☆KA TÂNA RUAT☆ - 17 By Dingdi Pachuau
A sawi lâwk ang ngeiin tlaiah a rawn kal ta ngei a, naupang ei in duh tùr chi eng eng emaw a rawn leisak țeuh bawk. Làwm thu sawiin a thil rawn kensak chu a tam mah mah thu leh a insèn tam dâwnzia chu inthlahrung ru takin ka sawi pah bawk a, ani erawh chuan," Naute duat tân chuan insèn lua a awm thei nâng, a u Naom-i rêngin a sawi ngun mai a," tiin a nui suk a, ka nui ve ringawt. A hmêl hi ka lo en chiang viau ngai lo a ni ang, tuna a hmêl hi chêr ta riaua ka hriat deuh tlat chu, a hun tawn vàng nge ni ang, nge a hma pawh khân hetiang rêng hi a lo ni em ni zâwk tih ka ngaihtuah, a hrehawmin mipa tân phei chuan a zahthlâkin a tlàwmthlâk ngawih ngawih dâwn êm asin.
Ka nu chuan Nonoi nat chhoh dàn chu a lo hrilh ve malh malh a, thingpui a siamsak bawk a, kei erawh chuan Nonoi ka pua a, a pang chu a dài ve tawh nain a la zawi reuh lutuk a, khuma muttîr daih kha ka duh lo a ni.
A awm rei lutuk lo, in lam a ngaihtuah ve tawh bawk si a. A haw dâwn chuan," Nonoi chu lo dam chho zêl tawh rawh se, a khawngaihthlâk reuh êm mai," a ti a, a kutah chuan a rawn dawmsak a," A u Naom-i têt laia a damloh lai min ti hre chhuak, ani pawh kha a zawi reuh khawp a, a kutte kha han khawih ila kan dah sawn ang ang khân a awm a," tiin," Naupang hi zawng chhel viau mah se an han nat hi chuan an lainatawm hma a, tawrhsak theih hi an châkawm țhìn asin, kan hmangaihin kan lainat bawk si a," a ti leh duah a, kei pawh chuan," Nia, an tawrh aite hi han tawrhsak thei ila chuan a zia deuh tùr," ka lo ti ve a.
Chhana pawh a rawn lang zauh zauh, min beisei ang zâwng kha chuan a ni lo. Dàwr lamah a lo buai ve tawh tih a sawi a, Nonoi damlo a rawn ngaihven ve țhìn bawk a, a rawn kal azâtin Nonoi ei châk zâwng nia a rin a rawn kensak ziah a, țûl lo ti mah ila a luhlul tâwk ve a ni tih ka hre chiang a, vawi khat ka hrilh hnuah chuan ka hrilh duh tawh lo, a rawn ti tho ang tih ka hriat vàng a ni. Nonoi chaw ei duh lo lah chuan a thil rawn kensakho chu ei a ngèn țhìn a, chaw ang tluk thoa țha an nih vàng chuan ka hnial ngai lo, a damkawr ka tui lo chho nèn, a ei duh phawt chuan ei rawh se ka ti mai.
Kâr khat a liam leh hnuah chuan a dam pângngai ve ta, chaw erawh a thlah hmiah rih a nih hi. A pêk luih theih miah loh, chaw hi a ngei ta em maw ni tih tùr a ni, chaw kan eina bulah pawh a awm duh lo. Ka mang a ang deuh nain ka nute'n," Hun han liam deuh se, a zia mai ang, a la damkawr ve rih a, a ka a tui lo ve viau dâwn asin," an ti deuh tlat a, entîr leh mai ka duh tawh a nia; mahse, ka țhulh ta rih.
Naom-i pawh țha takin a pass a, an class-ah pahnihna a ni, mark 2 chauhin pakhatna chu a phâk lo va, a mark pumpuiah. A ui hlê nain Mathematics-ah tu ma tluk phâk loha mark 99 lai mai a hmu thung chuan a ti hlim viau thung. Hlim tih hriat taka min rawn biain," A hmaa i thil sawi kha?" a rawn ti deuh kher bawk a, ka lo insawi ba tawh a, eng emaw tak chu ka leisak ngei a ngai dâwn ta a ni; mahse, pawi ka ti lo va, nâ pawh ka ti chuang lo, a phû ve êm zâwk a ni. A rilru hi a chak a, a ngaihtuah duh phawt chuan a thiam thei tih pawh ka hria, fuih phùr thiama enkawl thiam phei chuan sâng takah a invawrh theiin ka ring.
