihna lam ni lovin, ka sawi thiam chiah lo, a dik lo tlat, hetianga ka en hi a lakah ka inthlahrung tlat zui lehnghâl.
*MITTUI HI TEHA RÂLAH CHUAN A RIT MIAH LO; MAHSE, A LO CHHUAH DÀN AZIRIN A RIT HLÉ THEI THUNG SI*
Ka duh leh tum loh deuhin Chhana ka hmu chho ta zauh zauh a, U Mama dàwra ka han kal châng hian a lo tlãn lai a ni remchâng thei lutuk a, hmuh loh der tum țhìn mah ila hmun leh hmuna min koh tawh hi chuan beng ngawng lo ta chu kan inbe leh ngê ngê țhìn; mahse, thil eng emaw lam hawi zâwngin min be ngai lo va, hmêl hriat satliah inbia ang mai kan ni.
Tunah chuan Naom-i pawh a rawn kal ngai tawh lo, an exam a hnai tawh a, lehkha a zir ngun ve viau tawhin ka ring. Min rawn biak chânga ka zawh erawh hi chuan," Ka zir tam viau lo, ka rilruah a lût thei hlawl lo a ni. Zàna ka zir châng phei hi chuan Ânu kha ka ngaihtuah chhuak țhìn a," a ti a, a chângin," Ka lo lêng leh châk tawh e! Nonoi kha ka awm leh châk tawh a," a ti bawk a, lo lèn a châk hi chu ka ring khawp, hetah chuan a free a, nuam a ti ve thei êm asin.
U Mama pawh kumin ngeia nupui nei tùrin ka nu nèn kan sawi hot-pui nasa a, ani erawh chuan," A hmanhmawhthlâk vak hlei nem, fîmkhur a ngai a, hmanhmawh rum ruma thil tihchi a ni lo," a lo ti deuh tlat a, ka nu chuan," A dik lutuk! Dik lo pakhat mah a awm lo; mahse, puitling i ni tawh a, i kum pawh a tlêm viau tawh lo, ka hrisèl țhat lai hian nupui neiin fate han nei la, ka pawmin ka paw ve thei ang a, chu chu a thlâkhlelhawm ve a ni," a ti dap dap thung a, dik ti tak hian ka lo bu nghat nghat a.
"Ngaihzâwng i neih ka hre ngai lo va, a rûkin i lo nei țhìn em tih phei zawng ka hre hauh lo, ani hi i duh ve viauin ka hria a, ani lahin heti mai kan ni chung hian a duh der ve viau bawk chein ka hria a. Ka lo inrawlhna tùr phei chu a ni lo maithei; mahse, ka fapa i ni a, ani'n a lo hnial lêm lo che a nih chuan inneih lam hi ngaihtuah thuai a țha chu ka ti a ni," ka nu vêk chuan a ti leh dap dap a. U Mama chu a ngawi deuh reng a, thil ngaihtuah chhuak thutin ka nu hnênah chuan," Nu, kan nawr mah mah deuhin ka hre ta, heti zâwng hian ka ngaihtuah leh ta daih mai, U Mama thawh chhuah ringin kan khawsa a, kei lah nau pawm, a pa pawh hnam dang, hriat chian loh, thawh chhuah nei bawk si lo ka nia, keini nufa hrawn ngai ta nèn, mi hian keini nufa vàng hian kan in hi rawn làwi luh nân chuan an awt lutuk kher lo maithei a ni," ka ti ve leh ta thung a, nichin lawk khân ka ngaihtuah chhuak ve chiah a ni. U Mama leh ka nu tawp hi chu mi pângngai chuan an hrawn peih mai ang; mahse, keini nufa hi, zahna thlentu leh harsatna thlentu kan ni thei tih hi ka ngaihtuah chhuak ta tlat a ni.
U Mama chuan min rawn en vatin," Thil țangkai lo ngaihtuah suh, khatiang lam kha sawi chhuak tawh miah suh," a ti nghat a, ka nu pawh chuan," Mi hi a pâwnga takin an sual lo, a dàwrtute'n kan dàwr dàn a dik phawt chuan. Chuan, thil hi ngaihtuah vak vak loh tùr, hma lam hun tùr hi tu mahin kan hre lo va, a chhan chu kan la tawn tùr a nih miau avàngin, a țha lo lama lo suangtuah vak vak phei hi chu chìn loh tawp tùr, a țha lo, a țangkai lo, țangkai lo leh țha lo takin hlim lohna min thlen thei a, rilru muanna a ti chhe vek thei bawk a ni," tiin, a chàwl deuh dat a," Ka țawngțainaah ka thlen ziah che u a, in tân bâng lovin ka țawngțai țhìn che u a ni. In hma lam hun tùrte, in nun chhoh dàn tùr, in nupui in pasal tùrte thleng thlengin ka thlen vek zêl. Manuni pawh hi mi sual a ni lo tawp ang, kan dinhmun hre sa vekin a nia Mama pawh a duh ni," a tih zawm leh a.
