☆KA TÂNA RUAT☆ - 29 By Dingdi Pachuau
Kan lam pana a rawn phei lai chuan a hnungah chûng school naupang pathumte chuan an rawn zui a, pakhat chu rawn kal chak fâl deuhin," Hmêli, lo ding teh!" a tih ri chu ka hre thei a, la hla deuh mah se ka hre sual lo tih ka hre chiang viau, ka thin a rim nghâl phat bawk. Naom-i erawh chu a ding lêm lo va, chu vàng chu a ni ang, rawn tlàn khalhin, a bânah chuan a rawn mansak lawp a, Naom-i pawh a petek ve nawk nghe nghe. A ding chiah tihah chu nu, a bâna rawn pawttu, sa țha lam deuh chuan," Ka thu sawi kha i hre lo der a ni maw? Hmêli, i va inla ngêng ve a? Eng nge i nih? Nu uiresan mai mai i nih kha, i zak lo'm ni? Zak ve ta che, miin an sawi luih luih che u hi, hetiang mi hi Rosânga hian a duh tak tak che i ring em ni? Teuh lo mai! Vawi khat mah lo be tawh suh," a ti leh khar khar mai a, chutiang kum rual lek țawngkam atân chuan râpthlâk ka ti a, ka thin a rim êm êm bawk.
Naom-i chuan," Ka be lo, min bia a, ka chhâng ve mai a nih kha, chu chu eng nge a pawi viauna?" pângngai tak hian a lo ti a, Nonoi kai pah chuan ka pan hnai zêl a. Chu nu chuan," I țawng ngam elo?! I va zak lo ve a! Ni dâwn tak e!! I nu i chhùn tak alawm, zak lo bawk, lérh bawk!" Hmusit tih hriat taka nui chung hian a ti leh a, a la duh tâwk lo," Hur pawh i hur ngawt ang ka ti, Rosanga pawh hian a mutpui thei tawh ngêi chein ka ring, i va tenawm ngawih ngawih tak!" a la tih zawm leh a, an bula kan thleng tawh bawk a," Eng thil nge ni ta? Tu chu maw tenawm ngawih ngawih chu?" ka va ti ve ta a.
Kan awmna lai hi mi awm lêm lohna lai tak a ni a, in ațangin a hla hran lo ka tih tawh kha. Hetia kan țawng thãwm pawh hi hre phâk an awm lo tawp ang, kan mi hmuh hnaih deuhte ber pawh auh deuh làwng láwng an ngai hial ang chu.
"Tu nge i nih?" Chu nu chuan min rawn en pah hian a ti a, a țawng chhuah dàn han chaltlàizia reuh chu a! Naom-i ang êma sâng chu ni lo mah se a hniam hran chuang lo, min en chhuk thei tlat tho.
"Naom-i nu hi ka nia, eng nge buaina i nei em ni?" Ka thinrimna thup hrâm hrâm pah chuan ka ti dam thlap a, chu nu chu a nui ta hak a! " A pa nupui thar, vai fa pawm an tih kha i ni maw?! Ka pi, rawn in tih fel viau a ngai lo, vai sâwn pawm ve mai mai, lo inrawlh buai suh! I fanu tak tak pawh ni--" ka inrin hmain ka kut chu ka vai fua a, a biangah ka bensak thlawrh a, a thle sawk mai, ka kut a na nghâl cham cham bawk.
"Nu..!!" tiin Naom-i chuan min rawn chelh ta vat a, chu nu pawh chuan a biang a dawm a, thinrim tih hriat tak hian min rawn melh leh nghâl hrâ a, a țhiante pawh an rawn hnai vat bawk. Rum elkhèna min melhin," Kut min thlâk maw? Ka pa bulah ka sawi dâwn khawp mai, Jail-ah i tâng ang, i tâng dâwn chiang lutuk!" a la rawn ti ngam a nih chu! Zak lo hi ka va ti tak! Heti êm êm maia mi zahna nei lo leh naupang tê ni bawk si hi, ka thin a rim êm avàng chuan insûm thei tawh lovin," I zak lo hlê a ni! Naupang huaisàr tak i ni, aia upa zahna châng pawh hre lo. Hei hi lo hre rawh, Naom-i hi ka fanu a nih hi, lo ti buai tawh rêng rêng suh, a tân chuan eng pawh ka huam, Jail tàn pawh ka hlau rêng rêng lo," ka ti khùr dat dat a, ka insùm êm vàngin, ka thinrim bawk si, ka aw ka thunun ve vànga khùr ta pawh a ni. Nonoi ka bula a awm ve reng avàngin ka thinrim aw vín tùr ka thunun ve hrâm hrâm zâwk. Râpthlâk ka ti lutuk, ani ang naupang tê, chapo êm êm hi ka hlauhna chhan tùr leh a laka țawng ka insùmna chhan tùr erawh ka hre lo, a huaisàrna ti bo tùra ben leh sawk a nia ka la duh hial ni!
