☆KA TÂNA RUAT☆ - 27 By Dingdi Pachuau
Lalchhani'n min dinpui dâwn avàngin kan inhmu ngunin kan inzui ngun lo thei lo va, mi min hriat dàna nuthlawi fa pawm lai nei ka nih vàng leh Pu Rintea pawh pathlawi ve tho a lo nih avàngin a awlsam thei ang bera inneih ka duh a, ani pawh chuti tho. Ka nu duh dàn erawh a ni lo viau mai a, pasal ka neih vawi khatna tùr a ni miau avàng leh ka la thianghlim a ni tih a hriat tlat avàngin a duh khirh deuh a, min khawngaih vàng a ni tih ka hria; mahse, Pu Rintea nèna kan dinhmun a hre ve tho a, kan duh dàn chu a sawisêl hran chuang lo.
Chhani hi chu a țawng duh ve barh barh bawk a, pasal ka neih huna a lunglèn dàn tùr leh min ngaih dâwn dàn tùr chu sawiin," Kei aia pasal i nei hma tùr hi chu aw... ka lung a la âwi thei hlawl lo," a ti vang vang a, kei chuan," I ninawm!" ka lo ti hlak a, ani erawh chuan engah mah ngai lo tih hriat tak hian," In inneih zànah in muthilh hma sîin min han hre chhuak vang vang la aw, in tih tùr in tih hma hret lai pawhin--" a tih mêk lai chuan a hnungah ka chumsak dawp a," I over lutuk!" ka ti ta nghek a, ka țhiannu mah ni se min ti zak thei tho! A thil ngaihtuah Sodom leh lutuk chu, ka ngaihtuah chhin pawha ka zah sa leh ka huphurh sa êm êm kha a ni ve tho si a.
"Eng nge! Over viau suh! Thil thleng lo tùr pawh ni hlei lo, nupa inkârah chuan a thleng dâwn tho tho a, sawi chhuak lo mah ila in ti dâwn tho," a lo tih leh phei chuan," I ninawm! Țawng lovin awm ve rih teh, i ning ve tawh êm êm lo'm ni?" ka ti leh ringawt a. Lungàwi loh hmèl féa min en chung hian a ngawi vang vang phawt a, min melh rum pah hian," Ka thin i tih rim vaih chuan e, i u duh lo chung ka inrûktîr ang a, kan inneih hunah i nu ka tiduhdah viau mai ang! Chu chu hre reng rawh," a ti ta khar khar a, a sawi chhuah dàn aw leh a kî chu amah nèn a inrem êm avàng chuan ka lo nui chhuak hawk thung.
Hun leh tui luangin tu mah a nghâk lo va, buaina tâwk lovin kan inneih nî pawh chu a lo thleng ve ta a, ruahmanna țha tak nei saa engkim buatsaih kan ni bawk a, tluang takin hun kan hmang a, Pu Rintea chhûngte lam lo hungzia chu ka hmu chiang khawp mai. Naom-i hlim hmêl leh Nonoi hlim hmêl hmuh a nuam a; mahse, Nonoi zawng tlêmin a zak deuh tih a hriat, dik tak chuan a hmuh ngai loh hlîr mai an ni hlawm a, a àwm reng mai.
A tãwi zâwngin, ka pasal lo ni ta Pu Rintea inah chuan ka lâwi lût ta a, kan nupa room tùra ka han lût chu zahna avàngin ka tâwt leh ta up up mai. Khum zau duai mai ka en phei chuan nuam tih lohna hlîrin ka khat a, ka hawi sawn ta vat nghe nghe.
Zàn lama lawmna party tih ang vêl kha chu ngai kan ti lo va, chhùn lama mipui tam tak kâra hun kan hmang tawh nèn, chuta kârah a changtunu/a changtupa kan han ni zui a, pheikhawk sâng buna mâwi taka din reng leh nui hmêl put reng ngai dinhmunah ka ding lehnghâl a, ka chàu hluah hluah maiin ka hria, inbual fài ser sawra mut hmak ka châk; mahse, chutiang chu a tih theih rih bîk si loh, inneih nî hi hun hlimawm tak ni angin lang mah se a lo hahthlâk a nih dâwn hi. Nei tawhte pawh hian an sawi chhuak ngai lêm lo a ni maithei a; mahse, hahthlâk, chauhthlâk an ti ve thovin ka ring.
