☆KA TÂNA RUAT☆ - Bonus By Dingdi Pachuau
"Âpa nèn kan rawn kal a, tih tùr a neih vàngin Samuel-ate inah a pêng rih thung. Nakinah haw dâwnah a lo kal ve ang chu. Au Ruatpui, ka lêng ve reng rih dâwn a nia, Nonoi ka awm rih duh sia," Naom-i chuan a ti leh barh barh a, kei chu ka lo bu nghat a.
A hnu deuhah dàwra Nonoi kalpui lawkah min dîl a, min dìl vawi khatna a ni a, phal loh ka hreh ve deuh si," Eng mah leisak suh aw, chhang a ei duh loh phah palh ang," ka ti a, ani chuan," Dâwn lo hrim hrim, pâwna chhuahpui ka châk ve a, ani pawhin nuam a lo ti ve dâwn bawk a," a lo ti a, Nonoi chhuahpuia a han sâwm chu a lo phûr ngang mai, a kutah kàiin páwn lam a panpui dâwn nghâl mai a, Naom-i erawh chuan," Ka pawm ang che," tiin a pawm nghâl nawlh a, in ațang chuan a chhuahpui ta nghâl a.
An awm loh hnu chuan in chu a reh tlawk tlawk mai. Han biak mai dàn tùr ka hre rih lo va, ani lahin min be mai bîk si lo. Biak țhat duh loha ngawih deuh reng chu thil dik niin ka hre thei meuh bawk si lo nèn; mahse, han sawi mai tùr a vâng ve êm a ni. Dik tak chuan kan ințhen hnu ti mai teh ang, ni leh lo, ka kalsan ațang khân a ni zâwk ang chu, ka nun dàn hi a inthlâk ve nasa tawh a, țawng duh ve viau țhìn kha ka țawng tlêm tain nuih pawh ka nui tlêm ta, Nonoi hi chhaih lo țhìn phei ila chuan ka țawng mawh viauin ka inring hial tawh a ni. Sâwt miah lo mah se thil ngaihtuah vak vak kha ka chîng a, ka nute pawhin min biak loh kha chuan ka țawng zen zen lo, tunah pawh hian ka țawng tam ta lo viau.
"I hnênah hian ngaihdam dîl ngam tùr ka ni lo tih hre mah ila rilru hrehawm rêng rênga hun hman hi ka ning ve tawh a ni. Ka tih loh tawp tùr ka ti tih ka hria, kan chunga thil thleng kha ka thiam loh vek a ni tih pawh ka hria, thiam thu sawi tùr ka nei lo, ka thil tih sual chu kan tuar ve ve a, hlim taka nupa ni tùr kha hetiang hian kan lo awm ta a," zàwi angreng tak hian a ti dap dap a, a melh ngai, chhuat chu a melh char char. Ka melh leh țhìn a, a aw chhuakah chuan inchhìrna, hrehawm tihna leh pawi tihna ka hre thei hialin ka hria.
"Hun kal tawh chu sawi lo ang, awmzia a awm lo a nia," ka lo ti ve a, a dik chiah bawk. Hun kal tawh a ni a, theihnghilh țhak theih erawh a ni lo ang, kan dama hun a ral zêl chuan a dang mahna! Ani nèn hian kan inkawp rei ve a, inzui satliah lovin inneih hial kan tum a, kan inneih hma lawkin khatiang thil kha a thleng ta a. Ni e, kan theihnghilh rih lo ang; mahse, hun a ral zêl ang a, hunin rilru dang min puttîr hun a awm ngei dâwn, chutih hunah chuan la ngaihtuah lêtin lungte pawh a tilêng ve thei tawh hial ang! Ngaihtuah chhuah ngai loh hun pawh kan la nei ve ang chu.
