☆KA TÂNA RUAT☆- 28 By Dingdi Pachuau
Tûkțhuan kîl laiin a dàn ngaitêin Naom-i a țawng leh barh barh tawh a, a pain a chhaih thiam bawk a, school lama star a neih thu pawh chu tìmna leh zahna nei chuang hauh lo hian a sawi chhuak pawp pawp mai a, nuih a ti za thei a nia, zêp leh ì pawh hi a nei lêm lo chu a nih hi. Joel-a erawh a ngawi reng a, a nui lo va, hawi pawh a rawn hawi chhuak chuang lo. Chaw a ei tam lo va, chaw ei dawhkàn kîl hian a țhu rei ngai lo. A pain a sawisèl ngai loh vàng leh a tih ve dàn rênga ka ngaih vàngin ka en liam mai mai a, a nu vànga hetia awmah hian ka ngai a ni. Naom-i a nuih awr awra keini'n kan nuihpui ve pawh chuan a nui chhin lo hrim hrim.
Chaw ei kham thlèng seng fel hnua room-a ka luh dâwn chuan Joel-a țawng ri ni àwm tak ka hria a, ka ding deuh dat nghe nghe; mahse, min lo hmu an awm tâkin ngaithla ru ka ang dâwn êma ka hriat avàngin ka lût ta zâwk a,"....tlãi deuh maithei bawk," a lo ti mêk a, a pa chuan," Kal la; mahse, tlãi viau loh tùr a ni ang aw, zàn lamah chuan inngaihtuah a na bîk ngai a nia," a ti a, ka luh ve tâk vàng nge ni, Joel-a chu țawng tawh lovin a chhuak zui ta nghâl a.
A thuamhnaw hâk tùra ka dahin a lo inthuam vek tawh a, hei hi Lalchhani min hrilh ngun ve kha a nia, a thuamhnaw hâk tùr han dah chhuahsak hi, ka tih tirh kha chuan a hâk duh loh ka rin deuh vàng khân rilru nuamin ka awm lo va; mahse, a hâk ve tâk zêlah chuan ka dah chhuak ta ziah a ni.
"Vawiin chu i buai loh chuan chhùn hmehah i chhang siam țhin ang kha lo siam leh la?" a rawn tih chuan ka bu nghat a, zah loh chhuah takmeuhin," Khawi maw," tiin amah chu ka kuai kûn deuh a, a necktie sàwi deuh hlek chu ka siam țhatsak zui zat a. Che lovin a lo ding ve tawp a; mahse, ka siam țha zo ka kal tùr chu ka kutah manin," Ka lãwm e aw," a ti sup a, ka en chho deuh hâ mai, a necktie ka siam țhatsak vànga làwm thu min hrilh a ni ngêi ang chu. Ka nuih deuh sak a, min en chhuk rùnin a lamah min pawt hnai ta salh a, chutah, ka kâwngah kuahin ka chalah dìm têin min fawhsak zui leh zat a.
A kal tùr chu ka en zui ru reng a, pa tawh mah ni se a pian a nalh reng tho a, a hmêl pawh țha hluak angin lang lo mah se chhia a ni mawlh lo, pà ka tih chi a nih bâkah a vun sen deuh châr hian a ti lang pà zual ka ti, a inthuamna lah hi a inhmeh thei êm êm bawk a, a pian a dik thlap vàng hi a nih ngei ka ring. Ka bèl chiang telh telh a, ka duhna a zual telh telh tih ka hria, hetiang ka rilru ang hi pu ve se ka ti.
Țhu dar dar lovin chhùna ei tùr chhang chu ka siam zui nghâl a, ka mei Nonoi'n min lo pui ve a, kan hnawk lehpek khawp mai. Min awmpuitu nula Duhawmi erawh chuan room chhuat a lo nâwt thung a, kan nupa room erawh keimah ngeiin ka tih fai duh țhin avàngin kan room-ah hi chuan a lût khât viau, amah hian a hreh ve deuh țhìn bawk a, țûl tàwpah lo chuan a lût ngai lo.
