☆KA TÂNA RUAT☆ - 18 By Dingdi Pachuau
"Dàwr kan khãr rei tawh si a. Ka nu, i han nghâk ve tawh dâwn em ni ang? I hreh em?" tiin U Mama chuan ka nu chu a en a, tûkțhuan kan ei kham tawh a, kei pawhin thlèng ka sil zo diam tawh a ni.
Ka nu chuan," Hreh hran lo ve, a man zât lamah erawh ka buai ang tih ka hlau deuh thung," a lo ti ve mai a, U Mama chuan," Buai lo ang, thil thar vak ka zawrh belh lo, i hriat deuh țhûm tawhte vek kha an la ni," a lo ti ve thung a, ka nu chuan," Chuti a nih leh, ka han nghâk ang e, chhûngkaw pa berin i tih tlat chuan hnial rual pawh va ni suh," nui chung hian a ti leh a, kei pawh chu ka lo nui ve a. U Mama erawh chuan," A, i huphurh deuh chuan han nghah kher pawh a ngai chuang lo, ka ti mai mai a nih kha, kal lo mai rawh, kârleh lamah chuan ka dam ve tawh tùrah ngai ila, ka nghâk ve thei tawh mai ang chu maw," a lo ti leh daih a, ka nu chu thovin," Huphurh lo ka tih kha, ka han nghâk ang e. Ni e, kan khãr rei tawh mah mah a, i customer hlunte an hawihil viau tawh ang," a ti a, dàwr chahbi a lâk hnuah in ațang chuan a chhuak zui ta nghâl a.
U Mama dam chian hma zawng ka nu chuan dàwr chu a nghâk ve ta tlauh tlauh a, keiin chhùn lama zawrh tùr chhang chu ka siam leh ta bawk, U Mama pawh a damdawi eite a ngeih ve bawk a ni ang, ka rin aiin a dam chak a, a làwmawm tak tak a ni. Dam thuai thuai teh se, ani ber a dam țhat loh chuan chhûngkua a buai vek chu a nih ber hi. Chhani pawh a rawn kal hman chiah lo deuh nain chanchin min rawn zâwt ve reng reng a, a zia chho zêl tih ka hrilh chuan kei ang tluk zetin a lãwm ve tho niin ka hria. Țhian țha nih hi a tlin ka ti a, kan chhûngkaw tân hian a hlu ka ti êm êm bawk.
Manuni nèn U Mama kha an inhau deuh nia ka hriat avàngin U Mama pawh ka zâwt nawn duh ta lo kha a nia; mahse, a lo ni chiah lo deuh nge, phone lamah an lo inthlêm lungawi leh tawh zâwk ni pawh ka hre thiam lo, zànah a rawn lêng leh tawh a, ei tùr pawh a rawn ken țeuh mai! Han thinrim hmêl deuh leh túm deuh hmêl emaw lungawi lo hmêl emaw pawh a pu chuang lo, a țawng ve leh bawrh bawrh tawh a, an awm dàn a dik leh tawh a ni chiang mai. A aw hi a dam dap mai a, U Mama hi duh tak tak se, innei thei ngei se ka ti.
Naom-i pawh a rawn lêng thei tawh lo, school an țan leh tawh a, kumin phei chu matric a zir kum a ni lehnghâl a, a zir ngawrh a ngai viau dâwn a ni; mahse, a ngaihtuahawm ka ring hran chuang lo va, a thiam theiin a rilru a chak a, țha taka a pass chhuah leh mai ka ring. Joel-a pawhin class xii chu țha takin a pass ve leh ta a, Delhi lama zir zawm a duh a ni àwm e. Naom-i min rawn hrilh dàn chuan a pain a rem ti chiah lo deuh a, a chhan pawh in lamah an pafa hnih chauhin an awm dâwn si a, ani lehzêl a awm loh chuan an khua a har lutuk ang a ti deuh a ni; mahse, Joel-a zir duhna tak kha Delhi-a awm a ni miau si a, rem ti vak lovin a fapa duhna chu a tihpuitlinsak ve leh ta hrâm a ni àwm e.