Pathian zârah kan vànnei a, kan hrisêl viau țhìn; mahse, a zawng zawnga ni tin kum tina dam reng thei kan ni bîk lo, damlo thei mihring niin na thei taksa kan nei miau mai a, kan vànneihna pawhin a daih sêng ta bîk lo a ni, U Mama damlohnain a tlâkbuak chho ve leh ta a, Nonoi a dam țha chho ve chiah a nia, chutia U Mama ber a han damlo ta chu rilru a hrehawmin ngaihtuah a ti thui duh khawp mai. A tho harh peih meuh bawk si lo va, inentîr tùra kal tùr pawhin a tho chhuak peih lo a ni ber, a duh loh vàng pawh a ni maithei. Mang a ang a, kan mipa neihchhun niin kan chhûngkaw innghahna a ni si a, ani meuh a han mut tâk rengah chuan rilru a nuam thei lo a ni.
Manuni pawh a bialpa damlo kan tùr chuan a rawn kal ve a, a bulah chuan U Mama'n inentîr a hreh theihzia leh huphurh taktêa a huphurh țhin thu chu lo hrilhin U Mama bula inentîr chu sawi ve hrim hrim tùrin kan hrilh ru a, ani pawh chuan a sawipui ta ngei a; mahse, ani meuh pawh a lo hnial leh tho, tihngaihna tak pawh kan hre tawh lo.
A tûkah Chhani a rawn lang ve leh a, a dàn ngai tein a rawn țawng lût bawrh bawrh a," In dàwr in khãr țhap sia, engtizia nge ni? Thil țha lo a awm chu a ni êm lo maw? Nge, nupui a lo nei reng tawh zâwk?" a rawn ti nghâl bawrh bawrh a, kei chuan," I ti mak thei! A nghâktupa ber a dam țha si lo va, a khãr ta rih a nih kha," ka lo ti vat a, min rawn enin a hmui a hup ta vat a, hmui phun hian," A awm maw? A hria ang em le?" tiin U Mama room lam chu a kâwk pah bawk a, ka lo bu nghat ringawt. Eng nge, a țawng ring êm vei a nih kha. Za lo zeta nuih pah hian chhuata Nonoi țhu a samah a tuaisak a.
"A na viau em? Engtik ațangin nge a damloh a? A inentîr tawh em? A bialnuin a rawn kan tawh em?"
"Amah ngei va zâwt rawh, i rawn kal remchâng a, i rawn kan pah a ni mai," ka lo ti ve thung a, ani chuan," An nu a awm lo em ni a?" a ti zàwi sap a, a nui zui nghâl a, melh rum pah hian," Awm mai mai lo, nang țawngkam thiamah inentîr tùrin va kar chhuak nghe nghe teh," ka ti a, ka melh rum ve pawh pawisa hauh lo hian a nui nghâl hawk hawk a.
U Mama room lama a luh hnuah Nonoi hmu thei reng chungin a thuamhnaw țhenkhat chu ka su a, Chhani țawng chu ka hre zauh zauh a, a chângin a nui leh hak țhìn bawk. U Mama țawng erawh ka hre mang lo, a thûm deuh bul bul erawh ka hre leh zauh zauh. A thinlung va hneh thei se ka ti tak tak a ni, hetia ina tawrh tawp mai hi chu thil țha pawh a ni lo va; mahse, amah berin inentîr a duh tlat bawk si loh chuan kan tân chuan a buaithlâk ve bawk a ni.
Ka insu zo a, Nonoi ka bual fai leh a, ka thlâk fel zo deuh chiah tihah a rawn chhuak a," Tui lum a awm em?" a rawn ti teh ngawt a, a awm loh thu, Nonoi bual nân ka hman zawh vek thu ka hrilh chuan," Ka'n lum leh mai ang e, a taksa hrûk a duh a," tiin, tui herh hawin a dawh a, a chhuang zui nghâl a.