A țhiante chuan chu naupang râpthlâk zet chu kàiin an kalpui ta daih a, min la rawn melh râm râm zui bawk. Kei pawhin ka en reng tho, ani lakah hian zãm ka tum lo, ka zãm chhin eih lo ang. Naom-i hi ka thisen zawm chu a ni lo; mahse, chu chuan ka fanu a ni lo tih a hril kher lo, ka fanu a ni a, kan chhûngkaw naute a ni a, a rilru hrehawmna thil titu hi chu ka dìm dâwn teuh lo mai!
"Nu... ka lâwm lutuk aw! Kei aiin tê mah la, i huai ka ti tawp che, ka nu tak takah ka ngai che," tiin Naom-i chuan min kuah a, ka malah Nonoi'n a lo kuah ve bawk a, thâwk la huaiin," I tân eng pawh ka huam, eng thil pawh thleng rawh se, i tân chuan ka ding zêl ang," tiin Naom-i sam chu ka chùlsak a. A hnu deuhah chuan," Le, haw tawh ang u le, i ril a țâm tawh ang," ka ti a, Nonoi chu pawm nawlhin," Ka naute hi, i va rim tui tak! Ânuin fai tâwkin a lo bual che a ni maw?" tia biain a kalpui zui nghâl a. An hnunga zui pah chuan ka chêt dàn kha ka ngaihtuah lêt a, mak chu ka inti ve deuh. Mi kut ka thlâk ngai lo va, ka thlâk awmchhun a ni tih ka hria, ka zaidam viau emaw ka lo intih laiin ka kut a lo ram deuh chu a nih kha, a zahthlák ka tih leh deuh rualin fanu chhan nân chuan pawi lo tihna rilru ka pu leh tho bawk a.
Zanriah kîl lai hi chu chhûngkaw kim lai a nih țhin avàngin puar taka chaw kan ei tlàn theih nân vawiin lam boruak chu ka sawi chhuak duh miah lo va, Naom-i erawh chuan chutiang chu hre ve tawh hek lo le, Joel-a takngial pawh a la kham hma chuan a rawn sawi chhuak leh hmiah mai.
"Ânu hi a huaisen a nia aw! A têt ang hi a ni miah lo, Siamsiami kha a bêng pawp mai a, ani pawh khân nâ chu a ti ve ngawt ang," tiin hmâwr a bâwk a, ka hawi chhuak ngam rih lo, eng angin nge min ngaih ang tih ka ngaihtuahnaah a lo awm hmasa ber a. Mi kutthlâk chîngah min hmuh loh hrâm erawh ka beisei, Joel-a hian min țih phah ang tih pawh a hlauhawm, min biak ngai loh chu thuhran lo ni se, țih hmêl taka min en ka duh bîk miah lo.
"I nu hian i țhiannu a bêng a maw?" a pain a lo tih chuan," Ka țhiannu a ni lo, ka classmate a ni zâwk. Siamsiami a nia, ka sawi țhin Rosanga bialnu hlui kha a ni. Rosanga'n min biak vàngin a lo thinrim ve ngawt a, ka bialpa pawh a ni chai si lo. Star pawh ka star peih tawh lo, a bialnu hlui a râpthlâk êm mai. Nutling pawh a zah lo a nia, kei chu ni ila ka zak ngawt ang," a ti leh bawrh bawrh a; mahse, vànneihthlâk takin Siamsiami țawngkam chhe deuh deuh kha a sawi chhuak vek lo hlauh a, a sawi chhuah vek hlauin ka lo îp zawr zawr a nia.
Chaw ei kham dâwnah erawh chuan a theihnghilh leh tawh a ni ang, thil dang sawiin a nui leh mai mai tawh a, a rilru hian vei rèn rùn chu a nei lo ve chiang alawm. Kei chuan ka theihnghilh mai mai theih pawh ka ring lo, tunah pawh ka rilruah a awm reng a nia, engtin nge a pa bulah hian ka sawi fiah ang aw? A fanu an hmuhsitna țawngkam zawng zawng kha hrilh ta ila, a rilru a na ve ngêi dâwn si a.