Zàna Nonoi ka mutpui laiin Naom-i'n min rawn bia a," I buai em?" a rawn ti sar sar a, ka buai loh thu ka hrilh chuan," I buai lai a nih ka hlau deuh a maw le. Ih englo a nia, naktûk khian kan exam țan tawh dâwn a, English kan ti dâwn a, ka lo hrilh ve hrim hrim che a nih chu. Ka huphurh lo nain min lo țawngțaipui la ka tia, subject dang ka tih hunah hrim hrim pawh," a rawn ti leh a, kei chuan," Aw le, lutuk! Ka lo hre reng dâwn nia. I zir țha ang tih ka hria a, țha deuhin i chhâng ang tih pawh ka hria, i hriat hnu mah ni se i exam hunah hmanhmawh miah lovin fîmkhur takin zawhna chhiar la, chumi hnuah i chhâng chauh dâwn nia," tiin fuihna thu tlêm ka hrilh a.
"Ânu min tihre chhuak zawk mai, khatiang khân min hrilh țhìn a," a rawn ti zuai raih a, ka inthiam lo ru angreng khawp mai. A rilru ka ti down vek ang tih ka hlau, a nu a hriat chhuah chuan a zirlaiah a rilru pe thei lovin a nu chu a ngaihtuah rauh rauh reng ang a, a exam-na thlengin a nghawng phah ang tih ka hlau, a nu a nia, ngaihtuah chu a ngaihtuah lo thei lo ang; mahse, rilru nat nân leh amah ngaih hun atân tûn hun hi hmang lo hrâm se ka duhpui, naktûk maiah exam tùr a nei si a.
Mahse, a ngawih vang vang hnua," Exam zo tawh ila ka ti e, ka exam zawh hnu lawk khi ka birthday a ni dâwn a, Âpain min lawmsak dâwn a, a nuam dâwn lutuk!" a rawn tih chuan a awki a dang leh daih tawh, nichina a aw zuai raih ang kha hriat tùr a awm leh tawh lo, phùrna hlîr a ni leh tawh zâwk.
"A nih chu, țha takin lehkha i zir ang a, țha takin i exam bawk ang a, topper nih dâwn nèn, birthday hlimawm takin i hmang zui ang a, nuam hlîr mai a ni dâwn a nih chu!" tiin ka han sawi phùrpui ve bawk a, ani pawh chuan," Topper chu ka ni pha meuh lo maithei; mahse, Mathematics-ah erawh tu mahin min tlukin ka ring lo, mark ka hmuh sàn ber chuan eng nge min pêk ang?" phûr tak hian a rawn ti leh sar sar a, kei pawh chuan," E, i duh duh a ni mai," tiin ka chhâng ve vat a.
A tûk lamah chuan a rûkin ka ngaihven ve reng a, chawhmaah an exam ang a, chawhnu erawh an ãwl ang. Dâr zât ka en sek a, dâr 12 a pelh hnuah ka phone a; mahse, min chhâng thei lo. A hnu deuhah amah zâwkin min rawn bia a," Exam hma khân ka phone ka silent daih a, ka en veleh missed call ka hmu a, ka exam chungchâng min zâwt a nih chuan ka chhâng țha e, ka chhâng vek," a rawn ti làng láng a.