Ka nuin Nonoi riahpui a tum nain Nonoi'n a duh tlat si lo va, ka bulah zêl lo chuan a awm duh lo. Naom-i'n a bula riak tùra a sàwm pawh chuan ka kutah a chelh tlat mai a, tihngaihna a awm lo. Ani pawh a chàu a ni ang, a meng khup lap tawh a, vawiin lamah mipui zîngah a tãl tam deuh a, chàu pawh ni se a àwm viau a ni, mipui tamnaah ka kalpui ngai si lo va.
Khum a zâu țha bawk a, kan pathum chuan kan mu ta mai. Pu Rintea berin," Ani chu kan naute duat a nia, kan bulah a mu ang chu," a ti ve miau bawk a; mahse, a inthlahrunawm duh angreng khawp mai, chutih rual erawh chuan chhuanlamah a țha ve tho tho e, ti mai teh ang.
"Tui deuhin mu rawh u, in chauh êm kha," ka rin loh deuha rawn tih leh chuan min khawih a tum lo tih ka hre thiam chiah. Ni e, ka chau bawk a, pawi ka ti lêm lo; mahse, amah hi ka vêngthãwng deuh zâwk, nupui a neih zànah, làwițhat zàn hun a hmanpui dâwn lo tihna a ni si a.
Chutiang chuan hun kan hmang chho a, a la naupang viau nain Naom-i a fel zar zar khawp mai. A tìrah chuan min 'nu' bîk lo, min u leh mai a, pawi ka ti lo nain a pain min koh dàn tùr a hrilh chiang a, ani lah chuan," Ka hre ve tho a; mahse, a har ve alawm, Au Ruatpuii kha a ni ve bawk si a," a lo ti mai a, ka nuih a ti za angreng, a sawi dik ve tho bawk si a, ka hre thiam lutuk.
Joel-a erawh chuan vawi khat mah min la ko lo. Chhùnah a chhuak a, tlaiah a rawn haw a, room-ah a inkhung nghâl hmak a, chaw ei hunah a rawn chhuak a, chaw ei kham veleh a room-ah bawk a lût leh a, amah hi țawng tam lo chi hi a ni ve hrim hrim a, min be ngai lo pawh hi ka hre thiam viau. Ka nute'n chaw eia min sàwmna lamah pawh a rawn kal ve lo, a țhiante birthday lawmnaah chaw a ei ve nghâl daih dâwn niin a insawi a, dâwt a sawi pawh ka ring lo. A chhuak tam lo va, class kala a chhuak a nih ngawt loh chuan a room-ah a tawm deuh reng mai a ni.
Pu Rintea hi ka pasal mah ni se ka koh hian," Pu Rinte," ka ti leh țût țhìn a, ka inthiam lo zui ziah bawk. A hma khân 'Pu Rinte' tiin ka ko ve țhìn kha a ni a, tunah chuan a rem ta țeuh si lo va, han 'u' lah chu ka lo tih ngai loh ve tho a ni a, chu vàng tak chuan a nia Naom-i'n min 'nu' lo pawh kha ka hriat thiam êm êm ni.
Pi Mawitei hnên ațangin phone call ka dawng lo nain text message ka dawng thung a, a sei lêm lo.
*I huaisen bawk a, lo inring reng rawh, eng nge thleng thei kan hria ang. Ka fate nu nih theihna dàn i nei lo va, i ni ngai dâwn lo bawk* tih tê hi a ni a, a number chu block daih ka châk viau nain ka ti lo, number dang dang a hmang thei tho dâwn a, awmzia a awm lêm lo. Bâkah, text message mai mai chuan min ti na chuang nâng. Pu Rintea bula sawi lan phei chu ka tum lo hrim hrim, țûl ka ti lo, thil dangah buaina a neih tam dâwn tehlul nèn, keia buaina mai mai lo hrilh ve zawng a rilru buaina ka ti tam mai mai ang.