"Au Ruatpui, i lo ngaihtuah chhunzawm zêl em? Âpa nèn innei mai ula ka tih kha?" a rawn tih daih tâkah chuan," Ngaihtuah lêm nâng! Ngaihtuah thei pawh ka nih loh hi. Naom, chutiangin thil hi a awlsam ngawt thei hlei nem, nupui pasal inneih phei chu ngun taka ngaihtuah ngai thil a nia, phûr thuta thil tih chi a ni lo," ka ti ve ta duah a.
"Ni tho e; mahse, pasal dang i nei daih ang tih ka hlau alawm. Âpa pawh ka hrilh tawh asin!" a rawn ti ta heu mai! Hei hi ka thil hlauh ber kha a nia, engtik laiin nge maw a lo hrilh ni? A hrilhna a rei tawh ang em? Kan ina an rawn lèn laite khân a hrilh tawh ang em?
"En teh, Âpa bula ka sawi chuan min en rùn rún a, min chhâng dâwn lo emaw ka tih hnuah,' I nu kha i ngai a ni maw?' a ti daih a, ani kha ka ngai ve deuh țhìn tho nain ka ngai duh vak lo va, min duh lova min chhuahsantu a ni bawk sia," a rawn ti leh sap sap a, hetah kher hi chuan sawi tùr ka hre ve ta lo. Lo inrawlh vea 'chuti khati tùr alawm' tih ka tum lo va, ka duh hek lo, sawi ve theih ka nei hauh si lo.
U Mama a rawn dam chho a, sa chhah chi a ni lém lo nèn, a chêr țhei țhawi lutuk a, doctor ka ràwnsak tawp ringawt. La derdêp ve deuh mah se dàwr a ngaihtuah tawh êm avàngin kan phal vak lo chungin ka nu chu a nghah chhâwk leh tawh a, khati chen a lo enkawl ve țàng țáng a ni bawk a, a ngaihtuah pawh hi a àwm viau. A chak chhuah vat vat theih nân ei tùr țha nia kan hriat chu ka nu nèn kan ngaihtuah ve a, ani erawh chuan," A ngai lo, ka țha tawh alawm," a ti deuh tlat a; mahse, kan ngaihtuahsak tho. Nonoi hian a bawh peih ve bawk si nèn, chak thuai thuai se kan duh a ni.
Zan khat chu Chhana a rawn lang ve leh hlawl mai, túnlai tak hi chuan a rawn lang khât deuh a, ngaihtuah pawh ka ngaihtuah chhuak ngai meuh lo a ni tih a hmêl ka hmu leh chiah tihah ka hre chhuak. Kan ințhen hmaa ka duh ve theihzia kha, engtin nge heti khawp hian ka ngaihtuahna ata a bo theih zâwk ni? Mihring rilru hi chu a lo mak ngawt mai.
A pa entîra phai lama an kal daih thu leh rin aia an zu thang rei tâk thute chu a sawi luam a, ka nuin a lo zâwt chîk vat a. An titi chu ka lo ngaithla ve pah a, a pa, mi fel tak khân natna a lo tuar ve reng chu a ni si a. Natna hian tu mah thlei bîk a neih lohzia a lang chiang viauin ka hria, khatia a fapa nèn kan inneih dâwna ruaia a fapain mi dang laka sâwn a lo thlâk si kha a rilru a hrehawm hle mai a, a zak a, ngaihdam min rawn dîl hial a nih kha. A fapa nèn kan ințhen lo thei ta si lo va, mipa mawhphurhna hlen tùrin a fapa chu a hrilh leh ta a, Chhana pawhin a pa thu chu âwihin, a fa nu tùr, sâwn a thlâkna chu nupuiah a nei ta rêng a . An ințhen leh hnuah a pa chuan tihian natna a lo nei ve reng chu a ni si a, engati nge mi fel tak takte pawh hian natna hrehawm tak takte pawh hi an lo tawrh ve țhin ni? Thil ti sualtu, mi sual hi chuan tuar mai ila, ti sual ve lo, mi fel takte'n an tuar ve țhìn hi chu a châng chuan Pathian hi dem a awl țhìn dáwn hian ka hre khawp mai. Ka nu tawrhna zawng zawngte kha...