Zawrh tùr a nih loh avàngin siam tam ngai hek lo, siam chhûng a rei lo va, ka zawh veleh kan nufa sùlhhnu ka ti fai leh char char a, Nonoi pawh ka bual fai zui nghâl bawk. Room ka tih fel laiin TV-ah cartoon a lo en a, zâi pahin a lâm pah bawk a, ka en ru zauh zauh, a zei reuh phian zui a!
Room ka tih fel zawha pa ber thuamhnaw bàl ka sûk zawh hnu chuan dâr 12 a lo hnai kuar tawh a, Nonoi'n a TV en lai a en zawh leh zet hnuah room chu kan chhuahsan ve thei ta chauh a, Duhawmi pawhin in chung lam room chu a lo ti fai zo tawh a, in hnuai lam dârthlalang a lo hru leh mêk a. Thingpui ka chhuan mêk laiin pâwn lamah car thãwm a rawn awm a, tu tak chu lo lêng dâwn ni maw ka tih laiin kawngkaa Pu Rintea rawn pên lût chu ka hmu ta mai, mak ka ti, a rawn bâng hma tihna em ni?
"Âpa...?" tia Nonoi'n a lo koh vat avàngin ani pawh chuan a ngaihven nghâl vat a, a pawm kãng nghâl a," I inbual fai tawh a ni maw? I rim tui chem chem hlê mai," tiin a samah chuan a fawhsak zauh a, ani chuan a nghâwngah a kuah ve chãih chãih a, hmuh nuam ka tih êm avàng chuan ka lo thlîr reng a, lo biak nachâng pawh ka hre lo.
"Ânu hian ka kuah a duh ve a ni ang, min lo thlîr reng a, kuah ve ang aw," tiin min rawn pan hnai a, min rawn kuah ve chuan ka harh deuh kâwk mai. A rim tui hman rim chu ka hre vang vang nghâl a, a rim tui chem chem mai. Mipa rim inhnawih chûk hi ka ngaina hran lo va; mahse, taksa fai deuhin an fai tih rim tui belhchhahna tùr perfume an hman hian an rim hi ka ngaina, ka ngaisâng a ni zâwk ang chu.
"Vawiin chu i va lo haw hma ve?" ka tih chuan," Chàwl tùrin ka rawn haw lawk, i chhang siam ka ei châk tawh bawk sia," a lo ti a, ka nui ringawt. Ka chhang siam a lo ei châk vàngin a rawn haw lawk tihna a nih chu. E khai! Rilru a nuam ve duh riau mai.
Thingpui tui takin ka siamsak a, chhang nèn chuan ka chhawpsak a, Nonoi lah chuan a pa lo haw chu eng vàng tak ni maw amah nghèng chial thei tùrin a awm tlat a, ka han koh hran dâwn pawhin a duh teh tlat lo, Pu Rintea pawh chuan," Min ngai ve a nih hi," a lo ti ve mai a, pafa inngai tak an ang. Ka en tawn dùn vang vang a, an hmêl ațanga en mai pawh hian pafa tak tak an nih chu a rinawm loh a, a chhan pawh inanna pakhat mah an nei hlawl lo a ni.
Tlaia Naom-i rawn haw chu a rawn ngui riauin ka hria, a kal bãi deuh hlek ngje nghe, a ke nâ a chhuak leh deuh em maw ni ka ti deuh a, ka lo zâwt vat bawk. Ani pawh chuan," Tlêmin a na deuh a, khaw vawh vàng hi a ni ang," a lo ti ve mai a, tih theih nei vak hek lo, khawngaih tak hian ka en reng ringawt a. A hlim thei a, a nui peih a, hlim thei tak chutia a hmêl han ngui ve deuh chu thil mak a ni ve bawk a," Han inthlâk fel la, thingpui ka lo siam ang che aw, i duh deuh chi chhang kha a awm a nia," ka tih chuan," Yes!!" tiin nui hmêl puin min rawn en a, inthlâk tùrin in chung lamah a theih anga chak chuan a chho nghâl a.
Joel-a'n zanriah a ei chhuah dâwn vàngin kan eisan a, tunah chuan Naom-i pawh a țawng leh bawrh bawrh tawh a, a ke nâ kha a dam leh deuh tawh a ni ngêi ang chu; ani ber a ngui hi chuan khawvêl hi a ngui ve rawihin ka hre țhìn.
