☆KA TÂNA RUAT☆ - 22 By Dingdi Pachuau
Naom-i nu leh pate chu minute sàwmhnih vêl zet an inbia nia! Eng tak chu sawi ang maw? Pu Rintea hian Pi Mawitei hi a la duhin a la hmangaih ngei chuan ka ring a, hmangaih taka nupui atâna a neih kha ni dâwn miau hek le, a phatsan vàng maiin a rilru a kîr nghâl vek thei lo ang; mahse, amah leh a fate pahnih aia mi dang thlangtu, a pasal leh a fate aia tlangvâl ûmtu hi chuti maia a lo pâk huam hran chu ka ring lo, a induh tâwkna rilru vàng tal pawhin, chapona rilru tlêm a nei ngei ngei dâwn si a, a thinlung a tih natsak miau avàngin; mahse, pa a ni a, a fate a ngaihsakin a hmangaih a, anni tân lah an nu, anmahni hringtu kha a ni miau a, an hmangaihna a bo bîk ngawt lo bawk ang, an mamawhna hriain pa ber hian a chapona rilru dah bovin tlâwm takin a rilru a hnûk hniam thei tho bawk a. A, lo ngaihtuah ve chiam tùr pawh ka nih loh hi, mi chhûngkuaa rilru lo sèn ve ringawt, thil dang ngaihtuah tùr ka ngah tehlul nèn hian...
Chumi hnuah chuan ka lêng ta lo va, an chanchin pawh ka hre zui lo. Phone-ah erawh kan inbe tho a; mahse, a nu chanchin ka zâwt ngai lo va, ani lahin min hrilh bîk lo.
Naom-ite ina ka lêng zauh leh Chhanite ina ka lêng zauh hi ka chhuah chhun chu a ni ve deuh mai a, dàwra chhang ka dah chhoh hi chu lêngah pawh ka inngai lo. Chhuak tam lo ta na nâ nâ chuan hmêl hriat ka hmu tam lo va; mahse, pawi ka ti lo zâwk. Pawi ka ti lo mai ni lovin ka hmu hlawm ang tih ka hlau êm êm zâwk a ni, pasal kha ka nei mang ta si lo va, thil awmzia sawi fiah kual vêl kha ka peih lo.
Mahse, Aizawl hi zawng a lo zîm êm mai a, Inrinnia chawhmeh bazâra ka chhuak chu School-a ka thawhpui țhìn Rudy nèn kan intâwk chiang hlê mai. Hmuh loh der theih a ni lo, pasal a nei tawh a ni ngei ang, a dul pawh a puar ve tawh viau mai.
"Awi, he nu hi!! I dam maw?! Inhmuh a va khât vawng vawng ve!!" a ti nghâl chùl a, kei pawh chuan ka dam thu hrilhin kan inhmu thut chu mak ka tih thu ka sawi ve a, a chanchin erawh ka zâwt duh lo, min zawh ve palh tâkin; mahse, amah zâwk chuan a chanchin chu min hrilhin Mka nèn an inneih tawh thu a han sawi chuan mak ka ti kher mai! Kan thawhho lai khân Rudy hian Mka kha a ngei thei riau sia, kha vàng tak khán kan dem dùn țhìn bawk a nih kha.
"Ngawi teh, i phone number min pe teh, a hluiah kha chuan i biak tlang theih tawh si loh. Chuan, engtikah emaw la rawn lêng teh aw, i ngaihawm êm mai, lung hlui a léng tlat, Mka pawhin a hmu châk ngawt ang che," a tih chuan," Nia tiraw? Dam hi han hauh phawt ila," ka lo ti ve a, phone number chu ka pe nghâl a, hun nei dùn tak nih a châkawm; mahse, chutiang kan nih loh avàng chuan han titi dun viau pawh châkawm hlê mah se haw thuai ka ngai tawh, ani pawh a chawhmeh lei a ak puar nasa tawh mai bawk a.
Haw kawngah Rudy-ite chanchin chu ka ngaihtuah zui zêl a, kan hun hmanho liam tawh hnute mitthlaah a rawn inlâr zut zut a, nimin ang maia chiangin ka la hmuin ka la hre thei a ni. An la thawk vek hlawm ang em? Rudy tak hi chu a thawk tawh kher lo maithei a ni, an pa a thawh bawk chuan ... an pain khatiang chung chung kha chuan a thawh a phal dâwn em ni? Bànsan pawh ni se Mka kha tlangvâl fel ve tak kha a nia, fiamthuin țawngkam kha a nei thlum thei mai pawh a, mi sual a ni miah lo tih ka hria. Rudy hian a nei fuh phian ang.