Nonoi ka pua a, thingpui hmeh tùr ka siam sawk sawk bawk. Ka siam zawh leh Chhani'n U Mama a hrûk zawh chu a inrual a, thingpui an in hman tawh leh tawh loh ka zawh chuan," Aw, hman tawh e, ka lo siam dâwn em ni ang? Ka lo siam ang. Awi, a tui dâwn lutuk!" a ti chùl a, ka chhang siam chu a melh pah a.
U Mama room-ah thingpui chu kan in a, kan titi pah bawk. Ani pawh a damdawi eiin a chhâwk rih bawk a, a țhu mu dàr mai. Thingpui erawh a in ve peih lo va, Chhani chuan," Bialnu a nei ve êm êm a, tirh pawh a tîr ngam lo a nia!" tiin a lu a thing nak nak a, kei chuan," A, a pian hi a nalh ve sia, a sek phiar țha ve sia maw, hmuhtîr a duh lo a ni ang, mit tla dâwnin a thlîr àwm si a," ka lo ti a, U Mama chu a en a, a nui ta vak a.
"Chêr chhiat bâkah a la zawi êm êm zui a! Ruhkawl vunin a tuam a ni ringawt alawm, hetiang chêr chhe lutuk hi chuan zàn tam riak an pai lo an ti," ka beng bulah a rawn ti sar sar a, a thil sawi chu U Mama pawhin a hre pha vek tho, peih loh hmèl zet hian a lo nui ve a.
"Chuan, inentîr lam chu?" ka ti a, an pahnih chuan ka en tawn a, Chhani chuan," A ba tawh, a taksa ka hrûk hnu khân ka thu thuin a awm nghâl. Naktûkah a inentîr ang," confi zet hian a lo ti vat a, U Mama erawh chuan eng mah a sawi lo, a țhen sak a, a maimichhîng zui nghâl daih bawk.
Chhani lo lêng zet chuan rah țha a va chhuah teh rêng êm! A tûkah ka nuin a va chhuahpui a, inentîr tùrin. Vànneihthlâk takin admit êm chu an tâwk lo va, an dîl ve nasa bawk a, an admit lo mai mai ni àwm a ni, damdawi erawh an rawn hàwn țeuh mai. A rawn haw chu an kal lam aiin U Mama pawh a harh daih zâwkin ka hria, boruak thar a va hîp a, a zia phah dâwn a nih ka ring. Zànriah pawh a ei ve ta hlek e, a va changkäng sâwt tak!
Zanin chu eng an hria ni maw, inlêng kan nei nual mai. Naom-ite pafa an rawn lang ve nawlh a, zàn danga rawn lêng ngai map lo an ni sia, mak ka ti tak tak. Manuni a rawn lang ve a, room lamah a lût zui nghâl deuh mai, ani hi chu kan hre thiam. Minute nga hnu vêlah Chhani a rawn lang ve leh a, an intiam rual deuh em maw ni ka ti hial a ni.
Kan titi laih laih a, Nonoi leh a u Naom-i an inawm leh a, Nonoi chuan nuam a ti leh khawp mai. Chhùnah khân a mu țha lo va, tlaiah a mu leh a, zànriah ei laiin a harh a, zanin zawng a meng rei àwm si a, men ve reng a ngai ngeiin ka ring.
Pu Rintea leh ka nu an inkàwm deuh a, kan țhu kháwm vek tho nain Chhani nèn kan inbe ve deuh a, a châng chuan kan titiho leh tho bawk. Chhani chuan U Mama inentîr chanchin chu min zâwt a, ka hrilh ve mai bawk a," A changtunu a lo lêng bawk sia, ka va hmu kher lo mai ang, a bat a tlâk tawh a, a zia tawh tho tho, va hmuh tum phét zawng... an induat ve duh àwm si a," nui deuh chung hian a ti sar sar a, kei erawh chuan," A ho êm mai. Hawh, va lût ila, rei awm a ngai chuang nâng," ka ti a, a hnial tak nain ka luhpui ta tho a.