"À-u chu Ânu nèn chaw an ei dùn dâwn maw? A va mak ve! A ngei theih theih nèn, an lo inngeih tawh a ni maw?" chaw țhial țãlh țãlh pah chuan a ti a, ka en duh miah lo va; mahse, ka rilruah chuan tukina kan room-a a pa a biakna chhan kha hei vàng hi a lo ni maw tih a awm a, Naom-i sawi anga a nu, a ngei theih viau nèn inhmua chaw an ei dun a nih chuan an inkâr a lo țha tawh tihna a ni ngêi mai. A țha alawm, ngei khân awmzia a nei lo, a nu a nihna a bo chuang lo.
"An inngeih thei tùrah ngai ang," A pa chuan a lo ti ve a, Naom-i chuan," Kei chu ka fel a, chuan, ka ngei hran loh kha maw, kan inah pawh min rawn hmuh thlap mai kha," nui chung hian a ti ve leh a. Ka lo țawng vena chi a nih loh avàngin Nonoi chaw ei ka buaipui a, a rilrua awm ang ang sawi mai țhìn Naom-i chuan," Nu, zanin chu Nonoi ka lo mutpui ve tawh teh ang, i phal em?" a rawn ti ta a.
"Phal lohna tùr a awm hlei nêm; mahse, i mutpui thei ngût ang em maw le?" ka lo ti ve a," Thei ang, amahin a duh phawt chuan," a lo ti vat a, a pa chuan," Ni e, a u i awm reng a, han tum chhin tak teh, nuam a ti ngawtin ka ring," a lo ti ve bawk a, Nonoi bulah chuan," Zanin chu ka bulah lo mu ve tawh rawh aw?" tiin Naom-i chuan a han zâwt chhin a, ani lah chuan duh ve ni àwm tak hian a lu a lo bu nghat nghat reuh a, ka nui ringawt.
Zanriah ei kham hnu lawkah Naom-i chuan a room a pan a, lehkha a zir zawh hnuah Nonoi chu mutpui chauh tùrin ka ti a, nakinah ei tùr ka han pe ang chu. Ka rin aiin Joel-a a rawn haw har deuh a, mahse, tlangvâl a ni ve tawh a, a nu nèna inhmu an ni bawk a, ngaihtuahawm tùrah ka ngai lo.
Dár 8:30 vêlah Naom-i room-ah chuan ka han dâk dék dék a, min lo hmuh chuan," Lo lût rawh, i lo kal ta rau rau, helai hi ka chawk dik thei tlat lo va, min lo puih mai loh chuan," a lo ti vat a, a in tùr ka ken dawhkàna dah pah chuan," Han en chhin ila," ka ti ve a, a bula chair pakhat awm chu ka pawt chhuak nghál a.
Chawk chhuak vek lovin tih dàn chu ka hrilh pah a, a han chawk leh chhin a, a ti dik leh thei mai. Chumi hnu chuan thingpui chu a in a, a ke chungchâng chu ka zâwt leh a. A na viau em tihte pawh ka zâwt a, ani erawh chuan a nat vak loh thu min hrilh mai a," I rawn ngui haw viau sia, a na viau a nih ka lo ring maw le, a nat viau loh chuan a țha a nih chu. I ngui hi chuan boruak hi a nuam lo țhìn a," ka tih chuan," Ânu tak tak i nih duh hmèl daih zâwk! Nonoi hi a vànnei ka ti e, ani chu i fa tak tak a ni sia," a lo ti daih a!
Ka en vang vang hnuah," Nang pawh ka fanu leh ka naute kha i la ni reng alawm," ka lo ti ve thung a, ani chuan," Âpa nèna in fa tak tak hi ni thei ila ka ti maw le, a nuam zual dâwn êm a. Ânu fanu ka lo ni hi hrehawm ka ti, a thil tih țha lo tak vàng khân ka zak ve tho bawk sia, vawiinah pawh țhiante'n min chhaih nân an hmang a, zak lo thei viau mah ila ka zak a, hrehawm ka ti!" a ti leh ta malh malh a.