Naom-i lehkha zir in tùr ka han pêk lai chuan rin loh deuhin a u Joel-a a bulah a lo țhu ve kur mai a; mahse, room-a ka luh veleh chuan a ding vut a, biak hman lohin a chhuak zui nghâl daih bawk.
"I u teh tlat chu," ka ti ringawt a, ani chuan," Vawiin thil thleng kha min rawn zâwt chiang a nih kha, a thin chu a rim ve hmèl lutuk! Mahse, awm ve ta pawh ni se ani chuan min chhan a tum duh teuh lo ang! A zak ang a, min kalsan daih ang chu," tiin a u chanchin chu a'n sawi zui nghâl a, Joel-a awm dàn leh chezia mitthlà rauh rauh pah chuan ka nui ringawt a.
"Thil thleng eng emaw a awm a nih chuan min hrilh hreh miah suh aw, min hrilh vek ang che. School nuam lo tih phah nân i hman ka duh hauh lo, i exam a hnai tawh a, rilru hahna tùr thil dang ti buaitu tùr che i neih ka duh lo a nia," kan ngawih deuh vang vang hnua thutak zeta ka tih chuan a lo bu nghat a.
"Eng mah ka zêp lo ang. Nu bula thil sawite chu nuam ka ti a, ka duh alawm. Âpa leh À-u hi chu ka hrilh duh lo, mipa an nia, min hre thiam ve tak tak lo. Nu neih ka châkna ber pawh hetia thil sawipui tùr neih ka duh vàng hi a nia," a ti leh siam siam a," Âpa leh À-u hrilh chi loh thil hi a awm ve thei a, anni chu mipa an ni miau a, hrilh vek a rem lo. Hei, hmeichhia leh hmeichhia chauh hriat tùr ang chite a awm ve hi, À-u hrilh phei hi chu lungtum biaka hrilh nèn danglamna a awm pawhin ka hre lo," a tih zawm leh zat a.
Mut dâwna hmai ka phih fai tawh hnua ka hmaia cream ka hnawih lai chuan ka hnungah rawn dingin dârthlalang ațang chuan min rawn en a," Vawiina thil thleng kha, zêp țhen nei hauh lovin min han hrilh teh? Eng nge a chhan dik tak?" a ti sup zui a, hmun dang en lovin ka mitah tak chuan a rawn en rùn a.
Ka hmai chu ka hnawih zo phawt a, ka ben thek thek hnuah," A sawi ang kha a ni mai; mahse, he thil hi a serious tlat a nia, exam hmachhawn mai tùr a ni a, a rilru ti danglam zâwng leh a lehkha zirna ti buaitu a ni ang tih ka hlau a ni," ka ti ta duah a.
"A zavaia min hrilh vek loh chuan rilru siam dàn tùr hriat thiam a har. Naom-i khân a classmate kha 'nutling pawh zah lo' ti khân a sawi a, engtin nge a zah loh dàn che chu a tih lan?" a rawn ti ve leh a, dârthlang bul ațanga kal sawnin," Naom-i kha a hmusit êm a ni. Țawngkam chhe tak takin a țawng khum a, ka lo inrawlh chiah khân ka chanchin a lo hriatte min hrilh nawn leh a ni ber ang chu. Chu mai bâkah, Naom-i hi ka fanu a nih loh dàn a sawi a, keiin ka fanu ka ti ve thung sia, kan thu a inhmu thei ta ngang lo a ni. Nu tân chuan a rilru natthlâk ve êm a," ka ti dap dap a.
"Nu nih hi nuam i ti tiraw?" ka rin loh lam daih a rawn sawi avàng chuan ka en vat a, min lo la en reng avàng chuan ka lu chu bu nghatin," A nuam alawm," ka lo ti ve mai a. Khum lam ka pan chuan ani pawh chuan a rawn pan ve nghâl a; mahse, mu mai lo chuan khum tlângah chuan țhuin min rawn en a," Thil thleng dik tak, engkim chu min hrilh tawh la?" a rawn ti leh a.