"A dik; mahse, a har êm a ni. Ka ngaihtuah lêt chãng hian ka thin hi a la tâwt ngawih ngawih țhìn, mahni inhuatna leh inngeinain ka khat a, i chunga khatiang ka thlentîr vàng khân Pathian hian min la hrem chhunzawm zêl dâwn ni pawhin ka hria, nang ka chân che a, kha pawh kha a nat tawh tehrêng nèn, ka fapa ka kuah phâkah a awm leh ta lo va," a ti leh charh charh a, amah ang lo takin rilru hah leh hrehawm ni àwm takin a sam chu a tuai puat a, a thaw leh hawk țhìn bawk. A hun lai khân ka ngeiin ka thin a tirim a, ka zak bawk țhìn a nih kha; mahse, tuna a awm dàn en hi chuan inchhîr leh hrehawm ti tak tak hmêl a pu a, khawngaih thla a la ta riau mai.
"Ni lo, chutiang chuan ngai mah ta che. Thil chu kan ti sual vek a, thil tih sual man hmu dâwn ni ila hmu lo tùr rêng rêng kan awm lo ang," ka lo ti a, tuna ka rilru dik tak a ni ka sawi ni. A inchhîr pawi ti hmêl hian eng emaw ti tak hian min dek tlat. Mihring a ni a, thil a ti sual a, chu chu hre renga indelh rihtîr reng tùrin ka duh lo, kei ngei pawh hian tih sual chu ka nei țeuh tho ang, thil ti sual thei mihring kan ni miau a.
Naom-i țawng làwng láwng ri ka hriat chuan," An rawn lêt leh tawh a ni maw?" ka ti sap a, ka rin aiin an rei deuh zâwk a, Nonoi mut pawh a chhuak tawh hial maithei a ni.
Ina an rawn luh chuan rin loh deuhin Pu Rintea pawh ka hmu nawlh mai! Mak ka tih avàng chuan țawng mai nachâng pawh ka lo hre lo va, Naom-i'n," Âpa lo kal tum nèn kan inhmu chiah a, kan rawn kalho hlauh a," a tih tâkah chuan," Um, a nih chu, lo țhu r'u, thingpuite kan in dâwn nia. Nonoi kha ka lo paw tawh mai dâwn em ni ang? A mut a chhuak tawhin ka ring a," ka ti ve a, Nonoi erawh chu mut chhuak hmêl pawh la pu lovin Naom-i kut chu vuanin zàwi tê tê hian a bensak a.
Thingpui kan in laiin ka nu a rawn haw a, kan ina lo awmte a hmuh chuan a be kual dan dan a, Chhana pawh pângngai takin a be tho a, mi dang aiin a biak dàn a danglam chuang lo, a be bawrh bawrh tho a ni. Ka nu hi chu a fel ka ti ve thlâwt țhìn a ni, ka chhùn lo lutuk hi mak ka ti hial zâwk, kei hi zawng ka fel ve hlawl si lo va.
Naom-ite haw hmain Chhana a haw a, a bike thãwm a reh deuh chauh tihah Naom-i pek chuan," Au Ruatpui, hmãn deuha i bialpa, rawn thlah ve ziahtu che kha a ni tiraw? Ka hmuh zin theihzia che u kha," a rawn ti chhuak a, ka en zawk a, a lo nui sûng mai. Za lo zetin ka nuih phah ve ringawt. Ni e, an ina tuition ka va pêkchilh lai khân min hmu dùn zauh zauh ngei ang, gate pâwnah khân min lo nghâk țhìn tlat. Pu Rintea ngèi pawh hian a hmu zauh zauh tho ang.
"In inneih ka rin nèn!" a rawn tih leh phei chuan zah avàngin hawi ngaihna ka hre lo, ka nu zâwk chuan," Ni e tiraw? Mahse, pasal a neih daih chuan kan inah a awm tawh lo ang a, Nonoi pawh kan hmu khât tawh dâwn asin," a lo ti ta hlauh a, ani pawh chuan," Ni leh si. A, ka duh leh lo, ka ring leh lo ni mai rawh se. Nonoi ka ngai dâwn êm mai," tiin, ka bulah a rawn kal a, ka hnunga muhìla bei tlán Nonoi biangah a rawn fawhsak zoh a.
