☆KA TÂNA RUAT☆ - 23 By Dingdi Pachuau
U Mamate an rawn lêt leh meuh chuan dârkâr chanve aia tam mah hun a kal hman ang chu! Minute sàwm rei ber țum a la ni ngêi ang. Chhani hnênah chuan," In va rei êm êm! Khatiang khân minute sàwm hi a lo rei țhìn tih ka lo hre hauh lo," ka lo ti vat a, U Mama zâwk chuan," Mi kan hmu lawk a nih kha," a lo ti mai a, tu nge an hmuh tih hriat ka châk ru deuh nain ka zâwt lêm lo.
Ka haw dâwn chuan," I lo lêng ve nghâl ang chu?" tiin Chhani chu ka en a, min chhàn tuma a ka a àn zuau laiin U Mama bawk chuan," Biak chhunzawm lawk ka duh a, zu hawsan rih rawh," a lo ti leh a, min rawn en chuang miah lo. Chhani chu ka en a, U Mama en phawtin min rawn en ve leh a, țawng lovin a țhen sak ringawt. Ka en tawn zak zak a, ka hre thiam lo, he mite pahnih hian eng thil nge an hriat ni? Pakhati lah hi nupui thu âwih thei zet a ang, a inhmeh hlawl lo.
Nonoi ka bual fai a, TV lama naupang lem ziak lai a hmuh avàng chuan ziah ve a ngèn a, in chhak dàwrah pencil leh rawng ka han leisak a, lehkhapuan nèn ka chhawpsak ta a. A hlim țê rî chu ngaihthlâk a nuam ka ti, nu thinlung ațang phei chuan ri mawi ber a ni thei hial ang chu.
Lalchhani chu a rawn kal ta ngei a; mahse, a rawn kal har phian. A rawn luh ațangin a rawn nui nghâl ngawt a! A nui sûng nain a țawng chuang miah lo nia! Eng thil nge a hriat ni? A mood erawh a fuh ve tâwk ni tùr a ni; mahse, a rawn țawng lût nghâl bawrh bawrh lo tlat hi a mak, rawn àn luh deuh bawrh bawrh hi a inhmeh asin le, tunah tak hi chuan amah hi 'amah' tlat lo.
"Eng nge i nuih sûng a? Eng nge dàwrah khân i rawn tih rêng rêng a?" tiin ka be ta nge nge a, min rawn en hauh lo hian Nonoi bulah chuan a kûn hnai a, ka biakna ngaihtuah hauh lo ni àwm tak hian," Kan Nonoi lem ziah màwizia hi, i va thiam ve a! I nu chu i khûm dâwn chiang mai," tiin a be ta bawrh bawrh a, ka bia a ni tih hria angin a awm lo va, Nonoi thil ziah hlîr mai chu a fak a ni, han fak hluak tùrin Nonoi thil ziah chu thãi kãwi mai mai a ni a, min han chhâng duh lo kual vêl chu, min runluih ni deuh berin ka hria.
"I va ngeiawm thiam tak aw!!" tiin ka chek tlak tlak phawt a, chutah," Thingpui i in duh em?" ka tih chhunzawm leh daih a, chutah chuan min rawn chhâng ve ta chiah," Duh e, min zâwt har ka lo tih tawhzia chu! Thingpui hâng ka duh aw, kurtai kha han chhawp tel la," a rawn ti leh ta zawt zawt a nih chu! He nu hi chu aw...
Thingpui ka pêk hnu chuan," Le, ka hman lai hian i chanchin chu," ka ti nghâl a, a ep chiah țhutnaa țhut thlâk pah hian," Min hrilh vek ang che, zêp awm lovin," ka ti leh a. Țawng nghâl mai lo chuan thingpui chu a han in tê tê a, a kurtai han ban te lah chu a han hmanhmawh lo êm êm khawp a, a muangchâng lui tih ka hre mai; mahse, ka tur hmanhmawh duh bîk lo, min hrilh tho tho ang, hmui pet nauh nauh chung chuan a țawng hun chu ka lo nghâk a.
"U Mama'n amah ka la star reng leh star reng loh min zâwt a, ka la star reng thu ka hrilh. Chuan, vawiin khân amah pawhin min star thu min hrilh a, dàwrah min chawlhpui ve ngei a nih kha. Ka rin phâk loh a nia, mak ka tia, ka hlim bawk sia, ka mood hi rawng hrang hrang hian a pâr chhiai a ni ber," tiin a han meng zîm a, mak ti tak hian a thil sawi chu lo ngaithlain ka lo en reng a, hmêl nui sâng hian," Hetiang khawp hian ka rilru a ti hlim thei chu a nia," a ti leh a, ka țawng ve hman hma chuan amah vêk chuan," Mak i tih thu sawi miah suh! Ka star-na a rei tawh a, min zawh thut tâkah khân ka zëp zo tawh bîk lo a ni, ka star a ni tihte kha engtin nge a lo hriat ni? I hrilh a ni lo maw?" a rawn ti leh a.