Chawhnuah Chhani a rawn lang ve leh hlawl a," En teh, tukin chu hmuh chhia ka hmu a, min la rawn hmu ve zui! Ka mood a uih phah vek!" a rawn ti leh nghâl zar zar a, kei erawh chuan," I mood zawng a uih loh tawp kha, nuam i ti viau zâwk a ni lo maw?" ka lo ti ve thung a.
Uar zet leh pàwr zet hian," Teuh lo lutuk! Nangmah ngeitu deuh, nang pawhin i ngei ve deuh tho hmu ta ang la, nuam i ti viau dâwn em ni?" a lo ti khar khar a," Zahngai! Zahngai!" ka ti vat a, ka nuih vàng nge, ani pawh chu a rawn nui ve tho.
"I u ex maw le, min la ngei char char a nih ka ring, a mitmeng khân min ti hlum thei ni ngat se chuan chuan tunah pawh hian hetah ka rawn lêng thei tawh lo ang, nang ngei pawh hian min țah maithei a ni," a ti lehpek a, a thil sawi tàwp ber chuan ka nuih a ti za angreng sia; mahse, ka ngei deuh bawk si. A thuhrimah Manuni pawh chu, puitling zâwk lehnghâl, Chhani a thîk mai mai a, an hetih phah vek.
"A tân i ngeiawm ve dâwn êm alawm le! U Mama nèn inkawp lo mah ula i star țhìn miau a, thîk theihin i awm miau a ni," ka ti ta vat a, ani erawh chuan," Star mah ila awmzia a awm lo ve êm mai, an inkawp a, anmahni pawt țhen tùrin ka va inrawlh lo tih lah ka hre ve chiang!" a lo ti ve thung a.
"I pawt țhen ka ti miah lo a nia; mahse, a thîk tlat che a," ka tih chuan," U Mama hi alawm mipa a nia, chiang taka sawi fiah mai tùr a nia; mahse, a pawi tawh lo, an ințhen tawh tho, awmzia a awm tawh lo," awlsam zet hian a lo ti leh mai a, a lo luh tirha a lung a àwi loh vei nèn, tunah erawh lungawi lo ang pawh khân a awm leh tawh lo. Ani hi chu a țha ve tlat, a âng bawrh bawrh a, a lungawi lohna hi a âng chhuak vek țhìn a nih ka ring, a reh ve leh thuai mai zêl.
"U Mama nèn hian ni daih r'u."
"Min duhin min bêm se chuan ka Yes rang ngawt ang!" Nui chung hian a lo ti a, chutah, a hmui a hup a," Awi, a zahthlâk e, engati nge chutiang lam hlîr chu kan sawi a? A lo hre rêu rêu ang e, bangte pawhin beng an nei an tih țhin kha," a ti leh a, a hawi kual deuh zak zak bawk a.
Dam miau hi chuan hna thawh a ngai a, Chhani nèn pawh kan inhmu reng thei bîk lo, kei lah nau enkawl ngai ka nei a, ani lah nula tlawngãwl mah ni se an chhûngkaw tân hna a thawh tho a ngai a, mahni buai buaiin kan buai chho mawp mawp a ni ber.
Mkate inah pawh ka la léng hman lo, anni pawh an buai ve tho a; mahse, tlai khat chu a school bâng a rawn pêng ve hlawl mai a, kan in awmna a hriat chian loh avàngin min rawn zâwt dap nghe nghe. Chanchin kan inzâwt luam a, pasal nei lova fa ka nei chu mak a tih hmèl viauin ka hria, a àwm lo hran lo, sâwn ka pai duh mai an ring lo ve a ni mai a.
WhatsApp group an siam thar a, kei pawh min add ve a, ka thawh chhûng a rei vak loh nèn, group lah chu a lùn angreng khawp a, ka rin aiin nuam an lo ti daih mai, active zual 5 an awm a, Mka tiamin; mahse, an thil sawi a nuihzatthlâk a, zànah hian ka chhiar chhuak vek țhìn. Inhmuh khâwma chaw ei khâwm an rawt chu an phûr thak ni maiin ka hria, ka peih ve vak loh bâkah nau nèn ka ni lo thei dâwn lo va, ka tân chuan a buaithlâk ang.