An haw dâwn chuan chhang ka dah bãng zawng chu ka pack thlap a, Naom-i bag-ah chuan ka khung zui nghâl bawk. Pu Rintea leh ka nu chu inbiain an țawng bawrh bawrh a, Naom-i'n," In hman hunah rawn lêng ve ula, Nonoi pawh kan inah a la rawn lêng miah lo, nuam a ti viauin ka ring," a tih chuan," A... ni e, dam hi han hauh phawt ila," ka ti ve ta ringawt a, an ina Nonoi lènpui tumna erawh ka nei lêm lo.
Zànah Naom-i'n min rawn bia a," Chaw ei peih lovin chhang kha ka ei a, tui ka ti telh telh mai," a rawn ti țãlh țãlh a, tunah pawh a la ei mêk a ni ngei ang chu, a țawng dàn ațangin a hriat tlat.
"A làwmawm a nih chu; mahse, chaw ei loh ngawt chu a țha lo asin, i nu pawhin a phal em ni?" ka ti ve thung a, ka nuin chaw nghei tawp a phal loh țhin dànte ka ngaihtuah chhuak a, ani pawh hi, a nu Pi Mawitei kha a strict ve hmèl riau ka ti a ni, hetiang lam chungchângah phei hi chuan a khirh ve reuh zêkin ka ring asin.
"Nu ka nei tawh lo," a rawn ti mai a, kei chuan," Engati maw? A zin em ni?" ka lo ti vat a, a ngawi ta daih mai. Kei hi ka va mãwl tak! Thil hi ngaihtuah thui ve a ngai asin. Nu a neih tawh loh thu min hrilh a, an chanchin ka hriat loh kár, heta ka awm loh chhûng khân a lo boral tawh a ni ngêi ang. Lalpa, min ngaidam teh, ngaihtuah thui lo lutuk mai. Naom-i tân pawh sawi chhuah a harsa viau ang chu.
"Tihpalh lutuk! Sorry aw, zawh loh tùr ka zawh che avàngin ka tihpalh lutuk," ka ti ta mawlh mawlh a, nakinah a nu chanchin chu chipchiar takin ka la zâwt zâwk ang, tunah tak hi chuan a rilruah a thar zual ang a, a tân a nu boral tawh chanchin sawi chu a nuam vak dâwn lo.
"Min zawh avànga pawi tùr a awm lo hrim hrim, ka la hrilh vek ang che. Nang chu i fel a, hrilh che pawi ka ti lo, nakinah i la hre vek dâwn tho a," a rawn ti ve leh thung a, kei chuan," Aw le, aw le, a țha alawm," ka lo ti vat a. Nonoi mut tawh leh tawh loh min zawh chuan a piin a pawm thu ka hrilh a," Ka ngai reuh, ka hmuh loh hlek chuan ka lung a tilêng tlat a nih chu! A mak tak tak a ni," a rawn tih leh chuan ka nui sak a, he nau hian dâwt a sawi pawh ka ring lo.
"Lehkha ka'n zir ve tawh ang e. E, lawk, Ânu chu, pasal dang min ûmsan daih a, chu vàng chuan a nia nu kan neih tawh loh ni. Au Ruatpui, nang chuan min sawi ve lo ang tiraw? Mi hian min sawi peih lutuk a, ka ning thei tak tak a ni, țhenawm leh hmêl hriatte hian inhmuh châng hian kan unaua min khawngaihzia leh Âpa khawngaihthlâk an tihzia min hrilh ve ziah, ka ning thei a nia. Kei chu ka khawngaihthlâk tho nain Âpa hi ka khawngaih, a buai thei si a, min ngaihtuah êm êm bawk si," a rawn ti leh duah a.
A thil sawi tam zâwk hi min zâwt leh ta se ka hre chiang lo ang; mahse, ka hriat chian chu a nuin an pafazaa pasal dang a ûmsan daih chu a ni. Mak ka ti lutuk! Engtin nge a nih theih? Hmeichhe fel leh inthunun thei tak, nu țha leh nupui fel leh nupui awhawm tak ni khân ka hre si a. Khawvêl hi a lo mak thei ngei mai, rin loh deuh deuh hi s lo thleng a, inrin lâwkna awm hauh lovin min dêng dawt dawt chu a nih ber hi.
