☆KA TÂNA RUAT☆ - 8 By Dingdi Pachuau
Zanriah kîl laia ka nuin," Mama, naktûk chu in hnuai khu kan thawm țha dâwn em ni ang?" a tih chuan ka nu chu ka en hau a, chutiangin U Mama pawh a ni ve tho. Kan in hnuai hi thil eng eng emaw dah nân kan hmang a, a chhuat lei a ni bawk a, ka ngaina viau lo, tui erawh a lût thei hauh lo thung. Sak laiin ka pa khân a uluk a nih ka ring ve ngawt a, zâu êm êm hran lo mah se thawm țha chiah ila chuan luah duh an awm ngei ka ring. Kei chu in hnuai lam hi ka ngaina tehchiam ngai lo hrim hrim a, lub pawh ka lût khât, chèn nân leh awm nân chuan a sâng lam hi ka duh zâwk a ni.
"Ràngva hman bãng, tê deuh kan dah khâwmte kha a la awm ang tiraw?" ka nuin a tih leh chuan," Bo ngawt thu va awm suh, kan la hmang lo chu a nia," U Mama chuan a lo ti ve a, kei erawh chuan," Nu, eng atân nge thawm țhat chu i duh deuh thut a?" ka lo ti thung. Ani chuan," A, han en fel ve hrim hrim pawh a țha alawm, kan lût khât êm a, a rim pawh a tui vak lo maithei a ni," a ti mai a.
Nilêngin School-ah ka tâp leh a, bàna ina ka haw chuan in hnuai lamah an lo la ri bur bur a, ka nu pawh a chhuk a ni chiang, inah a awm tlat lo. Ko pahin ka chhuk ve a, a lo awm tak tak a, an thil chhut rîk avàng chuan ka kohna pawh a lo hre thei lo a lo ni a.
An lo ti fel deuh vek tawh a, tukverh dârthlalang a keh nual tawh avàngin ràngvain an lo siam a lo ni. Ka han en kual zêl a, a lo àwm ang zuih tawh mai, nupa rek emaw unau pahnih khat chuan an luah thei mai ang tih tùr a lo ni tawh. Ka rin aiin hetia dah fel chuan a lo zau ve tho mai, a rim pawh a lo chhe viau lo ve.
"Ka lo ngaihtuah a, Pekate khân luah se, in luah man chàwi an ngai lo ang a, bâkah, kan in hnuai an luah chuan nu berin a fate ngaihtuah lutuk lovin hna a thawhsan thei ang a, chu chu kan puih ve theihna tùr niin ka ngai deuh, țha i ti em? An duhin i ring em?" ka nu chuan a ti a, U Mama tukverh vuak bei chu a'n sãwi chhin pah a.
"Nu...!! A țha ngawt ang! Engtin nge i lo ngaihtuah chhuah theih zâwk a?!!" mak ti bawk si, hlim bawk si hian ka ti chhuak hliai a, ka lo ngaihtuah ve phâk miah loh thil a ni. U Mama chuan," Ni e, an duh maiin ka ring, nu leh naupang pathum tân chuan a tâwk ve viau bawk alawm le," a lo ti ve a, a hawi kual a," Helaiah hian bathroom dah ila, zâu pawh a ngai chuang lo va, êk khur tùr erawh laih a ngai dâwn ta a ni," a ti leh charh charh a.
Inrinni chawhma zawng êk in khur tùr kan unauin kan lài a, chhùn thingpui in zawhah U Mama chuan a lài leh a, kei chuan in ka ti fel a, ka nu chu a lêng chhuak ve thung. Chhani a rawn lang hlawl mai a, kan han inhmu chu kan bengchheng leh viau mai. Phone-ah inbe zing viau mah ila inhmuh erawh kan inhmu khât ta deuh. A buai ve viau țhìn a ni ang, a hmêl pawh a thû deuh that a, vun ngo tak a nih loh bâkah han inuluk hlarh hlarh mi a lo ni lêm lo bawk nèn, a hmêl a nuihzatthlâk reuh tawp.
"Sunscreen i hmang ngai lo a ni maw?" ka tih chuan," Ka hmang peih teuh lo mai! A uap a na si, thlan a ti tla tak dup dup a, ka ngaina hlawl lo," a lo ti awlsam êt a, hei vàng hi a nih chiah hi.