Chhani'n chaw eiah min sâwm ve leh a, kan nupa chauh ni lovin kan chhûngkuain min sâwm a; mahse, ka nupa leh Nonoi chiahin kan va ei a, Joel-a'n a duh dáwn chuang lo tih hriain Naom-i'n in lamah a lo awmpui ve thung.
Nonoi chu a tlângnèl ve tawh avàngin nuam a ti a, a ninhlei reuh phian mai, a tlãn kual leh zar zar țhìn a, Chhani'n khalh tùr a pêk tâk hnuah erawh chuan a zia ta deuh, chhuatah a țhu ve ta khar a. An chawhmeh an siam tui bawk a, ka puar ngèi mai. Ka dul ka zût ka zût lo chauh a ni.
Chaw ei kham lamah a nu leh pate nèn țhu hovin kan titi a, an țawng duh a, Pu Rintea tân pawh a nuam thei deuh ang chu. Eng eng emaw sawia kan titi barh barh laiin Lalchhani ta pek chuan," Pu Rinte, Nonoi a khua a har àwm si a, nau neih vat lam hi in tum ang em?" a rawn ti chhuak pek a, rum deuhin ka va melh hrep kha; mahse, min lo en lo hlauh.
Pu Rintea chuan," A, Pathian thu thu a ni ang chu, nau pai chungchângah kher hi chuan thu kan nei lo êm mai a," thutak zet hian a lo ti a. Kei erawh chu ka lo ngawi reng a, Lalchhani chu țêk chhawk chhawk khawpa melh rum theih ni se ka ti, min en duh si lo va, thinrim zetin ka rûm nghat ringawt.
Haw kawngah Nonoi a țawng làng láng reng a, ani hi chu naupang tih takah Pu Rintea hi a pa dik takah a ngai thei nghâl hmiah mai a, koh pawh a ko zing leh tawh, a la nêl êm êm zui a, a làwmawm ka ti dâwn nge pawh ka hre thiam lo, a ko thãwm erawh hriat hrehawm ka ti hran lo tih chu ka hria.
"I țhiannu thil sawi kha eng nge ang i tih?" A rawn tih chuan ka melh phei a, "Eng chu?" ka ti zui bawk a, ani chuan," Nonoi nau tùr chungchâng a sawi kha maw le," a lo ti awlsam ët a, Chhani thil sawi ngaihtuah lêtin za lo zetin ka țhen sak a, zàn a ni hlauh chu ka lãwm, min hmu chiang thei dâwn si lo va. Ka biang sat hat hat dànah leh lum up up ka tih dàn ațang chuan chu thil chuan min nghawng nasa tih a hriat, chiang taka min hmu thei lo chu ka lãwm hluah hluah.
Mutnaah chuan țawngkain sawi chhuak miah lo mah se min beisei tih ka hria, zàn khati chen kha min beisei tum lovin kan mu tlâng tawh a, Nonoi vàng hian a ti lang duh lo pawh a ni maithei; mahse, zanin zet chu a zia a dang ta. Min rawn hnaih a, ka kâwngah a kut rawn rawlhin min kuah a, tlêmin a lamah min pawt hnai deuh hret bawk. Nonoi a muhìl sâk sâk tawh a, kei ka harh hrû hrû viau thung.
xx.....xx..xx....xx...xx
Ka la thianghlim a ni tih a hriata mak a tihzia kha!!! A hnuah duat taka ka bengkâwmah leh ka nghâwngah fâwp kualin," Thil mak tak a ni! ka lãwm e aw, ka lãwm tak zet!" a ti sup sup a, duat taka min kuah rànin," Muthilh tum tawh rawh le, i chau lutuk ang," a ti leh a, ka rilru harh mah se ka taksa erawh a chàu ve tho va, tunah tak phei chuan ka harh chian leh tawh avàngin zahna kha a lo lêt leh țan tawh a, ka awm dàn leh chêt dàn pawh ka ngaihtuah lêt duh rih lo.