"Engtin maw? Engtin nge an chhaih che a?!" a thil sawiin ka beng a verh êm avàng chuan ka ti ta vat a, a țhiante'n an lo chhaih vàng a nih chiah chu a lo haw kha a hmêl a ngui ka tih ni. He thil hi thil țha a ni dâwn miah lo, a serious tlat.
"Kan rawn haw kawngah a nia,' I nuin tlangvâl dang a ûmsan che u tiraw? I nu i lo chhun vàng a nih chiah hi Rosanga pawh i lo star ngam ni, Siamsiami bialpa a ni tih i hre reng sia, i nu ang mai i lo nih dâwn hi, a rûk takin i lo lérh êm mai,' min tia, a hma deuh pawh khân min chhaih tawh a, Rosanga kha ka star hmasak a ni lo va, ama'n min star vàngin ka star ve chauh zâwk a ni reng sia. Siamsiami nèn lah an ințhen tawh bawk a, min ngei ve hrim hrim niin ka hria. School kal pawh ka hreh phah deuh hlek tawh, an râpthlâk hlawm sia maw," zàwi deuh hlek hian a ti sap sap a, a hmêl pawh a ngui leh chawpchilh nghâl a, ngun taka a hmêl enin a thil sawi chu ngun lutukin ka lo ngaithla bawk.
Mut hmun thlengin a thil sawi chuan ka ngaihtuahna a luah a, ka thin kha rim viau mah se amah hnèm zâwng hlírin ka țawng a, ka fuih a, a room ka chhuahsan dâwn kha chuan a nui leh ar ar thei tawh a nih kha. A rilru hi a thianghlim ka tih tawh kha, khatianga a țhiante'n an lo ti țhìn a nih chuan a rilru a hrehawmin a tân school kal a nuam thei dâwn lo va, a zirnain a tuar nasa thei tih thlengin ka ngaihtuah, thlaleh lehpek lawka exam pawimawh hmachhawn tùr nei a ni a, a rilru an tih khawlohsak teh chuan... ka lung a âwi lo telh telh mai.
A tûka Naom-i school kal tùr chu," I lo bâng lo hmuah che i duh em? I nau nèn hian kan lo hmuak ang che aw?" tiin ka zâwt a, ani chuan meng zau deuh hlek pah hian," Min lo hmuang ang maw?! Engati maw?" a lo ti ve thung a, mak a tiin a hre thiam chiah lo a nih hmèl.
"Tih tùr a awm chuang hlei nêm, kan lo hmuak ang che," tiin an school bus-in a drop-na chu ka zâwt nghâl a, ani erawh chuan," Ka lian tawh a, heti ve uaih tawh min lo hmuah chu a!" a ti phawt a; mahse, ka thil zawh chu min hrilh ve leh mai bawk. In ațangin hla tak a ni lêm lo bawk a, kan lo hmuak ngei ang, a țhiante diriamna leh hmuhsitna a pumpelh phah maithei asin.
Chhùnah kan buaina ngaiah kan buai leh a; mahse, a hahthlâk loh ve chiang êm mai a, ka ning lo. Chhùnah Pu Rintea a rawn haw leh a, ka chhang siam ve mai mai a ngaina hi ka lãwm, a rawn haw phah ve hial a nia. Kár tàwp chu a thar diai siam chhin ila a țha ang, tester-ah an pafain an țang thei ang a.
Tlaiah chuan Nonoi nèn a u chu kan va hmuak ta ngei a, bus ațanga a rawn chhuk chu Nonoi'n a lo au vat a, ani pawh chuan min rawn hmu ve nghâl a; mahse, a hnunga rawn chhuk ve chiah hmeichhe pathum chuan ka mit an la nghâl teh ngawt a! Anni chu a țhiante nia a sawi kha an nih leh nih loh pawh ka hre chuang lo va; mahse, an nih ngei ka ring, chhûngril lam ațanga min rawn hrilhtu a awm tlat.