Kan titi rei ta phian mai a, hun pawh kan ngaihtuah lêm lo. Kawta motor ding thãwm a rawn awm tâkah chuan dâr zât ka en vat a, ka rin aiin a lo tlai daih tawh a!! Motor thãwm chu Pu Rintea motor a nih ngei ka ring a, a lo ni chiah bawk. A rawn lût chu ka lo be vat a, ani chuan ka nu awm leh awm loh min zâwt zui daih. A țhut dâwnah erawh Chhani nèn an inbe zui ve nghâl bawk a, ani pawh a lo phûr viau mai. Nonoi kan room ațangin a rawn chhuak a, Chhani'n a lo be vat nain bengkhawn lo tih hriat tak hian dawhkàn hnuaia lehkhapuan chu a la a, room-ah bawk a lût zui leh nghâl daih.
"Lalnoi hi chu aw... min ti zak dâwn alawm le! A nu ang mai, luhlul reuh lutuk!" Chhani'n a ti hlak a," Luhlul hi a țhat châng a awm asin," ka lo ti thung a, Pu Rintea thingpui tùr ka thlitsak nghâl a, ani erawh chuan," Ka in lo mai ang, ka rawn pêng lawk, i nu a awm remchàn si loh chuan ka awm rei lo mai ang, in lamah min lo nghâkhlel ang," a lo ti a," Chuti rum rum tùr em ni? Ka nu pawh a lo haw țêpin ka ring," ka lo ti ve thung a, ka thingpui thlit chu a in dâwn si loh chuan ka in ve mai ang.
A awm rei lo, eng vàng tak chu ni ang maw? Rawn pèn a tum thu kha min hrilh kha a nia, ka awm dâwn em tih min zâwt a nih kha, kha vàng khân min biak a duh a nih ka'n ring deuh ngawt kha a nia; mahse, a haw leh daih bawk a, Chhani lo awm ve vàng hi em ni ang? Ka nu awm leh awm loh lah kha min zâwt leh daih bawk a, eng nge maw a awmzia ni? A chhuanlam mai mai zâwk em ni?
"Pu Rintea hi a hmêl chhe miah lo, pathlawi a ni tiraw kha?" a tih chuan," I lérh!" ka lo ti vat a, a nui hawk a," Engah ngawt maw? A hmêl chhe lo tih ka sawi vàng chuan? Ka lérh lo ve chiang êm mai a!" uar zet hian a ti leh a, kei chuan," Mipa dang melh hauh suh, U Mama ka hrilh mai ang," ka lo ti leh a, a lo chek tlak tlak ringawt. Chutah, min rawn enin," Duh la, innei daih ula ka tia a țha dâwn lutuk!! Thlãwi ve ve! E, a vànnei dâwn lutuk asin, nuthlawi virgin ngat kha nupuiah a nei dâwn bîk a nia," a rawn ti leh chu, ka lo insehruh ngat ngat, rum thei ang bera melhin," Chu, min ning țan nghâl dêr elo?! U Mama bula ka sawi chuan e, i nasa lo viau mai ang, min be țha viau phawt mai rawh, min thawn bo dàn tùr ngaihtuah nghâl lo khân," ka lo ti nghat nghat a, ani erawh chu a lo la nui sûng mai.
*******
Tunah chuan a hma ai ngawt chuan Chhani pawh a rawn lang ngun ve ta deuh; mahse, kâr tàwp lamah chauh a ni thung. Kâr laklawhah hi chuan a hman bîk lo va, bákah, dàwr lamah U Mama a awm daih zêl bawk si a, kan ina rawn lên ringawt khân an inhmuh zin phah deuh chuang lo va, awmzia a awm lo a ni.
A chângin kan inah chaw a ei ve nghâl bawk a, bialpa a nei ngai lo bawk a, tleirãwl tê bialpa nei hlim ang mai niin ka hria. Ka nu pawhin a hre thuai lo thei lo va, mak a ti tih erawh ka hre thei mai. U Mama chu Manuni nèn an ințhenna a la rei over si lo va, a rilru nâin Chhani chu a ti vël mai mai a ni ang tih ka hlau ru deuh a nia; mahse, ka chîk rûk cheuh cheuh hian 'Manuni kha a lo duh tak tak lo a ni ang a' ka ti leh deuh bawk a. A upa ve deuh tawh a, țha deuhin inkawp se ka ti. Amah ka u a ni a, a bialnu lah ka țhian țha ber a ni bawk a, an tân thil țha ber ka duhsak lo thei lo a ni.
Ka nuin," Mama, in inkawp hmain ngun takin i ngaihtuahin ka ring tho a; mahse, zawh ve che ka duh a, i sawi ngei hriat ka duh a ni. Chhani hi i duh tak tak em? I hriat angin ani chu i nau țhiannu a ni a, kan tân lah mi hrang a ni hauh lo bawk. I duh tak tak nge, Manuni theihnghilh nân emaw Manuni han tih-el kual nân emaw i kawp mai mai zâwk?" tia chaw ei laia a zawh chuan ka chaw țhial lai ka tàwp chawt mai! Ka zawh châk leh hriat châk a ni ve bawk a, U Mama ka en nghâl vat a.