Chhanate pawh a pa checkup-in phaiah an zu kal leh tawh a, țha deuh taka an ngaih kha a lo țha lutuk lo leh deuh a ni àwm e. An tum aia rei an zu awm ta nghe nghe, a pa kha pa fel tak a nih vei nèn, ka khawngaih ru khawp mai. Chutih rual erawh chuan an chanchin ngaihven viau anga awm erawh ka tum lo, amah ka beisei angah a lo ngai rêu rêu palh ang.
Chhùna chhang zawrh tùr ka han dah chuan dàwrah Chhani a lo awm ve teh tlat a nih chu! Min hmuh lah chuan lài tih hriat tak hian a lo nui pãwt pãwt a, eng nge maw a lo tih ni? U Mama chuan," Mâte, i lo kal remchàn lai hian remchànna ka'n la lawk ang e, dàwr hi lo nghâk lawk mai rawh aw, i țhiannu hi ka'n chhuahpui lawk ang e," a lo ti vat a, kei chuan," Khawiah nge in kal dâwn? Ka awm rei hman lo asin," ka ti vat a, ani lah chuan," A rei dâwn lo, minute sàwm a ni mai," a lo ti leh a, hnial hman tawh loh tùr hian ding chhuakin dàwr ațang chuan a chhuak zui nghâl a, Chhani chhuak tùr chu," Nang nu hi, eng nge in tih dâwn? A va pawimawh àwm ve?" Ka ti a, ani erawh chuan," Nakinah aw," a ti sap a, U Mama chu a ûm zui ta nghâl a. Eng nge ni an tih dâwn? U Mama hmêlah khân thinrimna leh lungàwi lohna a awm deuh tlata ka hriat chu. Eng thil tak ni maw?
Dàwra ka awm lai chuan phone call ka dawng a, Pu Rintea a lo ni. "Tlaiah rawn pèn lawk ka duh a, i awm ang tiraw?" a rawn ti teh tlat a! Mak ti ru deuh tak chuan ka awm tùr thu chu ka hrilh a, thil dang pawh a sawi chhunzawm chuang lo, kan inbe tàwp chu a ni nghâl mai, inbe rei lo ve tak chu kan ni.
Naom-i nu leh pate chu minute sàwmhnih vêl zet an inbia nia! Eng tak chu sawi ang maw? Pu Rintea hian Pi Mawitei hi a la duhin a la hmangaih ngei chuan ka ring a, hmangaih taka nupui atâna a neih kha ni dâwn miau hek le, a phatsan vàng maiin a rilru a kîr nghâl vek thei lo ang; mahse, amah leh a fate pahnih aia mi dang thlangtu, a pasal leh a fate aia tlangvâl ûmtu hi chuti maia a lo pâk huam hran chu ka ring lo, a induh tâwkna rilru vàng tal pawhin, chapona rilru tlêm a nei ngei ngei dâwn si a, a thinlung a tih natsak miau avàngin; mahse, pa a ni a, a fate a ngaihsakin a hmangaih a, anni tân lah an nu, anmahni hringtu kha a ni miau a, an hmangaihna a bo bîk ngawt lo bawk ang, an mamawhna hriain pa ber hian a chapona rilru dah bovin tlâwm takin a rilru a hnûk hniam thei tho bawk a. A, lo ngaihtuah ve chiam tùr pawh ka nih loh hi, mi chhûngkuaa rilru lo sèn ve ringawt, thil dang ngaihtuah tùr ka ngah tehlul nèn hian...
Chumi hnuah chuan ka lêng ta lo va, an chanchin pawh ka hre zui lo. Phone-ah erawh kan inbe tho a; mahse, a nu chanchin ka zâwt ngai lo va, ani lahin min hrilh bîk lo.
Naom-ite ina ka lêng zauh leh Chhanite ina ka lêng zauh hi ka chhuah chhun chu a ni ve deuh mai a, dàwra chhang ka dah chhoh hi chu lêngah pawh ka inngai lo. Chhuak tam lo ta na nâ nâ chuan hmêl hriat ka hmu tam lo va; mahse, pawi ka ti lo zâwk. Pawi ka ti lo mai ni lovin ka hmu hlawm ang tih ka hlau êm êm zâwk a ni, pasal kha ka nei mang ta si lo va, thil awmzia sawi fiah kual vêl kha ka peih lo.
Mahse, Aizawl hi zawng a lo zîm êm mai a, Inrinnia chawhmeh bazâra ka chhuak chu School-a ka thawhpui țhìn Rudy nèn kan intâwk chiang hlê mai. Hmuh loh der theih a ni lo, pasal a nei tawh a ni ngei ang, a dul pawh a puar ve tawh viau mai.