"Eng nge maw i lo ngaihtuah leh vung vung chu? Chhana haw hma hian thingpui va siam leh teh," tiin ka nu chuan min rawn sãwi deuh a, ka suangtuahna ram ata harhin ka tho ta vat a, thingpui chu ka va lum zui ta a.
A haw dâwn chuan," Ka pa pawh i la rawn kan ve ang chu, hun i neih remchàn veleh," a ti a, kei pawh chuan," Ni e, han dam phawt mai ila," ka lo ti ve mai a, car-a a luh dâwn chuan," Ka pa pawhin a lo thlîr reng ang che u, hmuh che a châk rualin Nonoi hi a hmu châk bawk a," a ti leh a , chutah," Ka'n kal tawh tak tak ang e, mut tui," a ti zui leh a, kei pawh chuan ka chhâng lêt ve leh a.
U Mama, room ațanga rawn chhuak chuan," A mak ngawt mai! A duh tehlul che nèn, engtin nge sâwn kha a thlâk theih ni ka ti," a rawn ti teh ngawt a. Ka nu pawh chuan," Ni e, a mak ngawt mai," a lo ti ve a, kei chuan," A rui niin a sawi a, a dik maithei. A thuhrimah a nupui Biakdiki nèn khân an inhaw lo hrim hrim a, ka hmu dùn a, Chhani pawhin a lo hmu dùn ve fo tho," ka lo ti a, ka nu chuan," A hmeichhia khân a lo thlêm ve viau pawh a ni maithei a ni," a ti leh a, U Mama pawh chuan," Ni e, hmeichhia an inphalrài viau chuan chêtsual hi a awl duh viau ang," a lo ti ve leh bawk a.
"Nangni hi engtikah nge tih in tum ve dâwn?" ka ti ta daih a, ka nu pawh chuan," Ni e, inzui reng ringawt pawh hi a ni lo, in naupang tawh lo," a lo ti ve thuai a, U Mama erawh chuan," A hmanhmawhthlâk loh," a lo ti ve charh thung. A beidawnthlâk thei a nia, a neitu tùr berin hetia a tih miau si chuan kan tân chuan sawi leh tùr hi a vâng duh riau.
******
"Naktûk tlai chu chaw rawn ei ve tawh la, Mama pawh a dam chiang ta viau bawk a?" tiin Chhani ka va bia a, ani chuan," A zia hlauh chu. Lo dam zêl teh se, an nu rêngin a hauh na ngar ngar bawk a," nui hak hak chung hian a rawn ti a, kei chuan," A, an naupang lutuk tawh bík lo va, an inhauh thiam ve tawh a ni ang e," ka lo ti thung a.
"Ka ei thlâwt lo! U Mama kha ka khawngaih sa, a thaibâwih ngawt ang chu," a rawn tih leh chuan ka nui ve ta hak hak thung a," I thîk a nih kha, mo fel tak tùr niin ka hria asin. Ngawi tak rawh, i tâ tùr chu chhe lo tâwk kan zawng dâwn nia, i lo lêng țha duh lo lutuk a," ka tih leh chuan," Lèn pawh ka rawn lêng ngam tawh nâng! An nu khân min thîk tehchai a nih chu!! Mi inkâr ti chhetu nih ka duh teuh lo mai! Chuvàng chuan ka rawn lêng duh lo, rawn lèn loh hi a țha," a rawn ti leh hmarh hmarh a.
"A ni maw?!! Engtin nge a thîk theih che a? U Mama i star țhin thu kha i hrilh em ni? A lo hria em ni? I hrilh a ni maw?" tiin ka zâwt nghâl vat a, ani lah chuan," Hrilh mai mai lo!" tiin a țeu hlar a." Engah nge ka hrilh ngawt ang? Ka țhian pawh a ni lo va, hrilhna chhan tùr ka nei ngawt ngawt lo," lungawi loh hmèl fé hian a ti leh nang nang a.
Zàna room-a a awm laiin U Mama chu ka záwt chhin a," Manuni'n Chhani a thîk em ni?" tiin. Ani chuan," Manuni'n a hrilh che maw?" a lo ti sup a, kei chuan," Hrilh lo ve, Chhani min hrilh a, a lo lèn duh loh chhan pawh hi a nia. Manuni thík theih tùrin a mit hmuhah in awm rêng réng em ni?" ka ti duah a, a lo thaw hawk ringawt.