"Manuni laka ka rilru kha chu paih bo ang hmak ang a ni tawh! Kan ințhen ațang khân ani kha chu ka ngaihtuah zui tawh lo," U Mama chuan a lo ti ve mai a, ka lo bu nghat mai. Ka țhiani hi ka lawmpui rualin nakinah, hma hunah eng emaw inhmuh thiam lohnate an nei ve ngei ang a, mi pahnih induh tawn kârah pawh eng emaw hriat sual leh tauhna hi a thleng ve châwk si a; pakhat ka u, pakhat lah ka țhian țha ber ni bawk chu chutiang hunah chuan ka tân awm thiam a harsa dâwn êm mai a, chu vàng chuan an inkawp a nih rau rau chuan induh tawn viauin inhmangaih viau se tih ka duh khawp a ni.
"Ka zawhna chu dik takin chhâng mai la, Chhani hi i duh tak tak nge duh tak tak lo?" ka nu chuan a ti leh a, U Mama chuan," Duh tak tak," tiin a lo chhâng vat a, a chhâng rang ka tia, mak ka lo ti țêp a ni.
"In induh tawn ngeiin ka ring a, chu vànga inkawp ngei in ni pawhin ka ring. Nang chu mipa i ni a, i dinhmun hi a pawimawh êm êm. I hual vêlin hmeichhia, âwm nêm tê tê kan awm a, keini hi chu nangmah vànga mawia zahawm ve thei mai kan ni, in têt laia kan chunga thil thleng chu i hriain i hmu a, a taka tawngtu ngei i ni bawk. Kan hma hun hi tu mahin kan hre lo va, khatiang thil thleng thei lakah erawh kha chuan inthiarfihlìm hrâm hrâm i tum tùr a ni, ka ngaihtuah hauh lo na chein ka zilhna țhin che kha hre reng la ka duh hlê a ni," ka nu chuan a ti leh dap dap a, chaw ei lai hi chhûngkaw kim lai a ni a, min zilh hun pawh a ni țhìn. Zilh ngai lo fa kan awm lo va, thu țha inhrilha inzilh mawlh mawlh chung pawha la ti sual țhìn kan nih miau avàng hian thu țha inhrilh hi chu engtik lai pawhin a țha a ni tawp mai. Thu țha inhrilhin mi a chher sual khât êm mai hi maw...
U Mama'n," Naktûk chu khawiah emaw Chhani chhuahpui lawk ka duh sia, khawngaihin dàwr i lo nghâk mai dâwn em ni ang?" tia min rawn en chuan," Ka nuin a nghâk thiam zâwk ang," ka lo ti vat a, ka nu chuan," Ka huphurh hlei nem, nula chhuahpui i tum miau te chuan ka lo nghâk leh dàwr dàwr mai ang chu," a lo ti a, kei chuan," Chhang ka rawn dah ang a, ka nghahpui thei tho ang che," ka lo ti ve a.
A tûkah dàwr chu ka nu chuan a nghâk ta ngei a, kei pawhin chhang ka han dah chho a, Nonoi nèn kan pathum chuan kan nghâk tlâng ta a. Nonoi nuam ti lah chu khap zawh sèn pawh a ni lo, dàwr a zìm nèn, a tlãn kual zar zar reng a, ka khap duh bîk lêm lo, thil pawi tùr a khawih chuang si lo va.
Chhana a rawn lang ve leh nawlh mai, chhang rawn lei tum mai a ni nain a țhu ve ta reng a. Kan inhmuh lohna kâr a lo tam ve deuh bawk a, a lang chêr ve deuh kuamin ka hria, hna a thawk nasa a ni ang. Ka nu chuan a pa chanchinte chu a zâwt luam a, ani pawh chuan chipchiar takin a hrilh ve a, kei pawhin ngun takin ka lo ngaithla a, a lo lang chêr kuam pawh hi a mak ta lo ve.
Chawhnu dâr 1 vêlah chuan," In zu haw tawh mai dâwn em ni ang? In kan chhuahsan vek a, rilru a nuam lo deuh tlat. Nonoi pawh a khawngaihthlâk tawh," ka nuin a tih chuan pawi ka tih loh thuin ka lo chhâng ve mai a, chutih lai tak chuan," Vawiin chu dàwr nghâktu in va țhahnem ve!" tia țawng ri ka hria a, en lo mah ila Pu Rintea a ni tih ka hre nghâl mai.
Ka nuin a lo chhàwn vat a, dàwr a tê ka tih tawh kha, ani a rawn lût ve a nuh phei chuan kan chêp tawh ngawt ang chu. Din hluai pahin," Lo kal rawh, lo țhu rawh, haw kan lo tum chiah a," ka lo ti vat a, Nonoi ka han ban chu a lo țang ve nasa khawp mai, a'n țê nghâl ringawt bawk a.