*FEL LEH ȚHA NIA INHRIATE HIAN MI RÈL AN CHÎNG PHIAN*🤔
Tûkțhuan kîl laiin a dàn ngaitêin Naom-i a țawng leh barh barh tawh a, a pain a chhaih thiam bawk a, school lama star a neih thu pawh chu tìmna leh zahna nei chuang hauh lo hian a sawi chhuak pawp pawp mai a, nuih a ti za thei a nia, zêp leh ì pawh hi a nei lêm lo chu a nih hi. Joel-a erawh a ngawi reng a, a nui lo va, hawi pawh a rawn hawi chhuak chuang lo. Chaw a ei tam lo va, chaw ei dawhkàn kîl hian a țhu rei ngai lo. A pain a sawisèl ngai loh vàng leh a tih ve dàn rênga ka ngaih vàngin ka en liam mai mai a, a nu vànga hetia awmah hian ka ngai a ni. Naom-i a nuih awr awra keini'n kan nuihpui ve pawh chuan a nui chhin lo hrim hrim.
Chaw ei kham thlèng seng fel hnua room-a ka luh dâwn chuan Joel-a țawng ri ni àwm tak ka hria a, ka ding deuh dat nghe nghe; mahse, min lo hmu an awm tâkin ngaithla ru ka ang dâwn êma ka hriat avàngin ka lût ta zâwk a,"....tlãi deuh maithei bawk," a lo ti mêk a, a pa chuan," Kal la; mahse, tlãi viau loh tùr a ni ang aw, zàn lamah chuan inngaihtuah a na bîk ngai a nia," a ti a, ka luh ve tâk vàng nge ni, Joel-a chu țawng tawh lovin a chhuak zui ta nghâl a.
A thuamhnaw hâk tùra ka dahin a lo inthuam vek tawh a, hei hi Lalchhani min hrilh ngun ve kha a nia, a thuamhnaw hâk tùr han dah chhuahsak hi, ka tih tirh kha chuan a hâk duh loh ka rin deuh vàng khân rilru nuamin ka awm lo va; mahse, a hâk ve tâk zêlah chuan ka dah chhuak ta ziah a ni.
"Vawiin chu i buai loh chuan chhùn hmehah i chhang siam țhin ang kha lo siam leh la?" a rawn tih chuan ka bu nghat a, zah loh chhuah takmeuhin," Khawi maw," tiin amah chu ka kuai kûn deuh a, a necktie sàwi deuh hlek chu ka siam țhatsak zui zat a. Che lovin a lo ding ve tawp a; mahse, ka siam țha zo ka kal tùr chu ka kutah manin," Ka lãwm e aw," a ti sup a, ka en chho deuh hâ mai, a necktie ka siam țhatsak vànga làwm thu min hrilh a ni ngêi ang chu. Ka nuih deuh sak a, min en chhuk rùnin a lamah min pawt hnai ta salh a, chutah, ka kâwngah kuahin ka chalah dìm têin min fawhsak zui leh zat a.
A kal tùr chu ka en zui ru reng a, pa tawh mah ni se a pian a nalh reng tho a, a hmêl pawh țha hluak angin lang lo mah se chhia a ni mawlh lo, pà ka tih chi a nih bâkah a vun sen deuh châr hian a ti lang pà zual ka ti, a inthuamna lah hi a inhmeh thei êm êm bawk a, a pian a dik thlap vàng hi a nih ngei ka ring. Ka bèl chiang telh telh a, ka duhna a zual telh telh tih ka hria, hetiang ka rilru ang hi pu ve se ka ti.
Țhu dar dar lovin chhùna ei tùr chhang chu ka siam zui nghâl a, ka mei Nonoi'n min lo pui ve a, kan hnawk lehpek khawp mai. Min awmpuitu nula Duhawmi erawh chuan room chhuat a lo nâwt thung a, kan nupa room erawh keimah ngeiin ka tih fai duh țhin avàngin kan room-ah hi chuan a lût khât viau, amah hian a hreh ve deuh țhìn bawk a, țûl tàwpah lo chuan a lût ngai lo.