Manuni chu U Mama țhut mutna bul chétah chuan a lo țhu ve a," Kan rawn ti buai lo che u maw?" ka ti dêk dêk a, an lo nui ve mai a. "Damdawi mûm lian a lo kal bawk a, ngeih char char hlê mai, tunah chuan a nui hmêl pawh kan hmu thei ta alawm," Chhani chuan a ti a, chutiang chuan an infiam a, kei pawh chuan," I kar chhuah vàng liau liau a nih hi, tih dàn tê hi i thiam reuh a, dàwi i thiam te hi a ni lo maw ka ti hial a ni," tia Chhani enin ka nuih pah hak hak a, ani lah chuan," Thiam deuh e, nakinah ka la hrilh ang che u, hetiang luhlul satliah nawr kal dàn hi chu ka thiam ve lutuk!" intithei zeta hawi pir deuh vah hian a lo ti ve a, kan nui leh hawk hawk a, rei awm lovin kan chhuahsan leh ta thuai a.
"I hriat loh tâkin, i chungah hian kan lãwm teh a nia, a dam chian veleh làwm thu sawi nân chaw kan ei khâwm dâwn nia, i duh ber sa kan siam ang. I phû hliah hliah tlat," thutak zet hian ka lo ti a. Ani erawh chuan," Chutiang sawi a ngai kher lo, chaw ei khâwm kher ngai lo pawhin ka duh hun hunah ka rawn ei ziah alawm, bat nei ni ang hrima chutia tih chu țha ka ti hauh lo a nia, țhian mai bâkah unau ang mai kan nia, kan inkârah khatiang sawi teh duah kha a ngai lo ang," a lo ti ve thung a.
Chhani a haw hmasa ber a, a haw hnu lawkah Pu Rintea chuan," Keini pawh kan haw tawh mai dâwn em ni ang? Zàn i men rei zawngin naktûkah i tho thei lo palh ang," tiin Naom-i chu a han en a, ka nu chuan," A la hma viau lo'm ni? Thingpuite in leh lawk ila?" a lo ti ve thung a; mahse, Pu Rintea chuan," Ni lo ve, a làwmawm. Kan duh tâwk loh zawngin zànah thawh sek a ngai palh ang. Mama pawh dam chho zêl tùrah ngai ila, doctor-in damdawi a chawh fuh viau tùrah ngai phawt mai ang," dam dup hian a ti a, a ding zui ta nghâl a.
Pâwnah Naom-ite pafa haw tùr chu kan thlah a, car-a rawn kal an nia, inmangțhain an tlàn liam thlengin kan thlîr zui a, in chhûng luh leh chuan a reh ruai mai. Ka nu chuan thingpui hâng inthlit lehin Nonoi chu a besawm malh malh a, mut mai a la tum hmèl loh. Kei pawh an bulah chuan țhuin phone ka hmet a, Youtube ka en kual ve rih a.
Mama room ațanga Manuni rawn chhuak chuan kawng a khàr rîk rin deuh avàngin ka nu nèn kan lo en rual dùn viau tih ka hria, Manuni hmêl chu a lungawi loh hmel angreng a, kei aiin ka nu lo rangin a lo be vat a," Haw i tum mai elo, Manun?" a lo ti a, ani chuan," Umm.." ti chauhin a chhâng a, kawngkapui lam a pan zui nghâl bawk. Ka nu chu ding vatin," A ni maw? A la hma viau lo'm ni? Mahse, i tih tlat chuan le, fîmkhur takin khalh la aw?" tiin Manuni chu a be zui lawm lawm a.
Nonoi pawh ngaihven lêm lo chuan U Mama room-ah ka lût vat a, mut pângngaiin a lo mu tawh a; mahse, a lo la meng thung, muthilhna hman lah a la awm hek lo.
"In inhau deuh em ni? A va lungawi loh hmel ve?" tiin ka zâwt nghâl tawp a, ani erawh chuan," Hau lo, muthilh ka duh a nia, i chhuah pahin êng kha ti thim mai teh aw," a lo ti ve thung a, min hnungchhawn zâwngin a inlet zui nghâl daih bawk. Min chhàn tum lo leh muthilh tum biak biak chu tum buai duh bík lovin êng chu ka ti thim a, dìm têin room chu ka chhuahsan zui ta nghâl a.