Engtin nge maw ka hrilh vek lo tih a hriat ni? Kut inthlâk nân ka thil sawi kha nêp a ti deuh a ni ngêi ang. Ka thaw huai phawt a, chutah, a chìnchhuakin ka hrilh ta dap a, zêp țhen ka nei tawh lo. Min zâwt nawn leh ta sa sa, ka hrilh vek mai loh nâkah.
A ngawi deuh reng a, ka hmui liak huhin," Ka thin kha a rim ve êm a ni, insùm hman a ni lo. A zahthlâk chu ka ti ve tawh tho, tunah tak hi chuan; mahse, a hun lai kha chuan ben nawn leh hial kha ka duh asin, ka râpthlâk i ti em?" Nuam lo ti ru angreng tak chuan ka ti leh a, a hmêl pawh ka en ngam lo.
"Râpthlâk ti lo ve, nu nih i tlin ka ti khawp mai, ka lâwm e," a rawn ti teh daih a! A hmêl chu ka en leh vat a, a lo nui suk a," Ka fanu chuan ka ngaihtuah ngai lovin nu, amah țan êm êmtu leh a tân engkim huam, Jail tàn pawh huam a lo nei reng tih ka hriat hian ka hlim veng veng a ni, naktûk lamah erawh tih tùr ka nei dâwn ta a ni," a ti dam dap a, chutia min fakna ka hria chu kei pawhin nuam ka lo ti ve veng veng.
"Naom-i hi ka khawngaih lutuk! Nuin emaw pain emaw kalsan natzia ka hria a, inchhaih nân leh inhmuhsit phah nân hman hlauh phei chuan rilru a nghawng thui dâwn tih pawh ka hre ruai ruai. Kha thil vànga Naom-i'n School nuam a tih loh zual phah hlauh phei chuan an school-a kala an zirtîrtu leh Principal hnêna thil awmzia zawng zawng hrilh vek hial ka duh ngéi ang," duhthawh tak chuan ka ti leh a, ka tâwt thar țûn mai. Haw kawngah chauh ni lovin, school-ah ngei pawh khâng naupangho khán an diriam ngam reng tho ka ring a ni. Inhmuhsitna leh indiriamna hian taksaah direct-in nâ thlen lo mah se rilru a khawih a, chu chuan zàwi muangin taksa a ei chhia a, chu chuan pawi nasa takin a khawih thei țhìn.
"Pa ka awm alawm, ka tih tùrah dah la, dam chuan naktûkah ka tih theih apiang ka ti ang," zaidam taka a tih tâkah chuan ka hahdam ta sawng sawng mai. Pa rintlâk a nih ka ring a, pa nih tling tak a nih pawh ka ring a, ka ring sual lo ngei nawk ang.
Kan rilru a inman dùn bawk a, nupa nun pawh duhthawh takin kan chen dun theih phah ka ti mai. Kan rilru a inpawh chho dùn ve zêl a; mahse, ka pasal a ni na chungin 'Pu Rinte' tia ka ngaihtuah chian loh chânga koh zauh ka la nei tho, ka ko sual viau chu ni lo mah se mahni pasal han 'pu' tlat chu a fuh tlat lo. Ka hriat chhuah veleh inthiam lohna ka nei nghâl zêl bawk a; mahse, ka lo hriat țhan dàn leh sawi dàn a nih vàngin ngaihtuah lutuk loh chânga ka lo 'Pu Rinte' hi ka inthiam lo lutuk duh lo ve leh tho bawk.
Siamsiami'n ka ben thu a pa a hrilh tùr thu a sawi kha, a lo hrilh tak tak a! Palai an rawn tîr a, an fanu kut ka lo thlâk vànga an lungawi loh thu leh ngaihdam kan dîl lo a nih chuan Jail lam chu an sawi ri ta viai viai mai. Chutia palai meuh rawn kal chu ka zak rilru khawp mai a, keimah vàngin an chhûngkua, a hmaa an nu uire vànga lo mualpho hrep tawh chu ka mualphotîr nawn leh dâwn a nih duh hmèl ta riau mai.
Mahse, sawi chhuak lo mah ila ka inchhîr hran chuang lo. Khati khawpa naupang nungchang mawi hre lo ka bêng kha ka inchhîr lo mai ni lovin țha ka ti. Hrehawm erawh ka ti, ka chhûngkuate ka ti hrehawm nawn lo thei ta si lo, hming chhiatna an tawng nawn leh dâwn si a.
*FEL, TLING LEH ȚHA BERA INNGAITE BULA AWM HI A HAHTHLÂK*
Kan lo ni khiau lo maw?