"Nono, haw tawh ang le, inbual i ngai tawh, a tlai viau hmain," ka ti a, ka nu chuan Pu Rintea chu lo be leh vatin țhutna chu a kawh hmuh pah a, Chhana pawh chu ding ve uaiin," Ka'n chhuak ve nghâl mai teh ang, in in piaha rawn kal pawh ka ngai tak! Ka kal ve nghâl teh ang," a ti a, kan hnungah min rawn zui ve nghâl mai bawk a.
Kalkawngah chuan Chhana chuan a pi damdawi atân rûlsa a țha an tih avànga a lei dâwn thu chu a sawi a, mak ti takin ka lo ngaithla a. A sawi zawh veleh eng natna atân ber nge rûlsa chu țha an tih tih chu ka lo zâwt leh vat a, ani pawh chuan min hrilh ve mai bawk a," A țha an tia, a țha chiah em tih test-na hun țha tak a ni. Nang, i dam nân rúlsa chu i ei duh ang em?" tia min zawh chuan," Ka hre lo le," tiin ka lo chhâng a. Ani pawh chuan," Kei chu ka hreh ngawt ang, rûlsa a ni tih hriat sa kur phei chuan..." a ti leh a.
Řûlsa hring emaw a lei dâwn ka tih laiin a rêp fîp deuh tawh lam hi a lo ni zâwk a, en mai chuan rûlsa a ni tih pawh a hriat loh rêng rêng. Kan inah a rawn pêng haw leh zawk a, rei erawh a awm lo, a haw dâwn chuan a pi chuan lo dampui ngei se ka duh thu leh a pa pawh lo zia chho zêl se ka duh thu chu ka hrilh ve luam a.
Ka nu a rawn haw har hran lo. Inkhâwm zàn a ni si a, chaw pawh kan ei hma deuh. U Mama erawh kan nghâk ta lo, a hmain ka nu a rawn bia a, birthday lawmna lama chaw an ei nghâl tùr thu a rawn hrilh a lo ni. Kei hi ka phone charge kha ka la phawi miah lo nia, dàwra ka kal hmaa ka charge daih tawh kha a la ni zui, a full nasa tawh ngawt ang.
Chaw ei kham veleh ka va en vat a, Nonoi'n min rawn zui lût ve nghâl zat bawk. Ka han on a, message tone a ri nghâl tleng tleng mai, ka lo theihnghilh chiang ve êm a ni. Lalchhani pawhin min rawn text, Mka leh Rudy text message pawh a awm tho. Missed calls pawh a awm a, Pu Rintea missed call pawh a lo awm niin, a hun ka en vat a, chhùn dár 12 pelh hretah a ni. Eng atân tak chuan min rawn call ni maw?
Ka nu inkhâwm hlànin Nonoi nèn kan awm a, chhuatah bawk phêkin thil lem a siam leh tawh a, keiin phone khawihin message ka chhâng kual a, mi dang pawh an lo inkhâwm bîk lo niin. Rudy-te chu nau nei tùrin damdawi inah vawiin chawhnu lamah an lo lût niin, an nupain min rawn hrilh a, text mai duh tâwk lovin ka va be ta hial a.
Ka nu rawn inkhâwm bâng chu thingpui hâng ka lo thlit vat a, ani pawh chu ka bulah rawn țhu vein," Vawiin khân Pu Rintea kha rawn lèn a tum deuh a," a ti teh ngawt a! En deuh hâin," Engati maw?" ka lo ti vat a. A hmaa a rawn kal lah khân a haw thuai kha a nia, amah(ka nu) awm loh vàng hian a nih nghe nghe kha.
"Thil mak tak a sawi a, ka rin phâk loh thil," tiin a aw a han thian tê tê phawt a," In inkârah hian eng emaw awm a awm em?" a rawn tih chuan," Teuh lo mai!" ka lo ti vat a, ka duh aiin ka aw kî a sângin a ring hret zui.
"Chuti, engati nge inneih a duh thu a sawi si?" Mak ti lutukin ka nu chu ka en ngawt ngawt ringawt! Ka hre dik lo chu a ni lovin ka hria!! Ni e, ka nu chuan a sawi chiang mai. Chutiang thil serious lutuk chu engtin nge ka nu bulah daih a sawi ni? Ni lo, min hrilh hmasa ni ta se chhàn dàn tùr ka hre dâwn teuh lo mai! Ka zak lutuk dâwn asin. Min duh lo tawp ang, min duh tak tak dâwn teuh lo mai! Nupui atân hlauh phei chuan...
"Engati nge inneih a duh thu a sawi a?" awmze nei lo zet hian ka ngaihtuahna chu ka sawi chhuak a ni ang, ka nu chuan," In lo induh ru reng a ni ang ka ti rilru a, chhànna chu i thu thu a nih tùr thu ka hrilh ta mai a nih kha," a lo ti leh a, mit pawh khap lo chuan ka nu chu ka en leh ta reng ringawt mai. Zanina ka thil hriat zet hi chuan min țhâwng êm a ni.