"Âpa nèn kan rawn kal a, tih tùr a neih vàngin Samuel-ate inah a pêng rih thung. Nakinah haw dâwnah a lo kal ve ang chu. Au Ruatpui, ka lêng ve reng rih dâwn a nia, Nonoi ka awm rih duh sia," Naom-i chuan a ti leh barh barh a, kei chu ka lo bu nghat a.
A hnu deuhah dàwra Nonoi kalpui lawkah min dîl a, min dìl vawi khatna a ni a, phal loh ka hreh ve deuh si," Eng mah leisak suh aw, chhang a ei duh loh phah palh ang," ka ti a, ani chuan," Dâwn lo hrim hrim, pâwna chhuahpui ka châk ve a, ani pawhin nuam a lo ti ve dâwn bawk a," a lo ti a, Nonoi chhuahpuia a han sâwm chu a lo phûr ngang mai, a kutah kàiin páwn lam a panpui dâwn nghâl mai a, Naom-i erawh chuan," Ka pawm ang che," tiin a pawm nghâl nawlh a, in ațang chuan a chhuahpui ta nghâl a.
An awm loh hnu chuan in chu a reh tlawk tlawk mai. Han biak mai dàn tùr ka hre rih lo va, ani lahin min be mai bîk si lo. Biak țhat duh loha ngawih deuh reng chu thil dik niin ka hre thei meuh bawk si lo nèn; mahse, han sawi mai tùr a vâng ve êm a ni. Dik tak chuan kan ințhen hnu ti mai teh ang, ni leh lo, ka kalsan ațang khân a ni zâwk ang chu, ka nun dàn hi a inthlâk ve nasa tawh a, țawng duh ve viau țhìn kha ka țawng tlêm tain nuih pawh ka nui tlêm ta, Nonoi hi chhaih lo țhìn phei ila chuan ka țawng mawh viauin ka inring hial tawh a ni. Sâwt miah lo mah se thil ngaihtuah vak vak kha ka chîng a, ka nute pawhin min biak loh kha chuan ka țawng zen zen lo, tunah pawh hian ka țawng tam ta lo viau.
"I hnênah hian ngaihdam dîl ngam tùr ka ni lo tih hre mah ila rilru hrehawm rêng rênga hun hman hi ka ning ve tawh a ni. Ka tih loh tawp tùr ka ti tih ka hria, kan chunga thil thleng kha ka thiam loh vek a ni tih pawh ka hria, thiam thu sawi tùr ka nei lo, ka thil tih sual chu kan tuar ve ve a, hlim taka nupa ni tùr kha hetiang hian kan lo awm ta a," zàwi angreng tak hian a ti dap dap a, a melh ngai, chhuat chu a melh char char. Ka melh leh țhìn a, a aw chhuakah chuan inchhìrna, hrehawm tihna leh pawi tihna ka hre thei hialin ka hria.
"Hun kal tawh chu sawi lo ang, awmzia a awm lo a nia," ka lo ti ve a, a dik chiah bawk. Hun kal tawh a ni a, theihnghilh țhak theih erawh a ni lo ang, kan dama hun a ral zêl chuan a dang mahna! Ani nèn hian kan inkawp rei ve a, inzui satliah lovin inneih hial kan tum a, kan inneih hma lawkin khatiang thil kha a thleng ta a. Ni e, kan theihnghilh rih lo ang; mahse, hun a ral zêl ang a, hunin rilru dang min puttîr hun a awm ngei dâwn, chutih hunah chuan la ngaihtuah lêtin lungte pawh a tilêng ve thei tawh hial ang! Ngaihtuah chhuah ngai loh hun pawh kan la nei ve ang chu.