Zawrh tùr a nih loh avàngin siam tam ngai hek lo, siam chhûng a rei lo va, ka zawh veleh kan nufa sùlhhnu ka ti fai leh char char a, Nonoi pawh ka bual fai zui nghâl bawk. Room ka tih fel laiin TV-ah cartoon a lo en a, zâi pahin a lâm pah bawk a, ka en ru zauh zauh, a zei reuh phian zui a!
Room ka tih fel zawha pa ber thuamhnaw bàl ka sûk zawh hnu chuan dâr 12 a lo hnai kuar tawh a, Nonoi'n a TV en lai a en zawh leh zet hnuah room chu kan chhuahsan ve thei ta chauh a, Duhawmi pawhin in chung lam room chu a lo ti fai zo tawh a, in hnuai lam dârthlalang a lo hru leh mêk a. Thingpui ka chhuan mêk laiin pâwn lamah car thãwm a rawn awm a, tu tak chu lo lêng dâwn ni maw ka tih laiin kawngkaa Pu Rintea rawn pên lût chu ka hmu ta mai, mak ka ti, a rawn bâng hma tihna em ni?
"Âpa...?" tia Nonoi'n a lo koh vat avàngin ani pawh chuan a ngaihven nghâl vat a, a pawm kãng nghâl a," I inbual fai tawh a ni maw? I rim tui chem chem hlê mai," tiin a samah chuan a fawhsak zauh a, ani chuan a nghâwngah a kuah ve chãih chãih a, hmuh nuam ka tih êm avàng chuan ka lo thlîr reng a, lo biak nachâng pawh ka hre lo.
"Ânu hian ka kuah a duh ve a ni ang, min lo thlîr reng a, kuah ve ang aw," tiin min rawn pan hnai a, min rawn kuah ve chuan ka harh deuh kâwk mai. A rim tui hman rim chu ka hre vang vang nghâl a, a rim tui chem chem mai. Mipa rim inhnawih chûk hi ka ngaina hran lo va; mahse, taksa fai deuhin an fai tih rim tui belhchhahna tùr perfume an hman hian an rim hi ka ngaina, ka ngaisâng a ni zâwk ang chu.
"Vawiin chu i va lo haw hma ve?" ka tih chuan," Chàwl tùrin ka rawn haw lawk, i chhang siam ka ei châk tawh bawk sia," a lo ti a, ka nui ringawt. Ka chhang siam a lo ei châk vàngin a rawn haw lawk tihna a nih chu. E khai! Rilru a nuam ve duh riau mai.
Thingpui tui takin ka siamsak a, chhang nèn chuan ka chhawpsak a, Nonoi lah chuan a pa lo haw chu eng vàng tak ni maw amah nghèng chial thei tùrin a awm tlat a, ka han koh hran dâwn pawhin a duh teh tlat lo, Pu Rintea pawh chuan," Min ngai ve a nih hi," a lo ti ve mai a, pafa inngai tak an ang. Ka en tawn dùn vang vang a, an hmêl ațanga en mai pawh hian pafa tak tak an nih chu a rinawm loh a, a chhan pawh inanna pakhat mah an nei hlawl lo a ni.
Tlaia Naom-i rawn haw chu a rawn ngui riauin ka hria, a kal bãi deuh hlek ngje nghe, a ke nâ a chhuak leh deuh em maw ni ka ti deuh a, ka lo zâwt vat bawk. Ani pawh chuan," Tlêmin a na deuh a, khaw vawh vàng hi a ni ang," a lo ti ve mai a, tih theih nei vak hek lo, khawngaih tak hian ka en reng ringawt a. A hlim thei a, a nui peih a, hlim thei tak chutia a hmêl han ngui ve deuh chu thil mak a ni ve bawk a," Han inthlâk fel la, thingpui ka lo siam ang che aw, i duh deuh chi chhang kha a awm a nia," ka tih chuan," Yes!!" tiin nui hmêl puin min rawn en a, inthlâk tùrin in chung lamah a theih anga chak chuan a chho nghâl a.
Joel-a'n zanriah a ei chhuah dâwn vàngin kan eisan a, tunah chuan Naom-i pawh a țawng leh bawrh bawrh tawh a, a ke nâ kha a dam leh deuh tawh a ni ngêi ang chu; ani ber a ngui hi chuan khawvêl hi a ngui ve rawihin ka hre țhìn.