*I LA INRIN LOH LAI TAKIN A RAWN LANG THUT ANG A, I MAMAWH BER LAIIN A KALSAN LEH THUNG SI ANG CHE, HEI HI A NI HMANGAIHNA KAWNG CHU*
U Mamate an rawn lêt leh meuh chuan dârkâr chanve aia tam mah hun a kal hman ang chu! Minute sàwm rei ber țum a la ni ngêi ang. Chhani hnênah chuan," In va rei êm êm! Khatiang khân minute sàwm hi a lo rei țhìn tih ka lo hre hauh lo," ka lo ti vat a, U Mama zâwk chuan," Mi kan hmu lawk a nih kha," a lo ti mai a, tu nge an hmuh tih hriat ka châk ru deuh nain ka zâwt lêm lo.
Ka haw dâwn chuan," I lo lêng ve nghâl ang chu?" tiin Chhani chu ka en a, min chhàn tuma a ka a àn zuau laiin U Mama bawk chuan," Biak chhunzawm lawk ka duh a, zu hawsan rih rawh," a lo ti leh a, min rawn en chuang miah lo. Chhani chu ka en a, U Mama en phawtin min rawn en ve leh a, țawng lovin a țhen sak ringawt. Ka en tawn zak zak a, ka hre thiam lo, he mite pahnih hian eng thil nge an hriat ni? Pakhati lah hi nupui thu âwih thei zet a ang, a inhmeh hlawl lo.
Nonoi ka bual fai a, TV lama naupang lem ziak lai a hmuh avàng chuan ziah ve a ngèn a, in chhak dàwrah pencil leh rawng ka han leisak a, lehkhapuan nèn ka chhawpsak ta a. A hlim țê rî chu ngaihthlâk a nuam ka ti, nu thinlung ațang phei chuan ri mawi ber a ni thei hial ang chu.
Lalchhani chu a rawn kal ta ngei a; mahse, a rawn kal har phian. A rawn luh ațangin a rawn nui nghâl ngawt a! A nui sûng nain a țawng chuang miah lo nia! Eng thil nge a hriat ni? A mood erawh a fuh ve tâwk ni tùr a ni; mahse, a rawn țawng lût nghâl bawrh bawrh lo tlat hi a mak, rawn àn luh deuh bawrh bawrh hi a inhmeh asin le, tunah tak hi chuan amah hi 'amah' tlat lo.
"Eng nge i nuih sûng a? Eng nge dàwrah khân i rawn tih rêng rêng a?" tiin ka be ta nge nge a, min rawn en hauh lo hian Nonoi bulah chuan a kûn hnai a, ka biakna ngaihtuah hauh lo ni àwm tak hian," Kan Nonoi lem ziah màwizia hi, i va thiam ve a! I nu chu i khûm dâwn chiang mai," tiin a be ta bawrh bawrh a, ka bia a ni tih hria angin a awm lo va, Nonoi thil ziah hlîr mai chu a fak a ni, han fak hluak tùrin Nonoi thil ziah chu thãi kãwi mai mai a ni a, min han chhâng duh lo kual vêl chu, min runluih ni deuh berin ka hria.
"I va ngeiawm thiam tak aw!!" tiin ka chek tlak tlak phawt a, chutah," Thingpui i in duh em?" ka tih chhunzawm leh daih a, chutah chuan min rawn chhâng ve ta chiah," Duh e, min zâwt har ka lo tih tawhzia chu! Thingpui hâng ka duh aw, kurtai kha han chhawp tel la," a rawn ti leh ta zawt zawt a nih chu! He nu hi chu aw...
Thingpui ka pêk hnu chuan," Le, ka hman lai hian i chanchin chu," ka ti nghâl a, a ep chiah țhutnaa țhut thlâk pah hian," Min hrilh vek ang che, zêp awm lovin," ka ti leh a. Țawng nghâl mai lo chuan thingpui chu a han in tê tê a, a kurtai han ban te lah chu a han hmanhmawh lo êm êm khawp a, a muangchâng lui tih ka hre mai; mahse, ka tur hmanhmawh duh bîk lo, min hrilh tho tho ang, hmui pet nauh nauh chung chuan a țawng hun chu ka lo nghâk a.
"U Mama'n amah ka la star reng leh star reng loh min zâwt a, ka la star reng thu ka hrilh. Chuan, vawiin khân amah pawhin min star thu min hrilh a, dàwrah min chawlhpui ve ngei a nih kha. Ka rin phâk loh a nia, mak ka tia, ka hlim bawk sia, ka mood hi rawng hrang hrang hian a pâr chhiai a ni ber," tiin a han meng zîm a, mak ti tak hian a thil sawi chu lo ngaithlain ka lo en reng a, hmêl nui sâng hian," Hetiang khawp hian ka rilru a ti hlim thei chu a nia," a ti leh a, ka țawng ve hman hma chuan amah vêk chuan," Mak i tih thu sawi miah suh! Ka star-na a rei tawh a, min zawh thut tâkah khân ka zëp zo tawh bîk lo a ni, ka star a ni tihte kha engtin nge a lo hriat ni? I hrilh a ni lo maw?" a rawn ti leh a.