"Dàwr kan khãr rei tawh si a. Ka nu, i han nghâk ve tawh dâwn em ni ang? I hreh em?" tiin U Mama chuan ka nu chu a en a, tûkțhuan kan ei kham tawh a, kei pawhin thlèng ka sil zo diam tawh a ni.
Ka nu chuan," Hreh hran lo ve, a man zât lamah erawh ka buai ang tih ka hlau deuh thung," a lo ti ve mai a, U Mama chuan," Buai lo ang, thil thar vak ka zawrh belh lo, i hriat deuh țhûm tawhte vek kha an la ni," a lo ti ve thung a, ka nu chuan," Chuti a nih leh, ka han nghâk ang e, chhûngkaw pa berin i tih tlat chuan hnial rual pawh va ni suh," nui chung hian a ti leh a, kei pawh chu ka lo nui ve a. U Mama erawh chuan," A, i huphurh deuh chuan han nghah kher pawh a ngai chuang lo, ka ti mai mai a nih kha, kal lo mai rawh, kârleh lamah chuan ka dam ve tawh tùrah ngai ila, ka nghâk ve thei tawh mai ang chu maw," a lo ti leh daih a, ka nu chu thovin," Huphurh lo ka tih kha, ka han nghâk ang e. Ni e, kan khãr rei tawh mah mah a, i customer hlunte an hawihil viau tawh ang," a ti a, dàwr chahbi a lâk hnuah in ațang chuan a chhuak zui ta nghâl a.
U Mama dam chian hma zawng ka nu chuan dàwr chu a nghâk ve ta tlauh tlauh a, keiin chhùn lama zawrh tùr chhang chu ka siam leh ta bawk, U Mama pawh a damdawi eite a ngeih ve bawk a ni ang, ka rin aiin a dam chak a, a làwmawm tak tak a ni. Dam thuai thuai teh se, ani ber a dam țhat loh chuan chhûngkua a buai vek chu a nih ber hi. Chhani pawh a rawn kal hman chiah lo deuh nain chanchin min rawn zâwt ve reng reng a, a zia chho zêl tih ka hrilh chuan kei ang tluk zetin a lãwm ve tho niin ka hria. Țhian țha nih hi a tlin ka ti a, kan chhûngkaw tân hian a hlu ka ti êm êm bawk.
Manuni nèn U Mama kha an inhau deuh nia ka hriat avàngin U Mama pawh ka zâwt nawn duh ta lo kha a nia; mahse, a lo ni chiah lo deuh nge, phone lamah an lo inthlêm lungawi leh tawh zâwk ni pawh ka hre thiam lo, zànah a rawn lêng leh tawh a, ei tùr pawh a rawn ken țeuh mai! Han thinrim hmêl deuh leh túm deuh hmêl emaw lungawi lo hmêl emaw pawh a pu chuang lo, a țawng ve leh bawrh bawrh tawh a, an awm dàn a dik leh tawh a ni chiang mai. A aw hi a dam dap mai a, U Mama hi duh tak tak se, innei thei ngei se ka ti.
Naom-i pawh a rawn lêng thei tawh lo, school an țan leh tawh a, kumin phei chu matric a zir kum a ni lehnghâl a, a zir ngawrh a ngai viau dâwn a ni; mahse, a ngaihtuahawm ka ring hran chuang lo va, a thiam theiin a rilru a chak a, țha taka a pass chhuah leh mai ka ring. Joel-a pawhin class xii chu țha takin a pass ve leh ta a, Delhi lama zir zawm a duh a ni àwm e. Naom-i min rawn hrilh dàn chuan a pain a rem ti chiah lo deuh a, a chhan pawh in lamah an pafa hnih chauhin an awm dâwn si a, ani lehzêl a awm loh chuan an khua a har lutuk ang a ti deuh a ni; mahse, Joel-a zir duhna tak kha Delhi-a awm a ni miau si a, rem ti vak lovin a fapa duhna chu a tihpuitlinsak ve leh ta hrâm a ni àwm e.