"À-u chu Ânu nèn chaw an ei dùn dâwn maw? A va mak ve! A ngei theih theih nèn, an lo inngeih tawh a ni maw?" chaw țhial țãlh țãlh pah chuan a ti a, ka en duh miah lo va; mahse, ka rilruah chuan tukina kan room-a a pa a biakna chhan kha hei vàng hi a lo ni maw tih a awm a, Naom-i sawi anga a nu, a ngei theih viau nèn inhmua chaw an ei dun a nih chuan an inkâr a lo țha tawh tihna a ni ngêi mai. A țha alawm, ngei khân awmzia a nei lo, a nu a nihna a bo chuang lo.
"An inngeih thei tùrah ngai ang," A pa chuan a lo ti ve a, Naom-i chuan," Kei chu ka fel a, chuan, ka ngei hran loh kha maw, kan inah pawh min rawn hmuh thlap mai kha," nui chung hian a ti ve leh a. Ka lo țawng vena chi a nih loh avàngin Nonoi chaw ei ka buaipui a, a rilrua awm ang ang sawi mai țhìn Naom-i chuan," Nu, zanin chu Nonoi ka lo mutpui ve tawh teh ang, i phal em?" a rawn ti ta a.
"Phal lohna tùr a awm hlei nêm; mahse, i mutpui thei ngût ang em maw le?" ka lo ti ve a," Thei ang, amahin a duh phawt chuan," a lo ti vat a, a pa chuan," Ni e, a u i awm reng a, han tum chhin tak teh, nuam a ti ngawtin ka ring," a lo ti ve bawk a, Nonoi bulah chuan," Zanin chu ka bulah lo mu ve tawh rawh aw?" tiin Naom-i chuan a han zâwt chhin a, ani lah chuan duh ve ni àwm tak hian a lu a lo bu nghat nghat reuh a, ka nui ringawt.
Zanriah ei kham hnu lawkah Naom-i chuan a room a pan a, lehkha a zir zawh hnuah Nonoi chu mutpui chauh tùrin ka ti a, nakinah ei tùr ka han pe ang chu. Ka rin aiin Joel-a a rawn haw har deuh a, mahse, tlangvâl a ni ve tawh a, a nu nèna inhmu an ni bawk a, ngaihtuahawm tùrah ka ngai lo.
Dár 8:30 vêlah Naom-i room-ah chuan ka han dâk dék dék a, min lo hmuh chuan," Lo lût rawh, i lo kal ta rau rau, helai hi ka chawk dik thei tlat lo va, min lo puih mai loh chuan," a lo ti vat a, a in tùr ka ken dawhkàna dah pah chuan," Han en chhin ila," ka ti ve a, a bula chair pakhat awm chu ka pawt chhuak nghál a.
Chawk chhuak vek lovin tih dàn chu ka hrilh pah a, a han chawk leh chhin a, a ti dik leh thei mai. Chumi hnu chuan thingpui chu a in a, a ke chungchâng chu ka zâwt leh a. A na viau em tihte pawh ka zâwt a, ani erawh chuan a nat vak loh thu min hrilh mai a," I rawn ngui haw viau sia, a na viau a nih ka lo ring maw le, a nat viau loh chuan a țha a nih chu. I ngui hi chuan boruak hi a nuam lo țhìn a," ka tih chuan," Ânu tak tak i nih duh hmèl daih zâwk! Nonoi hi a vànnei ka ti e, ani chu i fa tak tak a ni sia," a lo ti daih a!
Ka en vang vang hnuah," Nang pawh ka fanu leh ka naute kha i la ni reng alawm," ka lo ti ve thung a, ani chuan," Âpa nèna in fa tak tak hi ni thei ila ka ti maw le, a nuam zual dâwn êm a. Ânu fanu ka lo ni hi hrehawm ka ti, a thil tih țha lo tak vàng khân ka zak ve tho bawk sia, vawiinah pawh țhiante'n min chhaih nân an hmang a, zak lo thei viau mah ila ka zak a, hrehawm ka ti!" a ti leh ta malh malh a.