"Awi, he nu hi!! I dam maw?! Inhmuh a va khât vawng vawng ve!!" a ti nghâl chùl a, kei pawh chuan ka dam thu hrilhin kan inhmu thut chu mak ka tih thu ka sawi ve a, a chanchin erawh ka zâwt duh lo, min zawh ve palh tâkin; mahse, amah zâwk chuan a chanchin chu min hrilhin Mka nèn an inneih tawh thu a han sawi chuan mak ka ti kher mai! Kan thawhho lai khân Rudy hian Mka kha a ngei thei riau sia, kha vàng tak khán kan dem dùn țhìn bawk a nih kha.
"Ngawi teh, i phone number min pe teh, a hluiah kha chuan i biak tlang theih tawh si loh. Chuan, engtikah emaw la rawn lêng teh aw, i ngaihawm êm mai, lung hlui a léng tlat, Mka pawhin a hmu châk ngawt ang che," a tih chuan," Nia tiraw? Dam hi han hauh phawt ila," ka lo ti ve a, phone number chu ka pe nghâl a, hun nei dùn tak nih a châkawm; mahse, chutiang kan nih loh avàng chuan han titi dun viau pawh châkawm hlê mah se haw thuai ka ngai tawh, ani pawh a chawhmeh lei a ak puar nasa tawh mai bawk a.
Haw kawngah Rudy-ite chanchin chu ka ngaihtuah zui zêl a, kan hun hmanho liam tawh hnute mitthlaah a rawn inlâr zut zut a, nimin ang maia chiangin ka la hmuin ka la hre thei a ni. An la thawk vek hlawm ang em? Rudy tak hi chu a thawk tawh kher lo maithei a ni, an pa a thawh bawk chuan ... an pain khatiang chung chung kha chuan a thawh a phal dâwn em ni? Bànsan pawh ni se Mka kha tlangvâl fel ve tak kha a nia, fiamthuin țawngkam kha a nei thlum thei mai pawh a, mi sual a ni miah lo tih ka hria. Rudy hian a nei fuh phian ang.
Chawhnuah Chhani a rawn lang ve leh hlawl a," En teh, tukin chu hmuh chhia ka hmu a, min la rawn hmu ve zui! Ka mood a uih phah vek!" a rawn ti leh nghâl zar zar a, kei erawh chuan," I mood zawng a uih loh tawp kha, nuam i ti viau zâwk a ni lo maw?" ka lo ti ve thung a.
Uar zet leh pàwr zet hian," Teuh lo lutuk! Nangmah ngeitu deuh, nang pawhin i ngei ve deuh tho hmu ta ang la, nuam i ti viau dâwn em ni?" a lo ti khar khar a," Zahngai! Zahngai!" ka ti vat a, ka nuih vàng nge, ani pawh chu a rawn nui ve tho.
"I u ex maw le, min la ngei char char a nih ka ring, a mitmeng khân min ti hlum thei ni ngat se chuan chuan tunah pawh hian hetah ka rawn lêng thei tawh lo ang, nang ngei pawh hian min țah maithei a ni," a ti lehpek a, a thil sawi tàwp ber chuan ka nuih a ti za angreng sia; mahse, ka ngei deuh bawk si. A thuhrimah Manuni pawh chu, puitling zâwk lehnghâl, Chhani a thîk mai mai a, an hetih phah vek.
"A tân i ngeiawm ve dâwn êm alawm le! U Mama nèn inkawp lo mah ula i star țhìn miau a, thîk theihin i awm miau a ni," ka ti ta vat a, ani erawh chuan," Star mah ila awmzia a awm lo ve êm mai, an inkawp a, anmahni pawt țhen tùrin ka va inrawlh lo tih lah ka hre ve chiang!" a lo ti ve thung a.
"I pawt țhen ka ti miah lo a nia; mahse, a thîk tlat che a," ka tih chuan," U Mama hi alawm mipa a nia, chiang taka sawi fiah mai tùr a nia; mahse, a pawi tawh lo, an ințhen tawh tho, awmzia a awm tawh lo," awlsam zet hian a lo ti leh mai a, a lo luh tirha a lung a àwi loh vei nèn, tunah erawh lungawi lo ang pawh khân a awm leh tawh lo. Ani hi chu a țha ve tlat, a âng bawrh bawrh a, a lungawi lohna hi a âng chhuak vek țhìn a nih ka ring, a reh ve leh thuai mai zêl.