"Peih lo tih mai mai tùr a ni lo, nula i nia, inuluk ve ta che, bialpa i hmu zo lo mai ang," ka ti leh a, a lo nui hawk a," Teuh lo mai! My name-a țhianpa pawhin min star reng kha aw, ka inuluk lo chung pawh hian ka lo luck ve viau tih ka hre tawh, min duh tâwk hi chu an lo awm ve fur nia," tiin, uang zet hian a sam chu a'n tuai puat a, ngei zet hian," Kha bâk duhtu i hmuh loh kha, luck te zawng inti ve tawh miah suh," ka ti ve thung a, min rawn melh râng nasa mai.
Eirawng bàwl hma deuh, hun la awm lai chuan a peih lo chungin a hmai chu ka thiam dànin ka nuaisak a, a rin aiin nuam a ti leh ta si a ni ang," Inrinni tinin lo kal ziah tùr a nih hi," a tih chuan ka lo tlak karh a," Ka peih ngawt lo aw, min nuai ve ang che," ka lo ti ve thung a, ani lah chuan," Ka thiam ve ngawt ngawt lo," a lo ti awlsam thĕn a, a thiam ka ring lo sa hrim hrim, hetiang lam hi kei aiin a misa lo ve lehchhãwng a, a ngawng ve thlâwt a ni.
Chaw a ei leh dâwn avàngin kan pahnihin rawng kan bâwl a, U Mama'n vawksa a han lei bawk a, a rawn haw chu phûr taka lo lâksakin," Tui deuhin siam ang aw ni ang," a ti sauh sauh a, a phûr súrh súrh viau chu fiamin," U Mama hi nei mai teh, ka duat ngawt ang che, mi dang in hmu zo lo ve ve tho sia," ka tih chuan U Mama chu a lo nui hawk a, Chhani ve thung chuan," Zak lo ve sia... khawvêla bialpa nei ber i nih hi, i bialpa ang hi chu duh ila chuan e khaw tinah ka hûng thei ang chu," a lo ti ve thung a, ner khum sak pah hian," Awi, i ka hi chu aw... mi hian i țawng hi an lo hria ang tih a hlauhawm țhìn, tak tak emaw an tih hlauh chuan e," ka ti vang vang a. Kan inchhâng tâwk viau a, kan infiam nasa a, na tak takin kan infiam nain kan inhaw ngai lo.
Vawksa kan tùra chan mawlh mawlh pah hian," In pa hi a lêng heh ve àwm ka ti, kan vêngah ka hmu ngun teh a nia," a ti a, kei chuan," Tlangvâl a nia, lêng ve bawk ang chu," ka lo ti thung a, ani lah chuan," I țan ve thei siah!! Tlangvâl pawh ni se kei aiin a lêngcheh daih zâwk; mahse, ani zawng lêngcheh pawh i ti phal leh tawp nâng!" a ti nang nang a, kei pawh chu ka nui tawp, chhàn lêt tinah pawh ka tin lo.
*******
Pêkate pawh kan in hnuaiah an rawn insawn ve tawh a, thla hnih zet chu an awm ve ta. A hmaa reh raih țhìn kha kan ri ve lai lai tawh a, nuam ka ti. Ka nu leh Pêka nu an inkàwm ngeih viau a, in hnuaiah a zu lêng thla fo mai. Peka pawh school a la kal ve zêl a, a nuin kumin tal chu la kal ve rih se a tih vàng a ni.
Kum tàwp lam kan hnaih chho ve țan a, boruak pawh a zia țan viau a ni. School bàna ka haw lamah secondhand kawrlum ka en chhin a, hetiang lam hi en chhoh a ngai țan tawh tlat. Ka sîr lam ka en phei chuan Chhana leh nula chhe lo zet rawn inzui phei ka hmu ta thut mai, ka hawi sawn thei lo, vawiin chu inah awmin an in chung siam țhat an tum ni khân ka hre si a, chutiang chuan min hrilh a nih kha, tlai lama tuition class pe tùra min hruai hman a rin loh thu pawh min hrilh nghe nghe a nih kha; mahse, hei, hetah ka hmu leh daih bawk si, hna thawh thuam a inbel lo. A kalpui nula lah chu ka la hmuh ngai àwm pawh ka hre lo, min rawn hmuh hlau ru tak chuan ka bula kawrlum en vete kâr ațang chuan ka en reng a, anni erawh chuan min rawn hmu ve lo a ni ang chu, hlim taka inbiain an nui dùn a, hmeichhia chuan a bânah a kuahsak a, chu chuan ka mit a la zual, chutah, nula chuan duh tih hriat tak hian nui pahin a en chho zui bawk a, ka thinlungah thîkna a rawn awm nghâl zawk. Kan awmna min rawn kal pèl a, ka en zui ru zêl a, ka hmuh phâk lohah an kal liam ta. Hmu phâk tawh lo mah ila an liamna lam chu ka en zui reng a, chutah, ka maimichhîng vang vang a, thâwk ka la zui hawk bawk, kawr en pawh ka tui tawh lo, hmui pet ruh țeuhin ka kal ta daih a.