Zîng hi a tho hma thei hrim hrim, ka la thawh khalh miah lo. Tukin phei chu ka harh har zual a, ka harh ve meuh chuan a lo tlai tawh viau a ni ang, Nonoi pawh a lo mu tawh lo. Ka men chuan ma han zi mar deuh a, ka chhûngril lam nâ ka hriat rual chuan tàwp chatin nizàn lama thil thleng kha ka ngaihtuah chhuak nghâl a, maimichhîngin ka hmui ka pet fan fan ringawt. Chutah, harh chhuak chiang thutin ka tho ta vat a, kan rizai ka han hlìm chuan ka hmui ka hup vat, rang takin mutpuan chu ka hlîm sawk sawk a, hmanhmawh zetin bathroom lam ka panpui ta vat a.
Nulain min awmpui mah se ka awm hnu hian eirawng ka bâwl a, ka chêt theihna apiangah ka che zêl a, tukin erawh mi dang ei siam kan ei dâwn ta a nih hmèl. A tlãi tawh angreng si a, eng mah ka siam hman tawh dâwn lo tih ka hria a, nuam lo ka ti angreng viau.
Pa berin rawng chu a lo bâwl niin, a va inthlahrunawm tak! Nonoi chu Naom-i nèn an lo awm dùn thung a, mi em an siam niin ka hria.
"I lo tho thei maw? Thingpui i duh em?" a lo ti a, a mitah pawh melh ngam lovin," Duh lo ve, a tlai tawh êm mai. Thawh ka hai chu a zia lo tak tak a ni," ka ti ve sap sap a, tui in tùr bottle ațangin ka thli chhuak zui nghâl a.
*A CHÁNG CHUAN I TÂNA MI DIK TAK TÙR HI HUN DIK LO-AH I TAWNG NAWLH A, A CHHAN PAWH I HUN HLU TAK KHA I TÂNA MI DIK LO HNÊNA I HMAN RAL VÀNG A NI*
Lalchhani'n min dinpui dâwn avàngin kan inhmu ngunin kan inzui ngun lo thei lo va, mi min hriat dàna nuthlawi fa pawm lai nei ka nih vàng leh Pu Rintea pawh pathlawi ve tho a lo nih avàngin a awlsam thei ang bera inneih ka duh a, ani pawh chuti tho. Ka nu duh dàn erawh a ni lo viau mai a, pasal ka neih vawi khatna tùr a ni miau avàng leh ka la thianghlim a ni tih a hriat tlat avàngin a duh khirh deuh a, min khawngaih vàng a ni tih ka hria; mahse, Pu Rintea nèna kan dinhmun a hre ve tho a, kan duh dàn chu a sawisêl hran chuang lo.
Chhani hi chu a țawng duh ve barh barh bawk a, pasal ka neih huna a lunglèn dàn tùr leh min ngaih dâwn dàn tùr chu sawiin," Kei aia pasal i nei hma tùr hi chu aw... ka lung a la âwi thei hlawl lo," a ti vang vang a, kei chuan," I ninawm!" ka lo ti hlak a, ani erawh chuan engah mah ngai lo tih hriat tak hian," In inneih zànah in muthilh hma sîin min han hre chhuak vang vang la aw, in tih tùr in tih hma hret lai pawhin--" a tih mêk lai chuan a hnungah ka chumsak dawp a," I over lutuk!" ka ti ta nghek a, ka țhiannu mah ni se min ti zak thei tho! A thil ngaihtuah Sodom leh lutuk chu, ka ngaihtuah chhin pawha ka zah sa leh ka huphurh sa êm êm kha a ni ve tho si a.