"A dik; mahse, a har êm a ni. Ka ngaihtuah lêt chãng hian ka thin hi a la tâwt ngawih ngawih țhìn, mahni inhuatna leh inngeinain ka khat a, i chunga khatiang ka thlentîr vàng khân Pathian hian min la hrem chhunzawm zêl dâwn ni pawhin ka hria, nang ka chân che a, kha pawh kha a nat tawh tehrêng nèn, ka fapa ka kuah phâkah a awm leh ta lo va," a ti leh charh charh a, amah ang lo takin rilru hah leh hrehawm ni àwm takin a sam chu a tuai puat a, a thaw leh hawk țhìn bawk. A hun lai khân ka ngeiin ka thin a tirim a, ka zak bawk țhìn a nih kha; mahse, tuna a awm dàn en hi chuan inchhîr leh hrehawm ti tak tak hmêl a pu a, khawngaih thla a la ta riau mai.
"Ni lo, chutiang chuan ngai mah ta che. Thil chu kan ti sual vek a, thil tih sual man hmu dâwn ni ila hmu lo tùr rêng rêng kan awm lo ang," ka lo ti a, tuna ka rilru dik tak a ni ka sawi ni. A inchhîr pawi ti hmêl hian eng emaw ti tak hian min dek tlat. Mihring a ni a, thil a ti sual a, chu chu hre renga indelh rihtîr reng tùrin ka duh lo, kei ngei pawh hian tih sual chu ka nei țeuh tho ang, thil ti sual thei mihring kan ni miau a.
Naom-i țawng làwng láwng ri ka hriat chuan," An rawn lêt leh tawh a ni maw?" ka ti sap a, ka rin aiin an rei deuh zâwk a, Nonoi mut pawh a chhuak tawh hial maithei a ni.
Ina an rawn luh chuan rin loh deuhin Pu Rintea pawh ka hmu nawlh mai! Mak ka tih avàng chuan țawng mai nachâng pawh ka lo hre lo va, Naom-i'n," Âpa lo kal tum nèn kan inhmu chiah a, kan rawn kalho hlauh a," a tih tâkah chuan," Um, a nih chu, lo țhu r'u, thingpuite kan in dâwn nia. Nonoi kha ka lo paw tawh mai dâwn em ni ang? A mut a chhuak tawhin ka ring a," ka ti ve a, Nonoi erawh chu mut chhuak hmêl pawh la pu lovin Naom-i kut chu vuanin zàwi tê tê hian a bensak a.
Thingpui kan in laiin ka nu a rawn haw a, kan ina lo awmte a hmuh chuan a be kual dan dan a, Chhana pawh pângngai takin a be tho a, mi dang aiin a biak dàn a danglam chuang lo, a be bawrh bawrh tho a ni. Ka nu hi chu a fel ka ti ve thlâwt țhìn a ni, ka chhùn lo lutuk hi mak ka ti hial zâwk, kei hi zawng ka fel ve hlawl si lo va.
Naom-ite haw hmain Chhana a haw a, a bike thãwm a reh deuh chauh tihah Naom-i pek chuan," Au Ruatpui, hmãn deuha i bialpa, rawn thlah ve ziahtu che kha a ni tiraw? Ka hmuh zin theihzia che u kha," a rawn ti chhuak a, ka en zawk a, a lo nui sûng mai. Za lo zetin ka nuih phah ve ringawt. Ni e, an ina tuition ka va pêkchilh lai khân min hmu dùn zauh zauh ngei ang, gate pâwnah khân min lo nghâk țhìn tlat. Pu Rintea ngèi pawh hian a hmu zauh zauh tho ang.
"In inneih ka rin nèn!" a rawn tih leh phei chuan zah avàngin hawi ngaihna ka hre lo, ka nu zâwk chuan," Ni e tiraw? Mahse, pasal a neih daih chuan kan inah a awm tawh lo ang a, Nonoi pawh kan hmu khât tawh dâwn asin," a lo ti ta hlauh a, ani pawh chuan," Ni leh si. A, ka duh leh lo, ka ring leh lo ni mai rawh se. Nonoi ka ngai dâwn êm mai," tiin, ka bulah a rawn kal a, ka hnunga muhìla bei tlán Nonoi biangah a rawn fawhsak zoh a.