Ka rilru a nuam hlawl lo, phone phawrhin biak ka han tum deuh a; mahse, engtin nge ka tih ang? "Nula pakhat nèn ka hmu dùn che u," ka va ti táwng dâwn em ni ang? Nge, "Kha nu kha i bialnu em ni? Min lo kawp a ni maw?" min tih dàn țhin ang chiahin ka ti zâwk ang? Rilru siamin a hming chu ka hmet chhuak a, ka call zui ta nghâl a, min chhàn dàn ka hre châk hrim hrim a ni.
Min lo chhâng ve ngei. " Eng nge i tih a? I buai em?" ka ti phawt a, ani chuan," Buai lo ve, eng nge ni ta?" a rawn ti a, motor thãwm ka hre thei. Kein an la kal zêl a ni ngei ang.
"A, eng ni lo ve, ka rawn be mai mai che. Tunah khawiah nge i awm?" ka ti leh a, min chhàn dàn azirin ka thinrimin ka thinrim lo thei ang. Dâwt min hrilh teh chuan aw, amah vàngin mipa pawh ka kalpui ngam ngai lo va, ka invêng ve ngar ngar țhìn a nia.
"Inah, in chung siam țhat ngai lai kha kan la zo lo deuh a," a rawn ti ta chiah mai. Dáwt min hrilh a tîm eih lo chu mak ka ti ta thláwt a ni, hmu chiang viau lo ila chuan keimah ngei pawh hi ka inringhlel lek lek hial ang chu!!! Dâwt sawi lo ang hmakin a rawn sawi mâm thei a nia. Engtin nge dâwt chiang lutuk a sawi theih záwk ni? Tûn lawkah nula nèna an kal dùn ka hmu dùn zo chauh a, ani erawh chuan ina awm angin a rawn insawi a... daw thei lutuk mai.
"A nih chu, chuti, a nih leh mai," tih leh phone hmeh tàwp ka rual a, thinlung tâwp up up chungin in lam pan chuan hmanhmawh takin ka kal hmawk hmawk a, mak ka ti a ni. Nula a kalpui kha chuan min ti hrehawm tho nain dâwt chiang lutuk tak mai min hrilh zâwk khân min ti hrehawm, ka rilru a tâwt țûn a, chumi tih reh nâna àu chiam chiam ka châk tak zet a ni.
Tlaia Joel-ate unau ka va zirtír pawh chuan ka nui lui hlei thei lo achha chu a ni, hlim hmêl put erawh ka tum lui ve hrâm hrâm a, ka rilru chhûngril lamah thil dang ngaihtuah ka nei tlat si a, a țha lam leh hlimawm lam a ni si lo lai tak chuan min pawt rit lo thei lo a ni. Naom-i titi pawh ka man pha chiah lo va," Au Ruatpui, kan ina lo kal hi i ning tawh em ni? Vawiin chu i hlim lo e, nuam pawh ka ti vak bík lo," a tih chuan ka inthing harh a, nui lui sakin," Ta mai mai chuan aw... ka ning hlei nem. A pawi ka ti hlê mai, ka awm dàna ka lo ti lang chu. Ka rawn kal hma ațang khân ka awm a nuam vak lo va," ka ti ta ringawt a, dâwt ni deuh tho mah se dáwt chiang lutuk chu a ni bîk lo, ka lu a na deuh tak tak a ni.
"A va'n pawi. Damdawi i ei duh em?" a rawn ti leh a, Joel-a pawh chuan," I awm a nawm loh chuan haw daih la, kan bâng hma ve a ni mai a," a lo ti ve khut a, a zia lo ka ti tak zet a ni. Chhana vànga naupang zirtîrna ka pêk thlenga ka buai phah hi, a châk lo ngawt ang!
Ka tlâk ve ta hrâm e. Ka haw tùr chu Pi Mawitei chuan," A zia lo êm mai, i damlo dâwn a ni ang, i rawn theih loh chuan min hrilh rawn inthlahrung miah suh aw, i hrisèlna kha a pawimawh zâwk a nia," tiin min thlah a, nuam lo ka ti viau a ni. Naom-i'n a lo hrilh hman tih a hriat reng a, ka fin leh fel lohzia an bula ka ti lang chu nêp ka inti tak zet.