"Engtin maw? Engtin nge an chhaih che a?!" a thil sawiin ka beng a verh êm avàng chuan ka ti ta vat a, a țhiante'n an lo chhaih vàng a nih chiah chu a lo haw kha a hmêl a ngui ka tih ni. He thil hi thil țha a ni dâwn miah lo, a serious tlat.
"Kan rawn haw kawngah a nia,' I nuin tlangvâl dang a ûmsan che u tiraw? I nu i lo chhun vàng a nih chiah hi Rosanga pawh i lo star ngam ni, Siamsiami bialpa a ni tih i hre reng sia, i nu ang mai i lo nih dâwn hi, a rûk takin i lo lérh êm mai,' min tia, a hma deuh pawh khân min chhaih tawh a, Rosanga kha ka star hmasak a ni lo va, ama'n min star vàngin ka star ve chauh zâwk a ni reng sia. Siamsiami nèn lah an ințhen tawh bawk a, min ngei ve hrim hrim niin ka hria. School kal pawh ka hreh phah deuh hlek tawh, an râpthlâk hlawm sia maw," zàwi deuh hlek hian a ti sap sap a, a hmêl pawh a ngui leh chawpchilh nghâl a, ngun taka a hmêl enin a thil sawi chu ngun lutukin ka lo ngaithla bawk.
Mut hmun thlengin a thil sawi chuan ka ngaihtuahna a luah a, ka thin kha rim viau mah se amah hnèm zâwng hlírin ka țawng a, ka fuih a, a room ka chhuahsan dâwn kha chuan a nui leh ar ar thei tawh a nih kha. A rilru hi a thianghlim ka tih tawh kha, khatianga a țhiante'n an lo ti țhìn a nih chuan a rilru a hrehawmin a tân school kal a nuam thei dâwn lo va, a zirnain a tuar nasa thei tih thlengin ka ngaihtuah, thlaleh lehpek lawka exam pawimawh hmachhawn tùr nei a ni a, a rilru an tih khawlohsak teh chuan... ka lung a âwi lo telh telh mai.
A tûka Naom-i school kal tùr chu," I lo bâng lo hmuah che i duh em? I nau nèn hian kan lo hmuak ang che aw?" tiin ka zâwt a, ani chuan meng zau deuh hlek pah hian," Min lo hmuang ang maw?! Engati maw?" a lo ti ve thung a, mak a tiin a hre thiam chiah lo a nih hmèl.
"Tih tùr a awm chuang hlei nêm, kan lo hmuak ang che," tiin an school bus-in a drop-na chu ka zâwt nghâl a, ani erawh chuan," Ka lian tawh a, heti ve uaih tawh min lo hmuah chu a!" a ti phawt a; mahse, ka thil zawh chu min hrilh ve leh mai bawk. In ațangin hla tak a ni lêm lo bawk a, kan lo hmuak ngei ang, a țhiante diriamna leh hmuhsitna a pumpelh phah maithei asin.
Chhùnah kan buaina ngaiah kan buai leh a; mahse, a hahthlâk loh ve chiang êm mai a, ka ning lo. Chhùnah Pu Rintea a rawn haw leh a, ka chhang siam ve mai mai a ngaina hi ka lãwm, a rawn haw phah ve hial a nia. Kár tàwp chu a thar diai siam chhin ila a țha ang, tester-ah an pafain an țang thei ang a.
Tlaiah chuan Nonoi nèn a u chu kan va hmuak ta ngei a, bus ațanga a rawn chhuk chu Nonoi'n a lo au vat a, ani pawh chuan min rawn hmu ve nghâl a; mahse, a hnunga rawn chhuk ve chiah hmeichhe pathum chuan ka mit an la nghâl teh ngawt a! Anni chu a țhiante nia a sawi kha an nih leh nih loh pawh ka hre chuang lo va; mahse, an nih ngei ka ring, chhûngril lam ațanga min rawn hrilhtu a awm tlat.
*FEL LEH ȚHA NIA INHRIATE HIAN MI RÈL AN CHÎNG PHIAN*🤔
Comments
Post a Comment