Kan lam pana a rawn phei lai chuan a hnungah chûng school naupang pathumte chuan an rawn zui a, pakhat chu rawn kal chak fâl deuhin," Hmêli, lo ding teh!" a tih ri chu ka hre thei a, la hla deuh mah se ka hre sual lo tih ka hre chiang viau, ka thin a rim nghâl phat bawk. Naom-i erawh chu a ding lêm lo va, chu vàng chu a ni ang, rawn tlàn khalhin, a bânah chuan a rawn mansak lawp a, Naom-i pawh a petek ve nawk nghe nghe. A ding chiah tihah chu nu, a bâna rawn pawttu, sa țha lam deuh chuan," Ka thu sawi kha i hre lo der a ni maw? Hmêli, i va inla ngêng ve a? Eng nge i nih? Nu uiresan mai mai i nih kha, i zak lo'm ni? Zak ve ta che, miin an sawi luih luih che u hi, hetiang mi hi Rosânga hian a duh tak tak che i ring em ni? Teuh lo mai! Vawi khat mah lo be tawh suh," a ti leh khar khar mai a, chutiang kum rual lek țawngkam atân chuan râpthlâk ka ti a, ka thin a rim êm êm bawk.
Naom-i chuan," Ka be lo, min bia a, ka chhâng ve mai a nih kha, chu chu eng nge a pawi viauna?" pângngai tak hian a lo ti a, Nonoi kai pah chuan ka pan hnai zêl a. Chu nu chuan," I țawng ngam elo?! I va zak lo ve a! Ni dâwn tak e!! I nu i chhùn tak alawm, zak lo bawk, lérh bawk!" Hmusit tih hriat taka nui chung hian a ti leh a, a la duh tâwk lo," Hur pawh i hur ngawt ang ka ti, Rosanga pawh hian a mutpui thei tawh ngêi chein ka ring, i va tenawm ngawih ngawih tak!" a la tih zawm leh a, an bula kan thleng tawh bawk a," Eng thil nge ni ta? Tu chu maw tenawm ngawih ngawih chu?" ka va ti ve ta a.
Kan awmna lai hi mi awm lêm lohna lai tak a ni a, in ațangin a hla hran lo ka tih tawh kha. Hetia kan țawng thãwm pawh hi hre phâk an awm lo tawp ang, kan mi hmuh hnaih deuhte ber pawh auh deuh làwng láwng an ngai hial ang chu.
"Tu nge i nih?" Chu nu chuan min rawn en pah hian a ti a, a țawng chhuah dàn han chaltlàizia reuh chu a! Naom-i ang êma sâng chu ni lo mah se a hniam hran chuang lo, min en chhuk thei tlat tho.
"Naom-i nu hi ka nia, eng nge buaina i nei em ni?" Ka thinrimna thup hrâm hrâm pah chuan ka ti dam thlap a, chu nu chu a nui ta hak a! " A pa nupui thar, vai fa pawm an tih kha i ni maw?! Ka pi, rawn in tih fel viau a ngai lo, vai sâwn pawm ve mai mai, lo inrawlh buai suh! I fanu tak tak pawh ni--" ka inrin hmain ka kut chu ka vai fua a, a biangah ka bensak thlawrh a, a thle sawk mai, ka kut a na nghâl cham cham bawk.
"Nu..!!" tiin Naom-i chuan min rawn chelh ta vat a, chu nu pawh chuan a biang a dawm a, thinrim tih hriat tak hian min rawn melh leh nghâl hrâ a, a țhiante pawh an rawn hnai vat bawk. Rum elkhèna min melhin," Kut min thlâk maw? Ka pa bulah ka sawi dâwn khawp mai, Jail-ah i tâng ang, i tâng dâwn chiang lutuk!" a la rawn ti ngam a nih chu! Zak lo hi ka va ti tak! Heti êm êm maia mi zahna nei lo leh naupang tê ni bawk si hi, ka thin a rim êm avàng chuan insûm thei tawh lovin," I zak lo hlê a ni! Naupang huaisàr tak i ni, aia upa zahna châng pawh hre lo. Hei hi lo hre rawh, Naom-i hi ka fanu a nih hi, lo ti buai tawh rêng rêng suh, a tân chuan eng pawh ka huam, Jail tàn pawh ka hlau rêng rêng lo," ka ti khùr dat dat a, ka insùm êm vàngin, ka thinrim bawk si, ka aw ka thunun ve vànga khùr ta pawh a ni. Nonoi ka bula a awm ve reng avàngin ka thinrim aw vín tùr ka thunun ve hrâm hrâm zâwk. Râpthlâk ka ti lutuk, ani ang naupang tê, chapo êm êm hi ka hlauhna chhan tùr leh a laka țawng ka insùmna chhan tùr erawh ka hre lo, a huaisàrna ti bo tùra ben leh sawk a nia ka la duh hial ni!