Zanriah ei khamah room-ah awmin Chhani ka va bia a, pângngai takin ka bia a, za lo zeta nui luiin vawiin lamah an vênga Chhana a hmuh leh hmuh lohte chu a thuphungin ka zâwt a, ani chuan a hmuh zawk thu a rawn sawi a, chu pawh bike-a a tlãn lai a ni nghe nghe, phurh a neih loh thu min hrilh tel bawk.
"Engati nge? I ringhlel deuh chu a ni lo maw?" nui paha a rawn tih chuan thu dik tak chu ka hrilh ve mai a, chipchiar takin ka hrilh a, phone-a kan inbiak dàn thleng chuan ka hrilh vek bawk. Chutia kan inbiak mawlh mawlh lai chuan ka nuin kawngkhàr rawn hawngin Chhana rawn lèn thu chu min rawn hrilh a.
Phûr lo zetin ka chhuak a, a hmêl chu ka hmu tui hlawl lo. Dâwt min hrilh duh kha nâ ka ti a, eng vàng nge ni ang tiin ka inzáwt bawk. Min kawp êm hi chu ka ring phal lo va, heti chen kan inkawp hnu hian rinhlelhna tùr pawh ka hre ngai lo; mahse, zanin chu ka rilru a dik thei tlat lo.
"I nuam chiah nange?" tia min zawh chuan," Nuam chiah lo a nih hi," ka ti ve mai a, a hmêl pawh ka en lo, ka en duh lo. Dâwt min hrilh kha nâ ka ti a, ka rilru a hrehawm a, amah lah hian hrehawm a tih ve hmel bawk si lo.
"Engtizia nge a? I khua a sik em ni?" a ti leh a, ka lu ka thing mai a, biak hi ka peih lo va, a hmêl hmuh pawh tunah tak hi chuan ka peih lo, ka thinlung a zîngin a tâwt țûn a, thil awm dàn zawh fiah pawh ka châk hlawl lo.
Inlêng a nihnaah biak loh theih loh ta chu," In in chung chu in siam zo thei em?" ka ti ve leh hrâm a, ani chuan," Aw, nilênga thawh chuan kan zo thei mai, rin aiin a lo hautak reuh a," a lo ti a, ka lo ner nak thung. Dâwt pakhat mai sawi lovin dâwt dang pawh a sawi leh thei zêl chu a ni si a, eng chena thui nge a sawi zêl ang? Tìmna a nei bawk si lo.
"Nakkum lamah tih huk kan tum hmèl si a, hman remchàn laia tih fel theih hi chu tih fel zêl a țha, kan buai chho tawh dâwn si a," a tih chuan za lo tak hian ka nui a, ka nuih zat lohzia chu pui tak a ni. A hma kha chuan rinhlelhna ka neih ngai loh bâkah a dâwt sawi ka hre ngai tlat lo va, min lo hrilh țhìn a nih pawhin ka man chhuah ngai loh vàng pawh chu a lo ni maithei a; mahse, tunah hi chuan a dang ta tlat a ni.
"Vawiinah i chhuak em?" a hmêl taka en chung chuan ka ti a, min rawn en ve nghâl zat. En duh lo viau mah ila min chhàn laia a hmêl leh a mitmeng hmuh ka duh vàng a ni.
"Chhuak lo. Ni leh lo, bike-in vawi khat chu ka tlãn chhuak leh si," a hmêla eng mah ti lang lo chuan a rawn ti a, min enin a nui sak bawk. Ka thinlung a rûm a, dâwt min hrilh zêl hi mak ka ti tawh lo, heti khawpa min hrilh hreh lo a nih chuan min lo hrilh zing viau tawh tihna a ni mai.
Ka nuin TV a en ring deuh hlek a, kan țawng a hriat phâk ka ring lo bawk a," I chhuah si loh chuan vawiin tlai school bàna nula pakhat nèn ka hmuh dun kha, nangmah i ni lo tihna a ni maw? Nangmah ngei niin ka hria asin," ka ti ve ta fak a, hmun dang en duh lovin a hmêl chauh chu ka en reng a; mahse, chuti chung pawh chuan a hmêlah leh mitmengah eng mah a ti lang lo thei nia.