"Au Ruatpui, i lo ngaihtuah chhunzawm zêl em? Âpa nèn innei mai ula ka tih kha?" a rawn tih daih tâkah chuan," Ngaihtuah lêm nâng! Ngaihtuah thei pawh ka nih loh hi. Naom, chutiangin thil hi a awlsam ngawt thei hlei nem, nupui pasal inneih phei chu ngun taka ngaihtuah ngai thil a nia, phûr thuta thil tih chi a ni lo," ka ti ve ta duah a.
"Ni tho e; mahse, pasal dang i nei daih ang tih ka hlau alawm. Âpa pawh ka hrilh tawh asin!" a rawn ti ta heu mai! Hei hi ka thil hlauh ber kha a nia, engtik laiin nge maw a lo hrilh ni? A hrilhna a rei tawh ang em? Kan ina an rawn lèn laite khân a hrilh tawh ang em?
"En teh, Âpa bula ka sawi chuan min en rùn rún a, min chhâng dâwn lo emaw ka tih hnuah,' I nu kha i ngai a ni maw?' a ti daih a, ani kha ka ngai ve deuh țhìn tho nain ka ngai duh vak lo va, min duh lova min chhuahsantu a ni bawk sia," a rawn ti leh sap sap a, hetah kher hi chuan sawi tùr ka hre ve ta lo. Lo inrawlh vea 'chuti khati tùr alawm' tih ka tum lo va, ka duh hek lo, sawi ve theih ka nei hauh si lo.
U Mama a rawn dam chho a, sa chhah chi a ni lém lo nèn, a chêr țhei țhawi lutuk a, doctor ka ràwnsak tawp ringawt. La derdêp ve deuh mah se dàwr a ngaihtuah tawh êm avàngin kan phal vak lo chungin ka nu chu a nghah chhâwk leh tawh a, khati chen a lo enkawl ve țàng țáng a ni bawk a, a ngaihtuah pawh hi a àwm viau. A chak chhuah vat vat theih nân ei tùr țha nia kan hriat chu ka nu nèn kan ngaihtuah ve a, ani erawh chuan," A ngai lo, ka țha tawh alawm," a ti deuh tlat a; mahse, kan ngaihtuahsak tho. Nonoi hian a bawh peih ve bawk si nèn, chak thuai thuai se kan duh a ni.
Zan khat chu Chhana a rawn lang ve leh hlawl mai, túnlai tak hi chuan a rawn lang khât deuh a, ngaihtuah pawh ka ngaihtuah chhuak ngai meuh lo a ni tih a hmêl ka hmu leh chiah tihah ka hre chhuak. Kan ințhen hmaa ka duh ve theihzia kha, engtin nge heti khawp hian ka ngaihtuahna ata a bo theih zâwk ni? Mihring rilru hi chu a lo mak ngawt mai.
A pa entîra phai lama an kal daih thu leh rin aia an zu thang rei tâk thute chu a sawi luam a, ka nuin a lo zâwt chîk vat a. An titi chu ka lo ngaithla ve pah a, a pa, mi fel tak khân natna a lo tuar ve reng chu a ni si a. Natna hian tu mah thlei bîk a neih lohzia a lang chiang viauin ka hria, khatia a fapa nèn kan inneih dâwna ruaia a fapain mi dang laka sâwn a lo thlâk si kha a rilru a hrehawm hle mai a, a zak a, ngaihdam min rawn dîl hial a nih kha. A fapa nèn kan ințhen lo thei ta si lo va, mipa mawhphurhna hlen tùrin a fapa chu a hrilh leh ta a, Chhana pawhin a pa thu chu âwihin, a fa nu tùr, sâwn a thlâkna chu nupuiah a nei ta rêng a . An ințhen leh hnuah a pa chuan tihian natna a lo nei ve reng chu a ni si a, engati nge mi fel tak takte pawh hian natna hrehawm tak takte pawh hi an lo tawrh ve țhin ni? Thil ti sualtu, mi sual hi chuan tuar mai ila, ti sual ve lo, mi fel takte'n an tuar ve țhìn hi chu a châng chuan Pathian hi dem a awl țhìn dáwn hian ka hre khawp mai. Ka nu tawrhna zawng zawngte kha...
"Eng nge maw i lo ngaihtuah leh vung vung chu? Chhana haw hma hian thingpui va siam leh teh," tiin ka nu chuan min rawn sãwi deuh a, ka suangtuahna ram ata harhin ka tho ta vat a, thingpui chu ka va lum zui ta a.