"Eng nge! Over viau suh! Thil thleng lo tùr pawh ni hlei lo, nupa inkârah chuan a thleng dâwn tho tho a, sawi chhuak lo mah ila in ti dâwn tho," a lo tih leh phei chuan," I ninawm! Țawng lovin awm ve rih teh, i ning ve tawh êm êm lo'm ni?" ka ti leh ringawt a. Lungàwi loh hmèl féa min en chung hian a ngawi vang vang phawt a, min melh rum pah hian," Ka thin i tih rim vaih chuan e, i u duh lo chung ka inrûktîr ang a, kan inneih hunah i nu ka tiduhdah viau mai ang! Chu chu hre reng rawh," a ti ta khar khar a, a sawi chhuah dàn aw leh a kî chu amah nèn a inrem êm avàng chuan ka lo nui chhuak hawk thung.
Hun leh tui luangin tu mah a nghâk lo va, buaina tâwk lovin kan inneih nî pawh chu a lo thleng ve ta a, ruahmanna țha tak nei saa engkim buatsaih kan ni bawk a, tluang takin hun kan hmang a, Pu Rintea chhûngte lam lo hungzia chu ka hmu chiang khawp mai. Naom-i hlim hmêl leh Nonoi hlim hmêl hmuh a nuam a; mahse, Nonoi zawng tlêmin a zak deuh tih a hriat, dik tak chuan a hmuh ngai loh hlîr mai an ni hlawm a, a àwm reng mai.
A tãwi zâwngin, ka pasal lo ni ta Pu Rintea inah chuan ka lâwi lût ta a, kan nupa room tùra ka han lût chu zahna avàngin ka tâwt leh ta up up mai. Khum zau duai mai ka en phei chuan nuam tih lohna hlîrin ka khat a, ka hawi sawn ta vat nghe nghe.
Zàn lama lawmna party tih ang vêl kha chu ngai kan ti lo va, chhùn lama mipui tam tak kâra hun kan hmang tawh nèn, chuta kârah a changtunu/a changtupa kan han ni zui a, pheikhawk sâng buna mâwi taka din reng leh nui hmêl put reng ngai dinhmunah ka ding lehnghâl a, ka chàu hluah hluah maiin ka hria, inbual fài ser sawra mut hmak ka châk; mahse, chutiang chu a tih theih rih bîk si loh, inneih nî hi hun hlimawm tak ni angin lang mah se a lo hahthlâk a nih dâwn hi. Nei tawhte pawh hian an sawi chhuak ngai lêm lo a ni maithei a; mahse, hahthlâk, chauhthlâk an ti ve thovin ka ring.
Ka nuin Nonoi riahpui a tum nain Nonoi'n a duh tlat si lo va, ka bulah zêl lo chuan a awm duh lo. Naom-i'n a bula riak tùra a sàwm pawh chuan ka kutah a chelh tlat mai a, tihngaihna a awm lo. Ani pawh a chàu a ni ang, a meng khup lap tawh a, vawiin lamah mipui zîngah a tãl tam deuh a, chàu pawh ni se a àwm viau a ni, mipui tamnaah ka kalpui ngai si lo va.
Khum a zâu țha bawk a, kan pathum chuan kan mu ta mai. Pu Rintea berin," Ani chu kan naute duat a nia, kan bulah a mu ang chu," a ti ve miau bawk a; mahse, a inthlahrunawm duh angreng khawp mai, chutih rual erawh chuan chhuanlamah a țha ve tho tho e, ti mai teh ang.
"Tui deuhin mu rawh u, in chauh êm kha," ka rin loh deuha rawn tih leh chuan min khawih a tum lo tih ka hre thiam chiah. Ni e, ka chau bawk a, pawi ka ti lêm lo; mahse, amah hi ka vêngthãwng deuh zâwk, nupui a neih zànah, làwițhat zàn hun a hmanpui dâwn lo tihna a ni si a.
Chutiang chuan hun kan hmang chho a, a la naupang viau nain Naom-i a fel zar zar khawp mai. A tìrah chuan min 'nu' bîk lo, min u leh mai a, pawi ka ti lo nain a pain min koh dàn tùr a hrilh chiang a, ani lah chuan," Ka hre ve tho a; mahse, a har ve alawm, Au Ruatpuii kha a ni ve bawk si a," a lo ti mai a, ka nuih a ti za angreng, a sawi dik ve tho bawk si a, ka hre thiam lutuk.