*I HUN KAL TAWH LEH I HMA LAM HUN KHA LUNGKHAM CHIAM LO TEH, I THUNUN THEIH PIAH LAM A NI. I TÛN HUN HMAN MÊK HI I THUNUN THEIH ZÂWK CHU A NI A, I NUN I THLÂK DANGLAM THEIH HUN LAI TAK A NI*
Zanriah kîl laia ka nuin," Mama, naktûk chu in hnuai khu kan thawm țha dâwn em ni ang?" a tih chuan ka nu chu ka en hau a, chutiangin U Mama pawh a ni ve tho. Kan in hnuai hi thil eng eng emaw dah nân kan hmang a, a chhuat lei a ni bawk a, ka ngaina viau lo, tui erawh a lût thei hauh lo thung. Sak laiin ka pa khân a uluk a nih ka ring ve ngawt a, zâu êm êm hran lo mah se thawm țha chiah ila chuan luah duh an awm ngei ka ring. Kei chu in hnuai lam hi ka ngaina tehchiam ngai lo hrim hrim a, lub pawh ka lût khât, chèn nân leh awm nân chuan a sâng lam hi ka duh zâwk a ni.
"Ràngva hman bãng, tê deuh kan dah khâwmte kha a la awm ang tiraw?" ka nuin a tih leh chuan," Bo ngawt thu va awm suh, kan la hmang lo chu a nia," U Mama chuan a lo ti ve a, kei erawh chuan," Nu, eng atân nge thawm țhat chu i duh deuh thut a?" ka lo ti thung. Ani chuan," A, han en fel ve hrim hrim pawh a țha alawm, kan lût khât êm a, a rim pawh a tui vak lo maithei a ni," a ti mai a.
Nilêngin School-ah ka tâp leh a, bàna ina ka haw chuan in hnuai lamah an lo la ri bur bur a, ka nu pawh a chhuk a ni chiang, inah a awm tlat lo. Ko pahin ka chhuk ve a, a lo awm tak tak a, an thil chhut rîk avàng chuan ka kohna pawh a lo hre thei lo a lo ni a.
An lo ti fel deuh vek tawh a, tukverh dârthlalang a keh nual tawh avàngin ràngvain an lo siam a lo ni. Ka han en kual zêl a, a lo àwm ang zuih tawh mai, nupa rek emaw unau pahnih khat chuan an luah thei mai ang tih tùr a lo ni tawh. Ka rin aiin hetia dah fel chuan a lo zau ve tho mai, a rim pawh a lo chhe viau lo ve.
"Ka lo ngaihtuah a, Pekate khân luah se, in luah man chàwi an ngai lo ang a, bâkah, kan in hnuai an luah chuan nu berin a fate ngaihtuah lutuk lovin hna a thawhsan thei ang a, chu chu kan puih ve theihna tùr niin ka ngai deuh, țha i ti em? An duhin i ring em?" ka nu chuan a ti a, U Mama tukverh vuak bei chu a'n sãwi chhin pah a.
"Nu...!! A țha ngawt ang! Engtin nge i lo ngaihtuah chhuah theih zâwk a?!!" mak ti bawk si, hlim bawk si hian ka ti chhuak hliai a, ka lo ngaihtuah ve phâk miah loh thil a ni. U Mama chuan," Ni e, an duh maiin ka ring, nu leh naupang pathum tân chuan a tâwk ve viau bawk alawm le," a lo ti ve a, a hawi kual a," Helaiah hian bathroom dah ila, zâu pawh a ngai chuang lo va, êk khur tùr erawh laih a ngai dâwn ta a ni," a ti leh charh charh a.
Inrinni chawhma zawng êk in khur tùr kan unauin kan lài a, chhùn thingpui in zawhah U Mama chuan a lài leh a, kei chuan in ka ti fel a, ka nu chu a lêng chhuak ve thung. Chhani a rawn lang hlawl mai a, kan han inhmu chu kan bengchheng leh viau mai. Phone-ah inbe zing viau mah ila inhmuh erawh kan inhmu khât ta deuh. A buai ve viau țhìn a ni ang, a hmêl pawh a thû deuh that a, vun ngo tak a nih loh bâkah han inuluk hlarh hlarh mi a lo ni lêm lo bawk nèn, a hmêl a nuihzatthlâk reuh tawp.
"Sunscreen i hmang ngai lo a ni maw?" ka tih chuan," Ka hmang peih teuh lo mai! A uap a na si, thlan a ti tla tak dup dup a, ka ngaina hlawl lo," a lo ti awlsam êt a, hei vàng hi a nih chiah hi.