Kan titi rei ta phian mai a, hun pawh kan ngaihtuah lêm lo. Kawta motor ding thãwm a rawn awm tâkah chuan dâr zât ka en vat a, ka rin aiin a lo tlai daih tawh a!! Motor thãwm chu Pu Rintea motor a nih ngei ka ring a, a lo ni chiah bawk. A rawn lût chu ka lo be vat a, ani chuan ka nu awm leh awm loh min zâwt zui daih. A țhut dâwnah erawh Chhani nèn an inbe zui ve nghâl bawk a, ani pawh a lo phûr viau mai. Nonoi kan room ațangin a rawn chhuak a, Chhani'n a lo be vat nain bengkhawn lo tih hriat tak hian dawhkàn hnuaia lehkhapuan chu a la a, room-ah bawk a lût zui leh nghâl daih.
"Lalnoi hi chu aw... min ti zak dâwn alawm le! A nu ang mai, luhlul reuh lutuk!" Chhani'n a ti hlak a," Luhlul hi a țhat châng a awm asin," ka lo ti thung a, Pu Rintea thingpui tùr ka thlitsak nghâl a, ani erawh chuan," Ka in lo mai ang, ka rawn pêng lawk, i nu a awm remchàn si loh chuan ka awm rei lo mai ang, in lamah min lo nghâkhlel ang," a lo ti a," Chuti rum rum tùr em ni? Ka nu pawh a lo haw țêpin ka ring," ka lo ti ve thung a, ka thingpui thlit chu a in dâwn si loh chuan ka in ve mai ang.
A awm rei lo, eng vàng tak chu ni ang maw? Rawn pèn a tum thu kha min hrilh kha a nia, ka awm dâwn em tih min zâwt a nih kha, kha vàng khân min biak a duh a nih ka'n ring deuh ngawt kha a nia; mahse, a haw leh daih bawk a, Chhani lo awm ve vàng hi em ni ang? Ka nu awm leh awm loh lah kha min zâwt leh daih bawk a, eng nge maw a awmzia ni? A chhuanlam mai mai zâwk em ni?
"Pu Rintea hi a hmêl chhe miah lo, pathlawi a ni tiraw kha?" a tih chuan," I lérh!" ka lo ti vat a, a nui hawk a," Engah ngawt maw? A hmêl chhe lo tih ka sawi vàng chuan? Ka lérh lo ve chiang êm mai a!" uar zet hian a ti leh a, kei chuan," Mipa dang melh hauh suh, U Mama ka hrilh mai ang," ka lo ti leh a, a lo chek tlak tlak ringawt. Chutah, min rawn enin," Duh la, innei daih ula ka tia a țha dâwn lutuk!! Thlãwi ve ve! E, a vànnei dâwn lutuk asin, nuthlawi virgin ngat kha nupuiah a nei dâwn bîk a nia," a rawn ti leh chu, ka lo insehruh ngat ngat, rum thei ang bera melhin," Chu, min ning țan nghâl dêr elo?! U Mama bula ka sawi chuan e, i nasa lo viau mai ang, min be țha viau phawt mai rawh, min thawn bo dàn tùr ngaihtuah nghâl lo khân," ka lo ti nghat nghat a, ani erawh chu a lo la nui sûng mai.
*******
Tunah chuan a hma ai ngawt chuan Chhani pawh a rawn lang ngun ve ta deuh; mahse, kâr tàwp lamah chauh a ni thung. Kâr laklawhah hi chuan a hman bîk lo va, bákah, dàwr lamah U Mama a awm daih zêl bawk si a, kan ina rawn lên ringawt khân an inhmuh zin phah deuh chuang lo va, awmzia a awm lo a ni.
A chângin kan inah chaw a ei ve nghâl bawk a, bialpa a nei ngai lo bawk a, tleirãwl tê bialpa nei hlim ang mai niin ka hria. Ka nu pawhin a hre thuai lo thei lo va, mak a ti tih erawh ka hre thei mai. U Mama chu Manuni nèn an ințhenna a la rei over si lo va, a rilru nâin Chhani chu a ti vël mai mai a ni ang tih ka hlau ru deuh a nia; mahse, ka chîk rûk cheuh cheuh hian 'Manuni kha a lo duh tak tak lo a ni ang a' ka ti leh deuh bawk a. A upa ve deuh tawh a, țha deuhin inkawp se ka ti. Amah ka u a ni a, a bialnu lah ka țhian țha ber a ni bawk a, an tân thil țha ber ka duhsak lo thei lo a ni.
Ka nuin," Mama, in inkawp hmain ngun takin i ngaihtuahin ka ring tho a; mahse, zawh ve che ka duh a, i sawi ngei hriat ka duh a ni. Chhani hi i duh tak tak em? I hriat angin ani chu i nau țhiannu a ni a, kan tân lah mi hrang a ni hauh lo bawk. I duh tak tak nge, Manuni theihnghilh nân emaw Manuni han tih-el kual nân emaw i kawp mai mai zâwk?" tia chaw ei laia a zawh chuan ka chaw țhial lai ka tàwp chawt mai! Ka zawh châk leh hriat châk a ni ve bawk a, U Mama ka en nghâl vat a.