A țhiante chuan chu naupang râpthlâk zet chu kàiin an kalpui ta daih a, min la rawn melh râm râm zui bawk. Kei pawhin ka en reng tho, ani lakah hian zãm ka tum lo, ka zãm chhin eih lo ang. Naom-i hi ka thisen zawm chu a ni lo; mahse, chu chuan ka fanu a ni lo tih a hril kher lo, ka fanu a ni a, kan chhûngkaw naute a ni a, a rilru hrehawmna thil titu hi chu ka dìm dâwn teuh lo mai!
"Nu... ka lâwm lutuk aw! Kei aiin tê mah la, i huai ka ti tawp che, ka nu tak takah ka ngai che," tiin Naom-i chuan min kuah a, ka malah Nonoi'n a lo kuah ve bawk a, thâwk la huaiin," I tân eng pawh ka huam, eng thil pawh thleng rawh se, i tân chuan ka ding zêl ang," tiin Naom-i sam chu ka chùlsak a. A hnu deuhah chuan," Le, haw tawh ang u le, i ril a țâm tawh ang," ka ti a, Nonoi chu pawm nawlhin," Ka naute hi, i va rim tui tak! Ânuin fai tâwkin a lo bual che a ni maw?" tia biain a kalpui zui nghâl a. An hnunga zui pah chuan ka chêt dàn kha ka ngaihtuah lêt a, mak chu ka inti ve deuh. Mi kut ka thlâk ngai lo va, ka thlâk awmchhun a ni tih ka hria, ka zaidam viau emaw ka lo intih laiin ka kut a lo ram deuh chu a nih kha, a zahthlák ka tih leh deuh rualin fanu chhan nân chuan pawi lo tihna rilru ka pu leh tho bawk a.
Zanriah kîl lai hi chu chhûngkaw kim lai a nih țhin avàngin puar taka chaw kan ei tlàn theih nân vawiin lam boruak chu ka sawi chhuak duh miah lo va, Naom-i erawh chuan chutiang chu hre ve tawh hek lo le, Joel-a takngial pawh a la kham hma chuan a rawn sawi chhuak leh hmiah mai.
"Ânu hi a huaisen a nia aw! A têt ang hi a ni miah lo, Siamsiami kha a bêng pawp mai a, ani pawh khân nâ chu a ti ve ngawt ang," tiin hmâwr a bâwk a, ka hawi chhuak ngam rih lo, eng angin nge min ngaih ang tih ka ngaihtuahnaah a lo awm hmasa ber a. Mi kutthlâk chîngah min hmuh loh hrâm erawh ka beisei, Joel-a hian min țih phah ang tih pawh a hlauhawm, min biak ngai loh chu thuhran lo ni se, țih hmêl taka min en ka duh bîk miah lo.
"I nu hian i țhiannu a bêng a maw?" a pain a lo tih chuan," Ka țhiannu a ni lo, ka classmate a ni zâwk. Siamsiami a nia, ka sawi țhin Rosanga bialnu hlui kha a ni. Rosanga'n min biak vàngin a lo thinrim ve ngawt a, ka bialpa pawh a ni chai si lo. Star pawh ka star peih tawh lo, a bialnu hlui a râpthlâk êm mai. Nutling pawh a zah lo a nia, kei chu ni ila ka zak ngawt ang," a ti leh bawrh bawrh a; mahse, vànneihthlâk takin Siamsiami țawngkam chhe deuh deuh kha a sawi chhuak vek lo hlauh a, a sawi chhuah vek hlauin ka lo îp zawr zawr a nia.
Chaw ei kham dâwnah erawh chuan a theihnghilh leh tawh a ni ang, thil dang sawiin a nui leh mai mai tawh a, a rilru hian vei rèn rùn chu a nei lo ve chiang alawm. Kei chuan ka theihnghilh mai mai theih pawh ka ring lo, tunah pawh ka rilruah a awm reng a nia, engtin nge a pa bulah hian ka sawi fiah ang aw? A fanu an hmuhsitna țawngkam zawng zawng kha hrilh ta ila, a rilru a na ve ngêi dâwn si a.