"Peih lo tih mai mai tùr a ni lo, nula i nia, inuluk ve ta che, bialpa i hmu zo lo mai ang," ka ti leh a, a lo nui hawk a," Teuh lo mai! My name-a țhianpa pawhin min star reng kha aw, ka inuluk lo chung pawh hian ka lo luck ve viau tih ka hre tawh, min duh tâwk hi chu an lo awm ve fur nia," tiin, uang zet hian a sam chu a'n tuai puat a, ngei zet hian," Kha bâk duhtu i hmuh loh kha, luck te zawng inti ve tawh miah suh," ka ti ve thung a, min rawn melh râng nasa mai.
Eirawng bàwl hma deuh, hun la awm lai chuan a peih lo chungin a hmai chu ka thiam dànin ka nuaisak a, a rin aiin nuam a ti leh ta si a ni ang," Inrinni tinin lo kal ziah tùr a nih hi," a tih chuan ka lo tlak karh a," Ka peih ngawt lo aw, min nuai ve ang che," ka lo ti ve thung a, ani lah chuan," Ka thiam ve ngawt ngawt lo," a lo ti awlsam thĕn a, a thiam ka ring lo sa hrim hrim, hetiang lam hi kei aiin a misa lo ve lehchhãwng a, a ngawng ve thlâwt a ni.
Chaw a ei leh dâwn avàngin kan pahnihin rawng kan bâwl a, U Mama'n vawksa a han lei bawk a, a rawn haw chu phûr taka lo lâksakin," Tui deuhin siam ang aw ni ang," a ti sauh sauh a, a phûr súrh súrh viau chu fiamin," U Mama hi nei mai teh, ka duat ngawt ang che, mi dang in hmu zo lo ve ve tho sia," ka tih chuan U Mama chu a lo nui hawk a, Chhani ve thung chuan," Zak lo ve sia... khawvêla bialpa nei ber i nih hi, i bialpa ang hi chu duh ila chuan e khaw tinah ka hûng thei ang chu," a lo ti ve thung a, ner khum sak pah hian," Awi, i ka hi chu aw... mi hian i țawng hi an lo hria ang tih a hlauhawm țhìn, tak tak emaw an tih hlauh chuan e," ka ti vang vang a. Kan inchhâng tâwk viau a, kan infiam nasa a, na tak takin kan infiam nain kan inhaw ngai lo.
Vawksa kan tùra chan mawlh mawlh pah hian," In pa hi a lêng heh ve àwm ka ti, kan vêngah ka hmu ngun teh a nia," a ti a, kei chuan," Tlangvâl a nia, lêng ve bawk ang chu," ka lo ti thung a, ani lah chuan," I țan ve thei siah!! Tlangvâl pawh ni se kei aiin a lêngcheh daih zâwk; mahse, ani zawng lêngcheh pawh i ti phal leh tawp nâng!" a ti nang nang a, kei pawh chu ka nui tawp, chhàn lêt tinah pawh ka tin lo.
*******
Pêkate pawh kan in hnuaiah an rawn insawn ve tawh a, thla hnih zet chu an awm ve ta. A hmaa reh raih țhìn kha kan ri ve lai lai tawh a, nuam ka ti. Ka nu leh Pêka nu an inkàwm ngeih viau a, in hnuaiah a zu lêng thla fo mai. Peka pawh school a la kal ve zêl a, a nuin kumin tal chu la kal ve rih se a tih vàng a ni.
Kum tàwp lam kan hnaih chho ve țan a, boruak pawh a zia țan viau a ni. School bàna ka haw lamah secondhand kawrlum ka en chhin a, hetiang lam hi en chhoh a ngai țan tawh tlat. Ka sîr lam ka en phei chuan Chhana leh nula chhe lo zet rawn inzui phei ka hmu ta thut mai, ka hawi sawn thei lo, vawiin chu inah awmin an in chung siam țhat an tum ni khân ka hre si a, chutiang chuan min hrilh a nih kha, tlai lama tuition class pe tùra min hruai hman a rin loh thu pawh min hrilh nghe nghe a nih kha; mahse, hei, hetah ka hmu leh daih bawk si, hna thawh thuam a inbel lo. A kalpui nula lah chu ka la hmuh ngai àwm pawh ka hre lo, min rawn hmuh hlau ru tak chuan ka bula kawrlum en vete kâr ațang chuan ka en reng a, anni erawh chuan min rawn hmu ve lo a ni ang chu, hlim taka inbiain an nui dùn a, hmeichhia chuan a bânah a kuahsak a, chu chuan ka mit a la zual, chutah, nula chuan duh tih hriat tak hian nui pahin a en chho zui bawk a, ka thinlungah thîkna a rawn awm nghâl zawk. Kan awmna min rawn kal pèl a, ka en zui ru zêl a, ka hmuh phâk lohah an kal liam ta. Hmu phâk tawh lo mah ila an liamna lam chu ka en zui reng a, chutah, ka maimichhîng vang vang a, thâwk ka la zui hawk bawk, kawr en pawh ka tui tawh lo, hmui pet ruh țeuhin ka kal ta daih a.