"Manuni laka ka rilru kha chu paih bo ang hmak ang a ni tawh! Kan ințhen ațang khân ani kha chu ka ngaihtuah zui tawh lo," U Mama chuan a lo ti ve mai a, ka lo bu nghat mai. Ka țhiani hi ka lawmpui rualin nakinah, hma hunah eng emaw inhmuh thiam lohnate an nei ve ngei ang a, mi pahnih induh tawn kârah pawh eng emaw hriat sual leh tauhna hi a thleng ve châwk si a; pakhat ka u, pakhat lah ka țhian țha ber ni bawk chu chutiang hunah chuan ka tân awm thiam a harsa dâwn êm mai a, chu vàng chuan an inkawp a nih rau rau chuan induh tawn viauin inhmangaih viau se tih ka duh khawp a ni.
"Ka zawhna chu dik takin chhâng mai la, Chhani hi i duh tak tak nge duh tak tak lo?" ka nu chuan a ti leh a, U Mama chuan," Duh tak tak," tiin a lo chhâng vat a, a chhâng rang ka tia, mak ka lo ti țêp a ni.
"In induh tawn ngeiin ka ring a, chu vànga inkawp ngei in ni pawhin ka ring. Nang chu mipa i ni a, i dinhmun hi a pawimawh êm êm. I hual vêlin hmeichhia, âwm nêm tê tê kan awm a, keini hi chu nangmah vànga mawia zahawm ve thei mai kan ni, in têt laia kan chunga thil thleng chu i hriain i hmu a, a taka tawngtu ngei i ni bawk. Kan hma hun hi tu mahin kan hre lo va, khatiang thil thleng thei lakah erawh kha chuan inthiarfihlìm hrâm hrâm i tum tùr a ni, ka ngaihtuah hauh lo na chein ka zilhna țhin che kha hre reng la ka duh hlê a ni," ka nu chuan a ti leh dap dap a, chaw ei lai hi chhûngkaw kim lai a ni a, min zilh hun pawh a ni țhìn. Zilh ngai lo fa kan awm lo va, thu țha inhrilha inzilh mawlh mawlh chung pawha la ti sual țhìn kan nih miau avàng hian thu țha inhrilh hi chu engtik lai pawhin a țha a ni tawp mai. Thu țha inhrilhin mi a chher sual khât êm mai hi maw...
U Mama'n," Naktûk chu khawiah emaw Chhani chhuahpui lawk ka duh sia, khawngaihin dàwr i lo nghâk mai dâwn em ni ang?" tia min rawn en chuan," Ka nuin a nghâk thiam zâwk ang," ka lo ti vat a, ka nu chuan," Ka huphurh hlei nem, nula chhuahpui i tum miau te chuan ka lo nghâk leh dàwr dàwr mai ang chu," a lo ti a, kei chuan," Chhang ka rawn dah ang a, ka nghahpui thei tho ang che," ka lo ti ve a.
A tûkah dàwr chu ka nu chuan a nghâk ta ngei a, kei pawhin chhang ka han dah chho a, Nonoi nèn kan pathum chuan kan nghâk tlâng ta a. Nonoi nuam ti lah chu khap zawh sèn pawh a ni lo, dàwr a zìm nèn, a tlãn kual zar zar reng a, ka khap duh bîk lêm lo, thil pawi tùr a khawih chuang si lo va.
Chhana a rawn lang ve leh nawlh mai, chhang rawn lei tum mai a ni nain a țhu ve ta reng a. Kan inhmuh lohna kâr a lo tam ve deuh bawk a, a lang chêr ve deuh kuamin ka hria, hna a thawk nasa a ni ang. Ka nu chuan a pa chanchinte chu a zâwt luam a, ani pawh chuan chipchiar takin a hrilh ve a, kei pawhin ngun takin ka lo ngaithla a, a lo lang chêr kuam pawh hi a mak ta lo ve.
Chawhnu dâr 1 vêlah chuan," In zu haw tawh mai dâwn em ni ang? In kan chhuahsan vek a, rilru a nuam lo deuh tlat. Nonoi pawh a khawngaihthlâk tawh," ka nuin a tih chuan pawi ka tih loh thuin ka lo chhâng ve mai a, chutih lai tak chuan," Vawiin chu dàwr nghâktu in va țhahnem ve!" tia țawng ri ka hria a, en lo mah ila Pu Rintea a ni tih ka hre nghâl mai.
Ka nuin a lo chhàwn vat a, dàwr a tê ka tih tawh kha, ani a rawn lût ve a nuh phei chuan kan chêp tawh ngawt ang chu. Din hluai pahin," Lo kal rawh, lo țhu rawh, haw kan lo tum chiah a," ka lo ti vat a, Nonoi ka han ban chu a lo țang ve nasa khawp mai, a'n țê nghâl ringawt bawk a.