A haw dâwn chuan," Ka pa pawh i la rawn kan ve ang chu, hun i neih remchàn veleh," a ti a, kei pawh chuan," Ni e, han dam phawt mai ila," ka lo ti ve mai a, car-a a luh dâwn chuan," Ka pa pawhin a lo thlîr reng ang che u, hmuh che a châk rualin Nonoi hi a hmu châk bawk a," a ti leh a , chutah," Ka'n kal tawh tak tak ang e, mut tui," a ti zui leh a, kei pawh chuan ka chhâng lêt ve leh a.
U Mama, room ațanga rawn chhuak chuan," A mak ngawt mai! A duh tehlul che nèn, engtin nge sâwn kha a thlâk theih ni ka ti," a rawn ti teh ngawt a. Ka nu pawh chuan," Ni e, a mak ngawt mai," a lo ti ve a, kei chuan," A rui niin a sawi a, a dik maithei. A thuhrimah a nupui Biakdiki nèn khân an inhaw lo hrim hrim a, ka hmu dùn a, Chhani pawhin a lo hmu dùn ve fo tho," ka lo ti a, ka nu chuan," A hmeichhia khân a lo thlêm ve viau pawh a ni maithei a ni," a ti leh a, U Mama pawh chuan," Ni e, hmeichhia an inphalrài viau chuan chêtsual hi a awl duh viau ang," a lo ti ve leh bawk a.
"Nangni hi engtikah nge tih in tum ve dâwn?" ka ti ta daih a, ka nu pawh chuan," Ni e, inzui reng ringawt pawh hi a ni lo, in naupang tawh lo," a lo ti ve thuai a, U Mama erawh chuan," A hmanhmawhthlâk loh," a lo ti ve charh thung. A beidawnthlâk thei a nia, a neitu tùr berin hetia a tih miau si chuan kan tân chuan sawi leh tùr hi a vâng duh riau.
******
"Naktûk tlai chu chaw rawn ei ve tawh la, Mama pawh a dam chiang ta viau bawk a?" tiin Chhani ka va bia a, ani chuan," A zia hlauh chu. Lo dam zêl teh se, an nu rêngin a hauh na ngar ngar bawk a," nui hak hak chung hian a rawn ti a, kei chuan," A, an naupang lutuk tawh bík lo va, an inhauh thiam ve tawh a ni ang e," ka lo ti thung a.
"Ka ei thlâwt lo! U Mama kha ka khawngaih sa, a thaibâwih ngawt ang chu," a rawn tih leh chuan ka nui ve ta hak hak thung a," I thîk a nih kha, mo fel tak tùr niin ka hria asin. Ngawi tak rawh, i tâ tùr chu chhe lo tâwk kan zawng dâwn nia, i lo lêng țha duh lo lutuk a," ka tih leh chuan," Lèn pawh ka rawn lêng ngam tawh nâng! An nu khân min thîk tehchai a nih chu!! Mi inkâr ti chhetu nih ka duh teuh lo mai! Chuvàng chuan ka rawn lêng duh lo, rawn lèn loh hi a țha," a rawn ti leh hmarh hmarh a.
"A ni maw?!! Engtin nge a thîk theih che a? U Mama i star țhin thu kha i hrilh em ni? A lo hria em ni? I hrilh a ni maw?" tiin ka zâwt nghâl vat a, ani lah chuan," Hrilh mai mai lo!" tiin a țeu hlar a." Engah nge ka hrilh ngawt ang? Ka țhian pawh a ni lo va, hrilhna chhan tùr ka nei ngawt ngawt lo," lungawi loh hmèl fé hian a ti leh nang nang a.
Zàna room-a a awm laiin U Mama chu ka záwt chhin a," Manuni'n Chhani a thîk em ni?" tiin. Ani chuan," Manuni'n a hrilh che maw?" a lo ti sup a, kei chuan," Hrilh lo ve, Chhani min hrilh a, a lo lèn duh loh chhan pawh hi a nia. Manuni thík theih tùrin a mit hmuhah in awm rêng réng em ni?" ka ti duah a, a lo thaw hawk ringawt.
Comments
Post a Comment