Ka rilru a nuam hlawl lo, phone phawrhin biak ka han tum deuh a; mahse, engtin nge ka tih ang? "Nula pakhat nèn ka hmu dùn che u," ka va ti táwng dâwn em ni ang? Nge, "Kha nu kha i bialnu em ni? Min lo kawp a ni maw?" min tih dàn țhin ang chiahin ka ti zâwk ang? Rilru siamin a hming chu ka hmet chhuak a, ka call zui ta nghâl a, min chhàn dàn ka hre châk hrim hrim a ni.
Min lo chhâng ve ngei. " Eng nge i tih a? I buai em?" ka ti phawt a, ani chuan," Buai lo ve, eng nge ni ta?" a rawn ti a, motor thãwm ka hre thei. Kein an la kal zêl a ni ngei ang.
"A, eng ni lo ve, ka rawn be mai mai che. Tunah khawiah nge i awm?" ka ti leh a, min chhàn dàn azirin ka thinrimin ka thinrim lo thei ang. Dâwt min hrilh teh chuan aw, amah vàngin mipa pawh ka kalpui ngam ngai lo va, ka invêng ve ngar ngar țhìn a nia.
"Inah, in chung siam țhat ngai lai kha kan la zo lo deuh a," a rawn ti ta chiah mai. Dáwt min hrilh a tîm eih lo chu mak ka ti ta thláwt a ni, hmu chiang viau lo ila chuan keimah ngei pawh hi ka inringhlel lek lek hial ang chu!!! Dâwt sawi lo ang hmakin a rawn sawi mâm thei a nia. Engtin nge dâwt chiang lutuk a sawi theih záwk ni? Tûn lawkah nula nèna an kal dùn ka hmu dùn zo chauh a, ani erawh chuan ina awm angin a rawn insawi a... daw thei lutuk mai.
"A nih chu, chuti, a nih leh mai," tih leh phone hmeh tàwp ka rual a, thinlung tâwp up up chungin in lam pan chuan hmanhmawh takin ka kal hmawk hmawk a, mak ka ti a ni. Nula a kalpui kha chuan min ti hrehawm tho nain dâwt chiang lutuk tak mai min hrilh zâwk khân min ti hrehawm, ka rilru a tâwt țûn a, chumi tih reh nâna àu chiam chiam ka châk tak zet a ni.
Tlaia Joel-ate unau ka va zirtír pawh chuan ka nui lui hlei thei lo achha chu a ni, hlim hmêl put erawh ka tum lui ve hrâm hrâm a, ka rilru chhûngril lamah thil dang ngaihtuah ka nei tlat si a, a țha lam leh hlimawm lam a ni si lo lai tak chuan min pawt rit lo thei lo a ni. Naom-i titi pawh ka man pha chiah lo va," Au Ruatpui, kan ina lo kal hi i ning tawh em ni? Vawiin chu i hlim lo e, nuam pawh ka ti vak bík lo," a tih chuan ka inthing harh a, nui lui sakin," Ta mai mai chuan aw... ka ning hlei nem. A pawi ka ti hlê mai, ka awm dàna ka lo ti lang chu. Ka rawn kal hma ațang khân ka awm a nuam vak lo va," ka ti ta ringawt a, dâwt ni deuh tho mah se dáwt chiang lutuk chu a ni bîk lo, ka lu a na deuh tak tak a ni.
"A va'n pawi. Damdawi i ei duh em?" a rawn ti leh a, Joel-a pawh chuan," I awm a nawm loh chuan haw daih la, kan bâng hma ve a ni mai a," a lo ti ve khut a, a zia lo ka ti tak zet a ni. Chhana vànga naupang zirtîrna ka pêk thlenga ka buai phah hi, a châk lo ngawt ang!
Ka tlâk ve ta hrâm e. Ka haw tùr chu Pi Mawitei chuan," A zia lo êm mai, i damlo dâwn a ni ang, i rawn theih loh chuan min hrilh rawn inthlahrung miah suh aw, i hrisèlna kha a pawimawh zâwk a nia," tiin min thlah a, nuam lo ka ti viau a ni. Naom-i'n a lo hrilh hman tih a hriat reng a, ka fin leh fel lohzia an bula ka ti lang chu nêp ka inti tak zet.