*I TUMAH CHIANG LA, I ZIN KAWNGAH MI ZAWNG ZAWNG I TI LÃWM THEI LO TI HRE RENG BAWK LA, SAWISÈLNA A AWM PAWHIN I THIL TUM TIHBAHLAHTÎR MIAH SUH, HUN A UIAWM*
A sawi lâwk ang ngeiin tlaiah a rawn kal ta ngei a, naupang ei in duh tùr chi eng eng emaw a rawn leisak țeuh bawk. Làwm thu sawiin a thil rawn kensak chu a tam mah mah thu leh a insèn tam dâwnzia chu inthlahrung ru takin ka sawi pah bawk a, ani erawh chuan," Naute duat tân chuan insèn lua a awm thei nâng, a u Naom-i rêngin a sawi ngun mai a," tiin a nui suk a, ka nui ve ringawt. A hmêl hi ka lo en chiang viau ngai lo a ni ang, tuna a hmêl hi chêr ta riaua ka hriat deuh tlat chu, a hun tawn vàng nge ni ang, nge a hma pawh khân hetiang rêng hi a lo ni em ni zâwk tih ka ngaihtuah, a hrehawmin mipa tân phei chuan a zahthlâkin a tlàwmthlâk ngawih ngawih dâwn êm asin.
Ka nu chuan Nonoi nat chhoh dàn chu a lo hrilh ve malh malh a, thingpui a siamsak bawk a, kei erawh chuan Nonoi ka pua a, a pang chu a dài ve tawh nain a la zawi reuh lutuk a, khuma muttîr daih kha ka duh lo a ni.
A awm rei lutuk lo, in lam a ngaihtuah ve tawh bawk si a. A haw dâwn chuan," Nonoi chu lo dam chho zêl tawh rawh se, a khawngaihthlâk reuh êm mai," a ti a, a kutah chuan a rawn dawmsak a," A u Naom-i têt laia a damloh lai min ti hre chhuak, ani pawh kha a zawi reuh khawp a, a kutte kha han khawih ila kan dah sawn ang ang khân a awm a," tiin," Naupang hi zawng chhel viau mah se an han nat hi chuan an lainatawm hma a, tawrhsak theih hi an châkawm țhìn asin, kan hmangaihin kan lainat bawk si a," a ti leh duah a, kei pawh chuan," Nia, an tawrh aite hi han tawrhsak thei ila chuan a zia deuh tùr," ka lo ti ve a.
Chhana pawh a rawn lang zauh zauh, min beisei ang zâwng kha chuan a ni lo. Dàwr lamah a lo buai ve tawh tih a sawi a, Nonoi damlo a rawn ngaihven ve țhìn bawk a, a rawn kal azâtin Nonoi ei châk zâwng nia a rin a rawn kensak ziah a, țûl lo ti mah ila a luhlul tâwk ve a ni tih ka hre chiang a, vawi khat ka hrilh hnuah chuan ka hrilh duh tawh lo, a rawn ti tho ang tih ka hriat vàng a ni. Nonoi chaw ei duh lo lah chuan a thil rawn kensakho chu ei a ngèn țhìn a, chaw ang tluk thoa țha an nih vàng chuan ka hnial ngai lo, a damkawr ka tui lo chho nèn, a ei duh phawt chuan ei rawh se ka ti mai.
Kâr khat a liam leh hnuah chuan a dam pângngai ve ta, chaw erawh a thlah hmiah rih a nih hi. A pêk luih theih miah loh, chaw hi a ngei ta em maw ni tih tùr a ni, chaw kan eina bulah pawh a awm duh lo. Ka mang a ang deuh nain ka nute'n," Hun han liam deuh se, a zia mai ang, a la damkawr ve rih a, a ka a tui lo ve viau dâwn asin," an ti deuh tlat a, entîr leh mai ka duh tawh a nia; mahse, ka țhulh ta rih.
Naom-i pawh țha takin a pass a, an class-ah pahnihna a ni, mark 2 chauhin pakhatna chu a phâk lo va, a mark pumpuiah. A ui hlê nain Mathematics-ah tu ma tluk phâk loha mark 99 lai mai a hmu thung chuan a ti hlim viau thung. Hlim tih hriat taka min rawn biain," A hmaa i thil sawi kha?" a rawn ti deuh kher bawk a, ka lo insawi ba tawh a, eng emaw tak chu ka leisak ngei a ngai dâwn ta a ni; mahse, pawi ka ti lo va, nâ pawh ka ti chuang lo, a phû ve êm zâwk a ni. A rilru hi a chak a, a ngaihtuah duh phawt chuan a thiam thei tih pawh ka hria, fuih phùr thiama enkawl thiam phei chuan sâng takah a invawrh theiin ka ring.