Naom-i lehkha zir in tùr ka han pêk lai chuan rin loh deuhin a u Joel-a a bulah a lo țhu ve kur mai a; mahse, room-a ka luh veleh chuan a ding vut a, biak hman lohin a chhuak zui nghâl daih bawk.
"I u teh tlat chu," ka ti ringawt a, ani chuan," Vawiin thil thleng kha min rawn zâwt chiang a nih kha, a thin chu a rim ve hmèl lutuk! Mahse, awm ve ta pawh ni se ani chuan min chhan a tum duh teuh lo ang! A zak ang a, min kalsan daih ang chu," tiin a u chanchin chu a'n sawi zui nghâl a, Joel-a awm dàn leh chezia mitthlà rauh rauh pah chuan ka nui ringawt a.
"Thil thleng eng emaw a awm a nih chuan min hrilh hreh miah suh aw, min hrilh vek ang che. School nuam lo tih phah nân i hman ka duh hauh lo, i exam a hnai tawh a, rilru hahna tùr thil dang ti buaitu tùr che i neih ka duh lo a nia," kan ngawih deuh vang vang hnua thutak zeta ka tih chuan a lo bu nghat a.
"Eng mah ka zêp lo ang. Nu bula thil sawite chu nuam ka ti a, ka duh alawm. Âpa leh À-u hi chu ka hrilh duh lo, mipa an nia, min hre thiam ve tak tak lo. Nu neih ka châkna ber pawh hetia thil sawipui tùr neih ka duh vàng hi a nia," a ti leh siam siam a," Âpa leh À-u hrilh chi loh thil hi a awm ve thei a, anni chu mipa an ni miau a, hrilh vek a rem lo. Hei, hmeichhia leh hmeichhia chauh hriat tùr ang chite a awm ve hi, À-u hrilh phei hi chu lungtum biaka hrilh nèn danglamna a awm pawhin ka hre lo," a tih zawm leh zat a.
Mut dâwna hmai ka phih fai tawh hnua ka hmaia cream ka hnawih lai chuan ka hnungah rawn dingin dârthlalang ațang chuan min rawn en a," Vawiina thil thleng kha, zêp țhen nei hauh lovin min han hrilh teh? Eng nge a chhan dik tak?" a ti sup zui a, hmun dang en lovin ka mitah tak chuan a rawn en rùn a.
Ka hmai chu ka hnawih zo phawt a, ka ben thek thek hnuah," A sawi ang kha a ni mai; mahse, he thil hi a serious tlat a nia, exam hmachhawn mai tùr a ni a, a rilru ti danglam zâwng leh a lehkha zirna ti buaitu a ni ang tih ka hlau a ni," ka ti ta duah a.
"A zavaia min hrilh vek loh chuan rilru siam dàn tùr hriat thiam a har. Naom-i khân a classmate kha 'nutling pawh zah lo' ti khân a sawi a, engtin nge a zah loh dàn che chu a tih lan?" a rawn ti ve leh a, dârthlang bul ațanga kal sawnin," Naom-i kha a hmusit êm a ni. Țawngkam chhe tak takin a țawng khum a, ka lo inrawlh chiah khân ka chanchin a lo hriatte min hrilh nawn leh a ni ber ang chu. Chu mai bâkah, Naom-i hi ka fanu a nih loh dàn a sawi a, keiin ka fanu ka ti ve thung sia, kan thu a inhmu thei ta ngang lo a ni. Nu tân chuan a rilru natthlâk ve êm a," ka ti dap dap a.
"Nu nih hi nuam i ti tiraw?" ka rin loh lam daih a rawn sawi avàng chuan ka en vat a, min lo la en reng avàng chuan ka lu chu bu nghatin," A nuam alawm," ka lo ti ve mai a. Khum lam ka pan chuan ani pawh chuan a rawn pan ve nghâl a; mahse, mu mai lo chuan khum tlângah chuan țhuin min rawn en a," Thil thleng dik tak, engkim chu min hrilh tawh la?" a rawn ti leh a.
Engtin nge maw ka hrilh vek lo tih a hriat ni? Kut inthlâk nân ka thil sawi kha nêp a ti deuh a ni ngêi ang. Ka thaw huai phawt a, chutah, a chìnchhuakin ka hrilh ta dap a, zêp țhen ka nei tawh lo. Min zâwt nawn leh ta sa sa, ka hrilh vek mai loh nâkah.