Zanriah ei khamah room-ah awmin Chhani ka va bia a, pângngai takin ka bia a, za lo zeta nui luiin vawiin lamah an vênga Chhana a hmuh leh hmuh lohte chu a thuphungin ka zâwt a, ani chuan a hmuh zawk thu a rawn sawi a, chu pawh bike-a a tlãn lai a ni nghe nghe, phurh a neih loh thu min hrilh tel bawk.
"Engati nge? I ringhlel deuh chu a ni lo maw?" nui paha a rawn tih chuan thu dik tak chu ka hrilh ve mai a, chipchiar takin ka hrilh a, phone-a kan inbiak dàn thleng chuan ka hrilh vek bawk. Chutia kan inbiak mawlh mawlh lai chuan ka nuin kawngkhàr rawn hawngin Chhana rawn lèn thu chu min rawn hrilh a.
Phûr lo zetin ka chhuak a, a hmêl chu ka hmu tui hlawl lo. Dâwt min hrilh duh kha nâ ka ti a, eng vàng nge ni ang tiin ka inzáwt bawk. Min kawp êm hi chu ka ring phal lo va, heti chen kan inkawp hnu hian rinhlelhna tùr pawh ka hre ngai lo; mahse, zanin chu ka rilru a dik thei tlat lo.
"I nuam chiah nange?" tia min zawh chuan," Nuam chiah lo a nih hi," ka ti ve mai a, a hmêl pawh ka en lo, ka en duh lo. Dâwt min hrilh kha nâ ka ti a, ka rilru a hrehawm a, amah lah hian hrehawm a tih ve hmel bawk si lo.
"Engtizia nge a? I khua a sik em ni?" a ti leh a, ka lu ka thing mai a, biak hi ka peih lo va, a hmêl hmuh pawh tunah tak hi chuan ka peih lo, ka thinlung a zîngin a tâwt țûn a, thil awm dàn zawh fiah pawh ka châk hlawl lo.
Inlêng a nihnaah biak loh theih loh ta chu," In in chung chu in siam zo thei em?" ka ti ve leh hrâm a, ani chuan," Aw, nilênga thawh chuan kan zo thei mai, rin aiin a lo hautak reuh a," a lo ti a, ka lo ner nak thung. Dâwt pakhat mai sawi lovin dâwt dang pawh a sawi leh thei zêl chu a ni si a, eng chena thui nge a sawi zêl ang? Tìmna a nei bawk si lo.
"Nakkum lamah tih huk kan tum hmèl si a, hman remchàn laia tih fel theih hi chu tih fel zêl a țha, kan buai chho tawh dâwn si a," a tih chuan za lo tak hian ka nui a, ka nuih zat lohzia chu pui tak a ni. A hma kha chuan rinhlelhna ka neih ngai loh bâkah a dâwt sawi ka hre ngai tlat lo va, min lo hrilh țhìn a nih pawhin ka man chhuah ngai loh vàng pawh chu a lo ni maithei a; mahse, tunah hi chuan a dang ta tlat a ni.
"Vawiinah i chhuak em?" a hmêl taka en chung chuan ka ti a, min rawn en ve nghâl zat. En duh lo viau mah ila min chhàn laia a hmêl leh a mitmeng hmuh ka duh vàng a ni.
"Chhuak lo. Ni leh lo, bike-in vawi khat chu ka tlãn chhuak leh si," a hmêla eng mah ti lang lo chuan a rawn ti a, min enin a nui sak bawk. Ka thinlung a rûm a, dâwt min hrilh zêl hi mak ka ti tawh lo, heti khawpa min hrilh hreh lo a nih chuan min lo hrilh zing viau tawh tihna a ni mai.
Ka nuin TV a en ring deuh hlek a, kan țawng a hriat phâk ka ring lo bawk a," I chhuah si loh chuan vawiin tlai school bàna nula pakhat nèn ka hmuh dun kha, nangmah i ni lo tihna a ni maw? Nangmah ngei niin ka hria asin," ka ti ve ta fak a, hmun dang en duh lovin a hmêl chauh chu ka en reng a; mahse, chuti chung pawh chuan a hmêlah leh mitmengah eng mah a ti lang lo thei nia.
*I HUN KAL TAWH LEH I HMA LAM HUN KHA LUNGKHAM CHIAM LO TEH, I THUNUN THEIH PIAH LAM A NI. I TÛN HUN HMAN MÊK HI I THUNUN THEIH ZÂWK CHU A NI A, I NUN I THLÂK DANGLAM THEIH HUN LAI TAK A NI*
Comments
Post a Comment