"A țhat hlauh chu, i thiam ka ring rêng a, nang hi chu ka ngaihtuah lo che; mahse, ka țawngțaipui zêl tho che," ka tih chuan," Har ka tih loh chhan leh ka chhàn thiam vek chhan kha min țawngțaipui vàng a ni ngei ang. Ka lãwm e aw. Chuan, À-u pawh a exam ve dâwn tho a, lo țawngțaipui ve tho la tiraw? Ka chungah sual zeuh zeuh mah se min duat ve țhìn tho bawk a," a rawn ti leh a. Ni e, an unau khân an inngam a, an inhau a, pakhat a țawng bawrh bawrha a nèlawm viau lai khân Joel-a kha chu a țawng țha duh lo va, ka zirtîr dun hun lai pawh khân pakhat a țawng duh êm avàng leh a thil min zawh țhìn vàng khân Joel-a khân a khak leh fawk țhìn a nih kha; mahse, unau an nih vàng a nia, unau chu ni lo se khatiang khân an inti ngam teuh lo ang. An inhre chiang a, an inhmangaih loh vàng a ni lo, unau mipa leh hmeichhia, inchhangbung an nih vàng mai a ni.
*******
Naom-i a exam zo a, kan inah a rawn lawr leh ta zauh zauh. A rilru hi a lianin a luhlul ve bawk a, nu a lo nei tawh lo lehzêl bawk nèn, a pa pawh hian a duhna lam a sawisèlsak duh lo tih a hriat mai a; mahse, Naom-i rawn lèn hma hian min rawn be hmasa phawt țhìn, Naom-i thil min sawi hmuh vàng khân dik tak chuan Pu Rintea hi ka zah ru thar tlat tawh a, ani bulah hian a fanu hian a sawi ve ang em tihte ka ngaihtuah a, a lo sawi ve hlauh phei chuan a zahthlâk zual dâwn sia, eng angin nge min ngaih ang tih phei chu ka ngaihtuah duh lo záwk. Mi min hmuh dàn ka hria a, ka fanu vànga min en dàn ka hria, min en dàn tùr hre sa lo erawh ka ni lo va, vui thei ka ni lo; mahse, harsa hi chu ka ti ru ve țhìn tho.
Naom-i birthday kan làwm a, min phût tlat avàngin kan nufain kan kal ve a, in pawh an chei mawi khawp mai. A cousin-te nèna an buatsaih a ni a, laina pawh an lo ngah narawh e, living room-ah an khat vek thei mai. An changkãngin an awmthei hlawm bawk a, keini nufa tân pawh a inthlahrunawm ru duh viau a ni; mahse, birthday neitunu berin min dah pawimawh ve tlat a, a nawm dàn erawh a dang deuh.
Kan haw tùr chu Naom-i'n," Âpa, tu berin nge Au Ruatpuiite thlah dâwn? Mi dang ruala i hàwtîr loh ka duh a nia, À-uin thlah mai se," a tih chuan," A ngai lo, U Mama ka bia alawm, a lo thleng thuai mai ang," ka lo ti vat a. Naom-i erawh chuan," À-u ka'n ko ang e," a ti a, a kal zui ta vat a. An rawn lang dùn thuai a, ka hnial nain an ti lui ve tlat sia, dik tak chuan U Mama kha ka la be hauh lo va, biak erawh chu ka tum tho kha a nia; mahse, a ngai leh ta lo chu a nih hi.
Joel-a chu a lo la ngawichawi reng a, ka biak loh chuan min be lo; mahse, motor ațanga kan chhuk dâwnah erawh chuan," Nangmahni vàngin Naom-i a hlim phah țhìn a, a làwmawm e," a ti ve teh tlat a! Ka biak loha min biakna hmasa ber a ni a, mak ka ti viau lo thei lo a ni.
Chhani'n," I u Mama bialnu kha nimin khân kan vêngah ka hmu a, dàwr pakhatah. Fel viau mah se ka hmuh dàn a dang deuh tlat a nih chu," a rawn tih chuan," A va mak dáwn ve! Engtin nge i hmuh a?" ka ti a, ani lah chuan," A keah, ni leh lo, a pheikhawkah a ni zâwk ang chu, naupangin a rahsak palh a, a au deuh tuar a, a rah luihsak pawh a ni tawp si lo. A melh rum nasa maw le, melh ruma tlûk tawp theih ni se chuan kha naupang kha a tlu chiang ngawt ang! Mahse, a hnuah erawh mak lutukin zaidam takin ngaihdam a dîl a, a au tuar vàng khân; mahse, ka hmu chiang sia, a hlauhawm ka ti," a rawn ti leh a, ka lo nuih mai thung a.
"Chu, ngaihdam a dìl leh tho chu maw, rawn sawisêl kher lo la. Dik taka sawi chuan kan bula kan chhûngkaw member anga awm ve tùr anga i ngaihtuah hian i thîk a nih ka ring ta, sawi țha ve mai la i thîk chuan?" nui pah hian ka ti a, ani erawh chu a rawn țeu nasa mai!