"Nono, haw tawh ang le, inbual i ngai tawh, a tlai viau hmain," ka ti a, ka nu chuan Pu Rintea chu lo be leh vatin țhutna chu a kawh hmuh pah a, Chhana pawh chu ding ve uaiin," Ka'n chhuak ve nghâl mai teh ang, in in piaha rawn kal pawh ka ngai tak! Ka kal ve nghâl teh ang," a ti a, kan hnungah min rawn zui ve nghâl mai bawk a.
Kalkawngah chuan Chhana chuan a pi damdawi atân rûlsa a țha an tih avànga a lei dâwn thu chu a sawi a, mak ti takin ka lo ngaithla a. A sawi zawh veleh eng natna atân ber nge rûlsa chu țha an tih tih chu ka lo zâwt leh vat a, ani pawh chuan min hrilh ve mai bawk a," A țha an tia, a țha chiah em tih test-na hun țha tak a ni. Nang, i dam nân rúlsa chu i ei duh ang em?" tia min zawh chuan," Ka hre lo le," tiin ka lo chhâng a. Ani pawh chuan," Kei chu ka hreh ngawt ang, rûlsa a ni tih hriat sa kur phei chuan..." a ti leh a.
Řûlsa hring emaw a lei dâwn ka tih laiin a rêp fîp deuh tawh lam hi a lo ni zâwk a, en mai chuan rûlsa a ni tih pawh a hriat loh rêng rêng. Kan inah a rawn pêng haw leh zawk a, rei erawh a awm lo, a haw dâwn chuan a pi chuan lo dampui ngei se ka duh thu leh a pa pawh lo zia chho zêl se ka duh thu chu ka hrilh ve luam a.
Ka nu a rawn haw har hran lo. Inkhâwm zàn a ni si a, chaw pawh kan ei hma deuh. U Mama erawh kan nghâk ta lo, a hmain ka nu a rawn bia a, birthday lawmna lama chaw an ei nghâl tùr thu a rawn hrilh a lo ni. Kei hi ka phone charge kha ka la phawi miah lo nia, dàwra ka kal hmaa ka charge daih tawh kha a la ni zui, a full nasa tawh ngawt ang.
Chaw ei kham veleh ka va en vat a, Nonoi'n min rawn zui lût ve nghâl zat bawk. Ka han on a, message tone a ri nghâl tleng tleng mai, ka lo theihnghilh chiang ve êm a ni. Lalchhani pawhin min rawn text, Mka leh Rudy text message pawh a awm tho. Missed calls pawh a awm a, Pu Rintea missed call pawh a lo awm niin, a hun ka en vat a, chhùn dár 12 pelh hretah a ni. Eng atân tak chuan min rawn call ni maw?
Ka nu inkhâwm hlànin Nonoi nèn kan awm a, chhuatah bawk phêkin thil lem a siam leh tawh a, keiin phone khawihin message ka chhâng kual a, mi dang pawh an lo inkhâwm bîk lo niin. Rudy-te chu nau nei tùrin damdawi inah vawiin chawhnu lamah an lo lût niin, an nupain min rawn hrilh a, text mai duh tâwk lovin ka va be ta hial a.
Ka nu rawn inkhâwm bâng chu thingpui hâng ka lo thlit vat a, ani pawh chu ka bulah rawn țhu vein," Vawiin khân Pu Rintea kha rawn lèn a tum deuh a," a ti teh ngawt a! En deuh hâin," Engati maw?" ka lo ti vat a. A hmaa a rawn kal lah khân a haw thuai kha a nia, amah(ka nu) awm loh vàng hian a nih nghe nghe kha.
"Thil mak tak a sawi a, ka rin phâk loh thil," tiin a aw a han thian tê tê phawt a," In inkârah hian eng emaw awm a awm em?" a rawn tih chuan," Teuh lo mai!" ka lo ti vat a, ka duh aiin ka aw kî a sângin a ring hret zui.
"Chuti, engati nge inneih a duh thu a sawi si?" Mak ti lutukin ka nu chu ka en ngawt ngawt ringawt! Ka hre dik lo chu a ni lovin ka hria!! Ni e, ka nu chuan a sawi chiang mai. Chutiang thil serious lutuk chu engtin nge ka nu bulah daih a sawi ni? Ni lo, min hrilh hmasa ni ta se chhàn dàn tùr ka hre dâwn teuh lo mai! Ka zak lutuk dâwn asin. Min duh lo tawp ang, min duh tak tak dâwn teuh lo mai! Nupui atân hlauh phei chuan...
"Engati nge inneih a duh thu a sawi a?" awmze nei lo zet hian ka ngaihtuahna chu ka sawi chhuak a ni ang, ka nu chuan," In lo induh ru reng a ni ang ka ti rilru a, chhànna chu i thu thu a nih tùr thu ka hrilh ta mai a nih kha," a lo ti leh a, mit pawh khap lo chuan ka nu chu ka en leh ta reng ringawt mai. Zanina ka thil hriat zet hi chuan min țhâwng êm a ni.
*I LA INRIN LOH LAI TAKIN A RAWN LANG THUT ANG A, I MAMAWH BER LAIIN A KALSAN LEH THUNG SI ANG CHE, HEI HI A NI HMANGAIHNA KAWNG CHU*
Comments
Post a Comment