Joel-a erawh chuan vawi khat mah min la ko lo. Chhùnah a chhuak a, tlaiah a rawn haw a, room-ah a inkhung nghâl hmak a, chaw ei hunah a rawn chhuak a, chaw ei kham veleh a room-ah bawk a lût leh a, amah hi țawng tam lo chi hi a ni ve hrim hrim a, min be ngai lo pawh hi ka hre thiam viau. Ka nute'n chaw eia min sàwmna lamah pawh a rawn kal ve lo, a țhiante birthday lawmnaah chaw a ei ve nghâl daih dâwn niin a insawi a, dâwt a sawi pawh ka ring lo. A chhuak tam lo va, class kala a chhuak a nih ngawt loh chuan a room-ah a tawm deuh reng mai a ni.
Pu Rintea hi ka pasal mah ni se ka koh hian," Pu Rinte," ka ti leh țût țhìn a, ka inthiam lo zui ziah bawk. A hma khân 'Pu Rinte' tiin ka ko ve țhìn kha a ni a, tunah chuan a rem ta țeuh si lo va, han 'u' lah chu ka lo tih ngai loh ve tho a ni a, chu vàng tak chuan a nia Naom-i'n min 'nu' lo pawh kha ka hriat thiam êm êm ni.
Pi Mawitei hnên ațangin phone call ka dawng lo nain text message ka dawng thung a, a sei lêm lo.
*I huaisen bawk a, lo inring reng rawh, eng nge thleng thei kan hria ang. Ka fate nu nih theihna dàn i nei lo va, i ni ngai dâwn lo bawk* tih tê hi a ni a, a number chu block daih ka châk viau nain ka ti lo, number dang dang a hmang thei tho dâwn a, awmzia a awm lêm lo. Bâkah, text message mai mai chuan min ti na chuang nâng. Pu Rintea bula sawi lan phei chu ka tum lo hrim hrim, țûl ka ti lo, thil dangah buaina a neih tam dâwn tehlul nèn, keia buaina mai mai lo hrilh ve zawng a rilru buaina ka ti tam mai mai ang.
Chhani'n chaw eiah min sâwm ve leh a, kan nupa chauh ni lovin kan chhûngkuain min sâwm a; mahse, ka nupa leh Nonoi chiahin kan va ei a, Joel-a'n a duh dáwn chuang lo tih hriain Naom-i'n in lamah a lo awmpui ve thung.
Nonoi chu a tlângnèl ve tawh avàngin nuam a ti a, a ninhlei reuh phian mai, a tlãn kual leh zar zar țhìn a, Chhani'n khalh tùr a pêk tâk hnuah erawh chuan a zia ta deuh, chhuatah a țhu ve ta khar a. An chawhmeh an siam tui bawk a, ka puar ngèi mai. Ka dul ka zût ka zût lo chauh a ni.
Chaw ei kham lamah a nu leh pate nèn țhu hovin kan titi a, an țawng duh a, Pu Rintea tân pawh a nuam thei deuh ang chu. Eng eng emaw sawia kan titi barh barh laiin Lalchhani ta pek chuan," Pu Rinte, Nonoi a khua a har àwm si a, nau neih vat lam hi in tum ang em?" a rawn ti chhuak pek a, rum deuhin ka va melh hrep kha; mahse, min lo en lo hlauh.
Pu Rintea chuan," A, Pathian thu thu a ni ang chu, nau pai chungchângah kher hi chuan thu kan nei lo êm mai a," thutak zet hian a lo ti a. Kei erawh chu ka lo ngawi reng a, Lalchhani chu țêk chhawk chhawk khawpa melh rum theih ni se ka ti, min en duh si lo va, thinrim zetin ka rûm nghat ringawt.
Haw kawngah Nonoi a țawng làng láng reng a, ani hi chu naupang tih takah Pu Rintea hi a pa dik takah a ngai thei nghâl hmiah mai a, koh pawh a ko zing leh tawh, a la nêl êm êm zui a, a làwmawm ka ti dâwn nge pawh ka hre thiam lo, a ko thãwm erawh hriat hrehawm ka ti hran lo tih chu ka hria.