Pathian zârah kan vànnei a, kan hrisêl viau țhìn; mahse, a zawng zawnga ni tin kum tina dam reng thei kan ni bîk lo, damlo thei mihring niin na thei taksa kan nei miau mai a, kan vànneihna pawhin a daih sêng ta bîk lo a ni, U Mama damlohnain a tlâkbuak chho ve leh ta a, Nonoi a dam țha chho ve chiah a nia, chutia U Mama ber a han damlo ta chu rilru a hrehawmin ngaihtuah a ti thui duh khawp mai. A tho harh peih meuh bawk si lo va, inentîr tùra kal tùr pawhin a tho chhuak peih lo a ni ber, a duh loh vàng pawh a ni maithei. Mang a ang a, kan mipa neihchhun niin kan chhûngkaw innghahna a ni si a, ani meuh a han mut tâk rengah chuan rilru a nuam thei lo a ni.
Manuni pawh a bialpa damlo kan tùr chuan a rawn kal ve a, a bulah chuan U Mama'n inentîr a hreh theihzia leh huphurh taktêa a huphurh țhin thu chu lo hrilhin U Mama bula inentîr chu sawi ve hrim hrim tùrin kan hrilh ru a, ani pawh chuan a sawipui ta ngei a; mahse, ani meuh pawh a lo hnial leh tho, tihngaihna tak pawh kan hre tawh lo.
A tûkah Chhani a rawn lang ve leh a, a dàn ngai tein a rawn țawng lût bawrh bawrh a," In dàwr in khãr țhap sia, engtizia nge ni? Thil țha lo a awm chu a ni êm lo maw? Nge, nupui a lo nei reng tawh zâwk?" a rawn ti nghâl bawrh bawrh a, kei chuan," I ti mak thei! A nghâktupa ber a dam țha si lo va, a khãr ta rih a nih kha," ka lo ti vat a, min rawn enin a hmui a hup ta vat a, hmui phun hian," A awm maw? A hria ang em le?" tiin U Mama room lam chu a kâwk pah bawk a, ka lo bu nghat ringawt. Eng nge, a țawng ring êm vei a nih kha. Za lo zeta nuih pah hian chhuata Nonoi țhu a samah a tuaisak a.
"A na viau em? Engtik ațangin nge a damloh a? A inentîr tawh em? A bialnuin a rawn kan tawh em?"
"Amah ngei va zâwt rawh, i rawn kal remchâng a, i rawn kan pah a ni mai," ka lo ti ve thung a, ani chuan," An nu a awm lo em ni a?" a ti zàwi sap a, a nui zui nghâl a, melh rum pah hian," Awm mai mai lo, nang țawngkam thiamah inentîr tùrin va kar chhuak nghe nghe teh," ka ti a, ka melh rum ve pawh pawisa hauh lo hian a nui nghâl hawk hawk a.
U Mama room lama a luh hnuah Nonoi hmu thei reng chungin a thuamhnaw țhenkhat chu ka su a, Chhani țawng chu ka hre zauh zauh a, a chângin a nui leh hak țhìn bawk. U Mama țawng erawh ka hre mang lo, a thûm deuh bul bul erawh ka hre leh zauh zauh. A thinlung va hneh thei se ka ti tak tak a ni, hetia ina tawrh tawp mai hi chu thil țha pawh a ni lo va; mahse, amah berin inentîr a duh tlat bawk si loh chuan kan tân chuan a buaithlâk ve bawk a ni.
Ka insu zo a, Nonoi ka bual fai leh a, ka thlâk fel zo deuh chiah tihah a rawn chhuak a," Tui lum a awm em?" a rawn ti teh ngawt a, a awm loh thu, Nonoi bual nân ka hman zawh vek thu ka hrilh chuan," Ka'n lum leh mai ang e, a taksa hrûk a duh a," tiin, tui herh hawin a dawh a, a chhuang zui nghâl a.