"U Mama nèn hian ni daih r'u."
"Min duhin min bêm se chuan ka Yes rang ngawt ang!" Nui chung hian a lo ti a, chutah, a hmui a hup a," Awi, a zahthlâk e, engati nge chutiang lam hlîr chu kan sawi a? A lo hre rêu rêu ang e, bangte pawhin beng an nei an tih țhin kha," a ti leh a, a hawi kual deuh zak zak bawk a.
Dam miau hi chuan hna thawh a ngai a, Chhani nèn pawh kan inhmu reng thei bîk lo, kei lah nau enkawl ngai ka nei a, ani lah nula tlawngãwl mah ni se an chhûngkaw tân hna a thawh tho a ngai a, mahni buai buaiin kan buai chho mawp mawp a ni ber.
Mkate inah pawh ka la léng hman lo, anni pawh an buai ve tho a; mahse, tlai khat chu a school bâng a rawn pêng ve hlawl mai a, kan in awmna a hriat chian loh avàngin min rawn zâwt dap nghe nghe. Chanchin kan inzâwt luam a, pasal nei lova fa ka nei chu mak a tih hmèl viauin ka hria, a àwm lo hran lo, sâwn ka pai duh mai an ring lo ve a ni mai a.
WhatsApp group an siam thar a, kei pawh min add ve a, ka thawh chhûng a rei vak loh nèn, group lah chu a lùn angreng khawp a, ka rin aiin nuam an lo ti daih mai, active zual 5 an awm a, Mka tiamin; mahse, an thil sawi a nuihzatthlâk a, zànah hian ka chhiar chhuak vek țhìn. Inhmuh khâwma chaw ei khâwm an rawt chu an phûr thak ni maiin ka hria, ka peih ve vak loh bâkah nau nèn ka ni lo thei dâwn lo va, ka tân chuan a buaithlâk ang.
Chhanate pawh a pa checkup-in phaiah an zu kal leh tawh a, țha deuh taka an ngaih kha a lo țha lutuk lo leh deuh a ni àwm e. An tum aia rei an zu awm ta nghe nghe, a pa kha pa fel tak a nih vei nèn, ka khawngaih ru khawp mai. Chutih rual erawh chuan an chanchin ngaihven viau anga awm erawh ka tum lo, amah ka beisei angah a lo ngai rêu rêu palh ang.
Chhùna chhang zawrh tùr ka han dah chuan dàwrah Chhani a lo awm ve teh tlat a nih chu! Min hmuh lah chuan lài tih hriat tak hian a lo nui pãwt pãwt a, eng nge maw a lo tih ni? U Mama chuan," Mâte, i lo kal remchàn lai hian remchànna ka'n la lawk ang e, dàwr hi lo nghâk lawk mai rawh aw, i țhiannu hi ka'n chhuahpui lawk ang e," a lo ti vat a, kei chuan," Khawiah nge in kal dâwn? Ka awm rei hman lo asin," ka ti vat a, ani lah chuan," A rei dâwn lo, minute sàwm a ni mai," a lo ti leh a, hnial hman tawh loh tùr hian ding chhuakin dàwr ațang chuan a chhuak zui nghâl a, Chhani chhuak tùr chu," Nang nu hi, eng nge in tih dâwn? A va pawimawh àwm ve?" Ka ti a, ani erawh chuan," Nakinah aw," a ti sap a, U Mama chu a ûm zui ta nghâl a. Eng nge ni an tih dâwn? U Mama hmêlah khân thinrimna leh lungàwi lohna a awm deuh tlata ka hriat chu. Eng thil tak ni maw?
Dàwra ka awm lai chuan phone call ka dawng a, Pu Rintea a lo ni. "Tlaiah rawn pèn lawk ka duh a, i awm ang tiraw?" a rawn ti teh tlat a! Mak ti ru deuh tak chuan ka awm tùr thu chu ka hrilh a, thil dang pawh a sawi chhunzawm chuang lo, kan inbe tàwp chu a ni nghâl mai, inbe rei lo ve tak chu kan ni.
(Min hre thiam teh u, ka mit a fiah thei lo, vawiinah thlan a lût nasa a, ka hmu phê ruai reng mai a. Pathian zâra dam chuan nakzàn lamah thui deuh tùrah ngai ang, MP thlan nî te a ni bawk a, tu nge in vote dâwn le? Vote thlâk vek ang u aw, kan right a nih hi)
Comments
Post a Comment