"I țhiannu thil sawi kha eng nge ang i tih?" A rawn tih chuan ka melh phei a, "Eng chu?" ka ti zui bawk a, ani chuan," Nonoi nau tùr chungchâng a sawi kha maw le," a lo ti awlsam ët a, Chhani thil sawi ngaihtuah lêtin za lo zetin ka țhen sak a, zàn a ni hlauh chu ka lãwm, min hmu chiang thei dâwn si lo va. Ka biang sat hat hat dànah leh lum up up ka tih dàn ațang chuan chu thil chuan min nghawng nasa tih a hriat, chiang taka min hmu thei lo chu ka lãwm hluah hluah.
Mutnaah chuan țawngkain sawi chhuak miah lo mah se min beisei tih ka hria, zàn khati chen kha min beisei tum lovin kan mu tlâng tawh a, Nonoi vàng hian a ti lang duh lo pawh a ni maithei; mahse, zanin zet chu a zia a dang ta. Min rawn hnaih a, ka kâwngah a kut rawn rawlhin min kuah a, tlêmin a lamah min pawt hnai deuh hret bawk. Nonoi a muhìl sâk sâk tawh a, kei ka harh hrû hrû viau thung.
xx.....xx..xx....xx...xx
Ka la thianghlim a ni tih a hriata mak a tihzia kha!!! A hnuah duat taka ka bengkâwmah leh ka nghâwngah fâwp kualin," Thil mak tak a ni! ka lãwm e aw, ka lãwm tak zet!" a ti sup sup a, duat taka min kuah rànin," Muthilh tum tawh rawh le, i chau lutuk ang," a ti leh a, ka rilru harh mah se ka taksa erawh a chàu ve tho va, tunah tak phei chuan ka harh chian leh tawh avàngin zahna kha a lo lêt leh țan tawh a, ka awm dàn leh chêt dàn pawh ka ngaihtuah lêt duh rih lo.
Zîng hi a tho hma thei hrim hrim, ka la thawh khalh miah lo. Tukin phei chu ka harh har zual a, ka harh ve meuh chuan a lo tlai tawh viau a ni ang, Nonoi pawh a lo mu tawh lo. Ka men chuan ma han zi mar deuh a, ka chhûngril lam nâ ka hriat rual chuan tàwp chatin nizàn lama thil thleng kha ka ngaihtuah chhuak nghâl a, maimichhîngin ka hmui ka pet fan fan ringawt. Chutah, harh chhuak chiang thutin ka tho ta vat a, kan rizai ka han hlìm chuan ka hmui ka hup vat, rang takin mutpuan chu ka hlîm sawk sawk a, hmanhmawh zetin bathroom lam ka panpui ta vat a.
Nulain min awmpui mah se ka awm hnu hian eirawng ka bâwl a, ka chêt theihna apiangah ka che zêl a, tukin erawh mi dang ei siam kan ei dâwn ta a nih hmèl. A tlãi tawh angreng si a, eng mah ka siam hman tawh dâwn lo tih ka hria a, nuam lo ka ti angreng viau.
Pa berin rawng chu a lo bâwl niin, a va inthlahrunawm tak! Nonoi chu Naom-i nèn an lo awm dùn thung a, mi em an siam niin ka hria.
"I lo tho thei maw? Thingpui i duh em?" a lo ti a, a mitah pawh melh ngam lovin," Duh lo ve, a tlai tawh êm mai. Thawh ka hai chu a zia lo tak tak a ni," ka ti ve sap sap a, tui in tùr bottle ațangin ka thli chhuak zui nghâl a.
*A CHÁNG CHUAN I TÂNA MI DIK TAK TÙR HI HUN DIK LO-AH I TAWNG NAWLH A, A CHHAN PAWH I HUN HLU TAK KHA I TÂNA MI DIK LO HNÊNA I HMAN RAL VÀNG A NI*
Comments
Post a Comment