Nonoi ka pua a, thingpui hmeh tùr ka siam sawk sawk bawk. Ka siam zawh leh Chhani'n U Mama a hrûk zawh chu a inrual a, thingpui an in hman tawh leh tawh loh ka zawh chuan," Aw, hman tawh e, ka lo siam dâwn em ni ang? Ka lo siam ang. Awi, a tui dâwn lutuk!" a ti chùl a, ka chhang siam chu a melh pah a.
U Mama room-ah thingpui chu kan in a, kan titi pah bawk. Ani pawh a damdawi eiin a chhâwk rih bawk a, a țhu mu dàr mai. Thingpui erawh a in ve peih lo va, Chhani chuan," Bialnu a nei ve êm êm a, tirh pawh a tîr ngam lo a nia!" tiin a lu a thing nak nak a, kei chuan," A, a pian hi a nalh ve sia, a sek phiar țha ve sia maw, hmuhtîr a duh lo a ni ang, mit tla dâwnin a thlîr àwm si a," ka lo ti a, U Mama chu a en a, a nui ta vak a.
"Chêr chhiat bâkah a la zawi êm êm zui a! Ruhkawl vunin a tuam a ni ringawt alawm, hetiang chêr chhe lutuk hi chuan zàn tam riak an pai lo an ti," ka beng bulah a rawn ti sar sar a, a thil sawi chu U Mama pawhin a hre pha vek tho, peih loh hmèl zet hian a lo nui ve a.
"Chuan, inentîr lam chu?" ka ti a, an pahnih chuan ka en tawn a, Chhani chuan," A ba tawh, a taksa ka hrûk hnu khân ka thu thuin a awm nghâl. Naktûkah a inentîr ang," confi zet hian a lo ti vat a, U Mama erawh chuan eng mah a sawi lo, a țhen sak a, a maimichhîng zui nghâl daih bawk.
Chhani lo lêng zet chuan rah țha a va chhuah teh rêng êm! A tûkah ka nuin a va chhuahpui a, inentîr tùrin. Vànneihthlâk takin admit êm chu an tâwk lo va, an dîl ve nasa bawk a, an admit lo mai mai ni àwm a ni, damdawi erawh an rawn hàwn țeuh mai. A rawn haw chu an kal lam aiin U Mama pawh a harh daih zâwkin ka hria, boruak thar a va hîp a, a zia phah dâwn a nih ka ring. Zànriah pawh a ei ve ta hlek e, a va changkäng sâwt tak!
Zanin chu eng an hria ni maw, inlêng kan nei nual mai. Naom-ite pafa an rawn lang ve nawlh a, zàn danga rawn lêng ngai map lo an ni sia, mak ka ti tak tak. Manuni a rawn lang ve a, room lamah a lût zui nghâl deuh mai, ani hi chu kan hre thiam. Minute nga hnu vêlah Chhani a rawn lang ve leh a, an intiam rual deuh em maw ni ka ti hial a ni.
Kan titi laih laih a, Nonoi leh a u Naom-i an inawm leh a, Nonoi chuan nuam a ti leh khawp mai. Chhùnah khân a mu țha lo va, tlaiah a mu leh a, zànriah ei laiin a harh a, zanin zawng a meng rei àwm si a, men ve reng a ngai ngeiin ka ring.
Pu Rintea leh ka nu an inkàwm deuh a, kan țhu kháwm vek tho nain Chhani nèn kan inbe ve deuh a, a châng chuan kan titiho leh tho bawk. Chhani chuan U Mama inentîr chanchin chu min zâwt a, ka hrilh ve mai bawk a," A changtunu a lo lêng bawk sia, ka va hmu kher lo mai ang, a bat a tlâk tawh a, a zia tawh tho tho, va hmuh tum phét zawng... an induat ve duh àwm si a," nui deuh chung hian a ti sar sar a, kei erawh chuan," A ho êm mai. Hawh, va lût ila, rei awm a ngai chuang nâng," ka ti a, a hnial tak nain ka luhpui ta tho a.