An haw dâwn chuan chhang ka dah bãng zawng chu ka pack thlap a, Naom-i bag-ah chuan ka khung zui nghâl bawk. Pu Rintea leh ka nu chu inbiain an țawng bawrh bawrh a, Naom-i'n," In hman hunah rawn lêng ve ula, Nonoi pawh kan inah a la rawn lêng miah lo, nuam a ti viauin ka ring," a tih chuan," A... ni e, dam hi han hauh phawt ila," ka ti ve ta ringawt a, an ina Nonoi lènpui tumna erawh ka nei lêm lo.
Zànah Naom-i'n min rawn bia a," Chaw ei peih lovin chhang kha ka ei a, tui ka ti telh telh mai," a rawn ti țãlh țãlh a, tunah pawh a la ei mêk a ni ngei ang chu, a țawng dàn ațangin a hriat tlat.
"A làwmawm a nih chu; mahse, chaw ei loh ngawt chu a țha lo asin, i nu pawhin a phal em ni?" ka ti ve thung a, ka nuin chaw nghei tawp a phal loh țhin dànte ka ngaihtuah chhuak a, ani pawh hi, a nu Pi Mawitei kha a strict ve hmèl riau ka ti a ni, hetiang lam chungchângah phei hi chuan a khirh ve reuh zêkin ka ring asin.
"Nu ka nei tawh lo," a rawn ti mai a, kei chuan," Engati maw? A zin em ni?" ka lo ti vat a, a ngawi ta daih mai. Kei hi ka va mãwl tak! Thil hi ngaihtuah thui ve a ngai asin. Nu a neih tawh loh thu min hrilh a, an chanchin ka hriat loh kár, heta ka awm loh chhûng khân a lo boral tawh a ni ngêi ang. Lalpa, min ngaidam teh, ngaihtuah thui lo lutuk mai. Naom-i tân pawh sawi chhuah a harsa viau ang chu.
"Tihpalh lutuk! Sorry aw, zawh loh tùr ka zawh che avàngin ka tihpalh lutuk," ka ti ta mawlh mawlh a, nakinah a nu chanchin chu chipchiar takin ka la zâwt zâwk ang, tunah tak hi chuan a rilruah a thar zual ang a, a tân a nu boral tawh chanchin sawi chu a nuam vak dâwn lo.
"Min zawh avànga pawi tùr a awm lo hrim hrim, ka la hrilh vek ang che. Nang chu i fel a, hrilh che pawi ka ti lo, nakinah i la hre vek dâwn tho a," a rawn ti ve leh thung a, kei chuan," Aw le, aw le, a țha alawm," ka lo ti vat a. Nonoi mut tawh leh tawh loh min zawh chuan a piin a pawm thu ka hrilh a," Ka ngai reuh, ka hmuh loh hlek chuan ka lung a tilêng tlat a nih chu! A mak tak tak a ni," a rawn tih leh chuan ka nui sak a, he nau hian dâwt a sawi pawh ka ring lo.
"Lehkha ka'n zir ve tawh ang e. E, lawk, Ânu chu, pasal dang min ûmsan daih a, chu vàng chuan a nia nu kan neih tawh loh ni. Au Ruatpui, nang chuan min sawi ve lo ang tiraw? Mi hian min sawi peih lutuk a, ka ning thei tak tak a ni, țhenawm leh hmêl hriatte hian inhmuh châng hian kan unaua min khawngaihzia leh Âpa khawngaihthlâk an tihzia min hrilh ve ziah, ka ning thei a nia. Kei chu ka khawngaihthlâk tho nain Âpa hi ka khawngaih, a buai thei si a, min ngaihtuah êm êm bawk si," a rawn ti leh duah a.
A thil sawi tam zâwk hi min zâwt leh ta se ka hre chiang lo ang; mahse, ka hriat chian chu a nuin an pafazaa pasal dang a ûmsan daih chu a ni. Mak ka ti lutuk! Engtin nge a nih theih? Hmeichhe fel leh inthunun thei tak, nu țha leh nupui fel leh nupui awhawm tak ni khân ka hre si a. Khawvêl hi a lo mak thei ngei mai, rin loh deuh deuh hi s lo thleng a, inrin lâwkna awm hauh lovin min dêng dawt dawt chu a nih ber hi.
Comments
Post a Comment