"A teuh lo lutuk! U Mama ka lo star rûk reuh reuhna pawh a reh hmak! A bialnu ve kha ka lo rin ang a ni lo lutuk a, niminah ka hre chauh lehnghâl!" a rawn tih leh chuan," U Mama i star maw?" ka lo ti vat a, ani chuan," Star ve deuh reuh țhìn e, hei, a cool țhìn ka tia, ka sawi chhuak ta mai a nih hi aw, nupui a nei țêp tawh tho a ka tia, engah mah ka ngai tawh lo," a rawn ti leh a.
"I va sawi har tak! Inkawp ula țha tùr hi a nia," ka tih leh chuan a nui hak a," A teuh lo e! Ani nupui neih mai hmabâk a nia, sawi pawh sawi rîk chi miah loh! Thil thleng ngai lo tùr a nih vàngin ka sawi chhuak mai mai a nih kha, a them pawhin sawi ri tawh suh ang che, tûn bâk hi chu. I sawi vaih chuan e..." tiin min rawn vau zui nghâl a.
Ni khat chu Nonoi ka bual zo chu a pang a lum deuha hriain ka pua a, damdawi kawl sa chu ka nei nual tho a, khawsik enna ber a thlauh chhiat avàngin a thar ka han lei zawk mai teh ang ti rilruin ka insiam a, chutih lai tak chuan Chhana a rawn lút ve leh rãwih mai. Hun lo thei mai bawk si.
Min hmuh rual chuan," Khawiah emaw chhuah i tum deuh em ni?" a rawn ti a, Nonoi ka pua a, bag ka ak bawk si a, a àwm ve tho mai. Ka thil tum chu ka sawi ve mai bawk a, ani chuan," Ka lo hruai ang che u, vawiin chu ka lo hre láwk a nih ka ring, car ka hawl chhuah ni a lo ni tlat a," a lo ti thuai a, keiin ka lo hnial ve thung.
Mahse, ka hnial zo leh ta lo, min hruai a, thil lei ngai min leipui vek a, Nonoi pawh entîrin a khawsik leh sik loh ka test-tîr a, a thisen pawh ka lâktîr zui nghâl, mahse, eng mah phei chu an man lêm lo, damdawi min chawh a, dàn ngaiin kâr khat hnuah eng a an theih loh chuan kal nawn leh tùrin min ti a, kan haw leh a ni mai.
Engkima min buaipui ve vek avàng leh min hruai avàng chuan làwm thu sawi nân thingpui tui taka lumsakin pawisa pawh pêk ka tum a; mahse, pawisa kher chu a lo duh lo nasa, pêk luih theih pawh a ni lo. "Ințanpui theih hun lai a nia, țanpui thei chea ka awm kha ka lãwm zâwk," a ti tlat a," Nonoi kha ngaihtuah țha rawh, a khawngaihthlâk reuh êm mai," a ti leh a, pawisa chu a la duh lo hrim hrim, kei pawhin pêk luih țàwng țáwng chu ka tum lui ta bîk lo.
Pu Rintea'n," Naom-i'n Nonoi dam loh thu a sawi a, eng nge a an deuh tawh?" tia phone-a min rawn zawh chuan," A zia tawh e, a khawsik pawh a awm tawh lo," ka ti vat a, ani chuan," A zia hlauh chu. Naupang an han damloh hi chuan tih theih hi a vâng si a, tawrhpuia tawrhsak theih an ni bawk si lo, rilru a hrehawm duh êm mai," a rawn ti ve duah a. Chutah," Tlaiah ka rawn pêng ve zawk ang e, eng nge mamawhte a nei ang em?" a rawn ti leh a, rang zet hian," Aih, nei lo ve, nei lo, a ngai teuh lo mai!" tiin ka chhâng nawk nawk a, ka chhâng rang mah mah chu a ni. Rawn kal lo se ka ti, hmuh nuam tih lohna ka nei tlat tawh ka tih kha, ka hua tihna lam ni lovin, ka sawi thiam chiah lo, a dik lo tlat, hetianga ka en hi a lakah ka inthlahrung tlat zui lehnghâl.
*MITTUI HI TEHA RÂLAH CHUAN A RIT MIAH LO; MAHSE, A LO CHHUAH DÀN AZIRIN A RIT HLÉ THEI THUNG SI*
Comments
Post a Comment