A ngawi deuh reng a, ka hmui liak huhin," Ka thin kha a rim ve êm a ni, insùm hman a ni lo. A zahthlâk chu ka ti ve tawh tho, tunah tak hi chuan; mahse, a hun lai kha chuan ben nawn leh hial kha ka duh asin, ka râpthlâk i ti em?" Nuam lo ti ru angreng tak chuan ka ti leh a, a hmêl pawh ka en ngam lo.
"Râpthlâk ti lo ve, nu nih i tlin ka ti khawp mai, ka lâwm e," a rawn ti teh daih a! A hmêl chu ka en leh vat a, a lo nui suk a," Ka fanu chuan ka ngaihtuah ngai lovin nu, amah țan êm êmtu leh a tân engkim huam, Jail tàn pawh huam a lo nei reng tih ka hriat hian ka hlim veng veng a ni, naktûk lamah erawh tih tùr ka nei dâwn ta a ni," a ti dam dap a, chutia min fakna ka hria chu kei pawhin nuam ka lo ti ve veng veng.
"Naom-i hi ka khawngaih lutuk! Nuin emaw pain emaw kalsan natzia ka hria a, inchhaih nân leh inhmuhsit phah nân hman hlauh phei chuan rilru a nghawng thui dâwn tih pawh ka hre ruai ruai. Kha thil vànga Naom-i'n School nuam a tih loh zual phah hlauh phei chuan an school-a kala an zirtîrtu leh Principal hnêna thil awmzia zawng zawng hrilh vek hial ka duh ngéi ang," duhthawh tak chuan ka ti leh a, ka tâwt thar țûn mai. Haw kawngah chauh ni lovin, school-ah ngei pawh khâng naupangho khán an diriam ngam reng tho ka ring a ni. Inhmuhsitna leh indiriamna hian taksaah direct-in nâ thlen lo mah se rilru a khawih a, chu chuan zàwi muangin taksa a ei chhia a, chu chuan pawi nasa takin a khawih thei țhìn.
"Pa ka awm alawm, ka tih tùrah dah la, dam chuan naktûkah ka tih theih apiang ka ti ang," zaidam taka a tih tâkah chuan ka hahdam ta sawng sawng mai. Pa rintlâk a nih ka ring a, pa nih tling tak a nih pawh ka ring a, ka ring sual lo ngei nawk ang.
Kan rilru a inman dùn bawk a, nupa nun pawh duhthawh takin kan chen dun theih phah ka ti mai. Kan rilru a inpawh chho dùn ve zêl a; mahse, ka pasal a ni na chungin 'Pu Rinte' tia ka ngaihtuah chian loh chânga koh zauh ka la nei tho, ka ko sual viau chu ni lo mah se mahni pasal han 'pu' tlat chu a fuh tlat lo. Ka hriat chhuah veleh inthiam lohna ka nei nghâl zêl bawk a; mahse, ka lo hriat țhan dàn leh sawi dàn a nih vàngin ngaihtuah lutuk loh chânga ka lo 'Pu Rinte' hi ka inthiam lo lutuk duh lo ve leh tho bawk.
Siamsiami'n ka ben thu a pa a hrilh tùr thu a sawi kha, a lo hrilh tak tak a! Palai an rawn tîr a, an fanu kut ka lo thlâk vànga an lungawi loh thu leh ngaihdam kan dîl lo a nih chuan Jail lam chu an sawi ri ta viai viai mai. Chutia palai meuh rawn kal chu ka zak rilru khawp mai a, keimah vàngin an chhûngkua, a hmaa an nu uire vànga lo mualpho hrep tawh chu ka mualphotîr nawn leh dâwn a nih duh hmèl ta riau mai.
Mahse, sawi chhuak lo mah ila ka inchhîr hran chuang lo. Khati khawpa naupang nungchang mawi hre lo ka bêng kha ka inchhîr lo mai ni lovin țha ka ti. Hrehawm erawh ka ti, ka chhûngkuate ka ti hrehawm nawn lo thei ta si lo, hming chhiatna an tawng nawn leh dâwn si a.
*FEL, TLING LEH ȚHA BERA INNGAITE BULA AWM HI A HAHTHLÂK*
Kan lo ni khiau lo maw?
Comments
Post a Comment