Manuni chu U Mama țhut mutna bul chétah chuan a lo țhu ve a," Kan rawn ti buai lo che u maw?" ka ti dêk dêk a, an lo nui ve mai a. "Damdawi mûm lian a lo kal bawk a, ngeih char char hlê mai, tunah chuan a nui hmêl pawh kan hmu thei ta alawm," Chhani chuan a ti a, chutiang chuan an infiam a, kei pawh chuan," I kar chhuah vàng liau liau a nih hi, tih dàn tê hi i thiam reuh a, dàwi i thiam te hi a ni lo maw ka ti hial a ni," tia Chhani enin ka nuih pah hak hak a, ani lah chuan," Thiam deuh e, nakinah ka la hrilh ang che u, hetiang luhlul satliah nawr kal dàn hi chu ka thiam ve lutuk!" intithei zeta hawi pir deuh vah hian a lo ti ve a, kan nui leh hawk hawk a, rei awm lovin kan chhuahsan leh ta thuai a.
"I hriat loh tâkin, i chungah hian kan lãwm teh a nia, a dam chian veleh làwm thu sawi nân chaw kan ei khâwm dâwn nia, i duh ber sa kan siam ang. I phû hliah hliah tlat," thutak zet hian ka lo ti a. Ani erawh chuan," Chutiang sawi a ngai kher lo, chaw ei khâwm kher ngai lo pawhin ka duh hun hunah ka rawn ei ziah alawm, bat nei ni ang hrima chutia tih chu țha ka ti hauh lo a nia, țhian mai bâkah unau ang mai kan nia, kan inkârah khatiang sawi teh duah kha a ngai lo ang," a lo ti ve thung a.
Chhani a haw hmasa ber a, a haw hnu lawkah Pu Rintea chuan," Keini pawh kan haw tawh mai dâwn em ni ang? Zàn i men rei zawngin naktûkah i tho thei lo palh ang," tiin Naom-i chu a han en a, ka nu chuan," A la hma viau lo'm ni? Thingpuite in leh lawk ila?" a lo ti ve thung a; mahse, Pu Rintea chuan," Ni lo ve, a làwmawm. Kan duh tâwk loh zawngin zànah thawh sek a ngai palh ang. Mama pawh dam chho zêl tùrah ngai ila, doctor-in damdawi a chawh fuh viau tùrah ngai phawt mai ang," dam dup hian a ti a, a ding zui ta nghâl a.
Pâwnah Naom-ite pafa haw tùr chu kan thlah a, car-a rawn kal an nia, inmangțhain an tlàn liam thlengin kan thlîr zui a, in chhûng luh leh chuan a reh ruai mai. Ka nu chuan thingpui hâng inthlit lehin Nonoi chu a besawm malh malh a, mut mai a la tum hmèl loh. Kei pawh an bulah chuan țhuin phone ka hmet a, Youtube ka en kual ve rih a.
Mama room ațanga Manuni rawn chhuak chuan kawng a khàr rîk rin deuh avàngin ka nu nèn kan lo en rual dùn viau tih ka hria, Manuni hmêl chu a lungawi loh hmel angreng a, kei aiin ka nu lo rangin a lo be vat a," Haw i tum mai elo, Manun?" a lo ti a, ani chuan," Umm.." ti chauhin a chhâng a, kawngkapui lam a pan zui nghâl bawk. Ka nu chu ding vatin," A ni maw? A la hma viau lo'm ni? Mahse, i tih tlat chuan le, fîmkhur takin khalh la aw?" tiin Manuni chu a be zui lawm lawm a.
Nonoi pawh ngaihven lêm lo chuan U Mama room-ah ka lût vat a, mut pângngaiin a lo mu tawh a; mahse, a lo la meng thung, muthilhna hman lah a la awm hek lo.
"In inhau deuh em ni? A va lungawi loh hmel ve?" tiin ka zâwt nghâl tawp a, ani erawh chuan," Hau lo, muthilh ka duh a nia, i chhuah pahin êng kha ti thim mai teh aw," a lo ti ve thung a, min hnungchhawn zâwngin a inlet zui nghâl daih bawk. Min chhàn tum lo leh muthilh tum biak biak chu tum buai duh bík lovin êng chu ka ti thim a, dìm têin room chu ka chhuahsan zui ta nghâl a.
*I TUMAH CHIANG LA, I ZIN KAWNGAH MI ZAWNG ZAWNG I TI LÃWM THEI LO TI HRE RENG BAWK LA, SAWISÈLNA A AWM PAWHIN I THIL TUM TIHBAHLAHTÎR MIAH SUH, HUN A UIAWM*
Comments
Post a Comment